أؤمن بأن المعتقدات والأفكار وبالطبع المشاعر تؤثر على نبرة الصوت، ونظرة العين ولغة الجسد بل وملامح الوجه!
؟؟
تُبنى العلاقات على أسس ومن أهمها الثقة! او على الأقل بالنسبالي، بحس ان أساس العلاقة هو الثقة وييجي بعديها ما هو مرتبط بيها زي الأمان، لما تثق في شخص غالبا هتحس معاه بالأمان.وبعد كده ييجي التشابه، بعض التشابه في الشخصيات والآراء والمعتقدات بيبني علاقة رائعه، وده ممكن بيرجع لاحساسك ان الشخص ده فاهمني، احنا شبه بعض فهو فاهمني، متفاهمين ومتشابهين صفتين مهمين في العلاقة. وفِي الحقيقة ان الأراضي المشتركة شيء أساسي عشان لو مفيش أراضي مشتركة ببساطة ممكن ميبقاش في علاقة اصلا 🤷🏻♀️ افتكرت كريم السيد ك مثال، بداية معرفته بزوجته كانت انهم كانوا هما الاتنين بيتابعوا باند موسيقية معينة ودي كانت نقطة التقائهم. نقطة التشابه بتكون نقطة نقدر نتقابل فيها ونقعد نشرب حاجة ونتكلم سوا! انت فاهمني، مش كده؟
🎶
وحدي لكن ونسان ...🎶❤️
مساحة🌻
لما ببص للسما بيبقى صعبان عليا انزل عيني للأرض تاني من سحر السما على النفس والروح والعقل.
في الواقع احنا مش بنبين لحد اننا معجبين بيه لانه بيبان لوحده🤷🏻♀️ الواحد بيبقى فاكر نفسه جامد جدا ومفيش حد عارف مشاعره اللي هي في الحقيقة بتبان في عيونه ونبرة صوته وتصرفاته البلهاء وهكذا يعني🙆🏻♀️
تعميم مرفوض لكن دي بعض الأسباب ١-بحكم خبرة الرجل وتعامله وكثرة علاقاته تكسبه ذكاء اجتماعي قد لا يكون عند المرأة التي لا تتعامل كثيرا مع المجتمع وليس لديها علاقات عديدة. ٢- فطرة الرجل انه اذكى لان بيده القوامة والإدارة والمسئولية وكذا، فاحتاج لذلك من اجل اتخاذ القرارات وإدارة الأزمات. ٣- عقل الرجل يسيطر عليه بخلاف الأنثى التي تسيطر عليها مشاعرها.
If you were really hungry, really exhausted and really gross, what would you do first – eat, nap or shower?
Eat, shower then nap 😴
What is one thing you refuse to share?
Well, why I share something I refuse to share it?
أُمنية عامك الجديد؟..
أن يُشفى قلبي وأن أنسى..
يعني ايه!
يعني هي ممكن تغير شيء سطحي، عادة معينة عنده مثلا او فكرة ما في، او شيء سطحي بسيط في شخصيته، وده هيكون تغيير طويل المدى عادي. انما لو هي عايزه تغير طبع معين او شيء جذري في شخصيته، ف ده مش هيحصل ولو حصل هتبقى فتره مؤقته، لان ده تغيير جذري والتغيير الجذري بيكون قصير المدى.
١- تغيير الأفكار والكلام اللي بنقوله لنفسنا عن نفسنا، بمعنى حاول دايما تقول لنفسك كلام إيجابي، انا جميل ومحبوب و... عزز نقاط قوتك، بانك تقولها لنفسك، اضحك على عقلك الباطن. ٢- البيئة الخارجية والأشخاص اللي بتتعامل معاهم مهم يكونوا بيدعموك ويقدروك وبيمدحوا الصفات الكويسه فيك.. لو مش عندك البيئة دي حاول على قد ما تقدر توجدها، يعني صاحب الناس اللي بتشجعك وتقولك انك كويس٣- ابني نفسك وطور منها واتعلم واعمل أهداف صغيرة وحققها، لما تعمل هدف وتحققه ده بيزود ثقتك بنفسك
يعني ايه الاهتمام بالنسبة للبنت ؟
مبدأيا انت هتحصل على اجابات مختلفة وده بيرجع الى ان كل بنت وليها قاموسها، وبالتالي بتتكلم عن معنى الاهتمام من قاموسها. ولكن في الأغلب الاهتمام يعني الاستماع والتفاعل، اسمعها من غير ما تطلع حلول، اسمع وبس.. بيعني سؤالك عليها وتذكر التفاصيل يعني تفتكر هي قالتلك ايه وحكيتلك ايه وتبقى متابع وتسألها عملتي ايه في الموضوع الفلاني 😂
- هل لديك أصدقاء إلكترونيين يفهمونك أكثر من أصدقاء الواقع؟
انا عارفة اتعامل مع أصدقائي الواقعيين عشان اتعامل مع أصدقاء إلكترونيين!
السؤال الغريب كيف لكلمه في محادثه إلكترونيه تغير انتظام نبضات قلبك ؟!!
تماما كما لعبور فكرة في خاطرك تبتسم لها او تبكي لها.
...
السوشيال ميديا ووسائل التواصل الحديثة سهلت الاستخفاف بمشاعر وقلوب الآخرين، بتقول كلام مستحيل تقدر تقوله لو الشخص قدامك، إنما تكتبه عادي! ... اعتذاري الشديد لكل من جرحته، أغضبته او أحزنته..
مساحة👀
النيّة قد يبدو أمرها سهلا، لكنه في الواقع مش سهل ابدا، لان النية عمل قلبي، ينبع من أعمق أعماقك، من عقيدتك وفهمك لمعنى الحياة عشان كده مش تستغرب لما تلاقي الوحي بيحدد صلاح العمل وقبوله من النية! وأحاديث كتير مذكورة في النية ومنها الحديث المشهور" إنما الأعمال بالنيات، وإنما لكل امرئ ما نوى، فمن كانت هجرته إلى الله ورسوله، فهجرته إلى الله ورسوله، ومن كانت هجرته لدنيا يصيبها أو امرأة ينكحها، فهجرته إلى ما هاجر إليه[1]. ... أظن انه من طرق إصلاح النية هو إصلاح الباطن، عقيدتك واعتقاداتك وأفكارك عن الدنيا والآخرة، اهتمامك باصلاح قلبك الذي هو محل النية. وعلى كُلٍ النية شيءفي غاية الأهمية يستحق الكثير من الاهتمام والمراقبة والإصلاح.
ماذا يعني لك الزواج ؟
قدرا شفت السؤال ده امبارح، بالطبع انا مش هجاوب هنا حياءًا، لكن جدير بالذكر ان ده سؤال من الأهمية بمكان وجدير بكل شاب وفتاة ان يسألوه لأنفسهم.أجبت عن السؤال عندي في ملاحظات الهاتف وأظنني سأحتفظ بالإجابة لنفسي.شكرًا لصاحب السؤال!
شي اذا سويتوه تحسون براحه؟
الصلاة والقرب من الله... "فمن اتبع هداي فلا يضل ولا يشقى" الوحي هو الطريق = )
مساحة🌻
أحيانا بل كثير من الأحيان بنحس بالعجز عن فعل طاعة معينة، مش قادر تصلي مش قادر تقول الأذكار مش قادر تستغفر، مش قادر تتوضى قبل ما تنام،رغم ان الأسباب ممكن تكون مُهيئة سواء صحة او مال في حالة التصدق مثلا.. لا شك ان الموضوع ده ليه أسباب قد يكون منها الحرمان او نفس الشخص مستكبرة عن الدعاء، او ابتلاء لتجاهد نفسك، كمان الموضوع مخيف لما نقرأ لقوله تعالى: "كره الله انبعاثهم فثبطهم"، لكن انا مش بصدد الحديث عن الأسباب التي لاشك هي من الأهمية بمكان، لكن عايزة اربط بين العجز عن الطاعة وحديث النبي"أعجز الناس من عجز عن الدعاء"، اللي هو انت ممكن تكون عاجز عن الذِكر بس هتبقى من أعجز الناس لو مدعيتش انك تذكر الله، ممكن تبقى عاجز عن الصلاة بس هتبقى من أعجز الناس لو مدعيتش انك تصلي. مكسل تقرأ الأذكار ادعي انك تقرا الأذكار عايز تقيم الليل ادعي انك تقيم الليل. عايز تفهم القرءان ما تدعي بالفهم ما هو أصل الطاعة اللي انت مواظب عليها اوبتعملها هي رزق من الله، مش شطارة منك، ف متعتمدش على نفسك، متبقاش من أعجز الناس وادعي. ولو مش عارف تدعي ادعي انك تعرف تدعي، المهم انك تدعي... ... ايّام ثانوية عامة وأوقات المذاكرة العصيبة، لما ببقى فعلا مش قادرة اذاكر، حاجز نفسي متين عميق بيني وبين المذاكرة، مكنتش بدعي بالنجاح، كنت بدعي ب" يا رب اذاكر واجتهد ووفقني في مذاكرتي وامتحاناتي"، العجيب ان الحاجز السابق ده بينهار قدام الدعوة دي. يعني انت ممكن تدعي حتى انك تاخد بالأسباب، لو مش قادر تاخد بالأسباب.... وفِي الحديث : ( ليسأل أحدكم ربه حاجته كلها حتى شسع نعله إذا انقطع ) ، وكان بعض السلف يسأل الله في صلاته كل حوائجه حتى ملح عجينه وعلف شاته. ... حقيقي الدعاء نعمة عظيمة تستوجب الحمد والشكر لله.