لو حد اتخلى عنك ف وقت كنت محتاجه و رجع عايز منك خدمة هتعملها؟
هأعملها له لو لقيت إني مش هيبقى جوايا مشاعر وحشة وأنا بأعمله الحاجة دي وعندي القدرة إني أعملها عادي من غير ما أجي على نفسي.. لو حسيت إن إحساسي مش هيبقى كويس أو هاجي ع نفسي عشان أعملها فهرفض بكل بساطة عشان مش هبقى حابة أعمل مساعدة ويكون جوايا شعور مش لطيف تجاهها
انا 22 سنة ومش قادة اصلي وحتي لو بدأت هعمل ايه في الي فاتني من صلوات
المهم تتوبي توبة نصوحة وترجعي تصلي وربنا هيعينك ويقويكي ويثبتك إن شاء الله
مش عارفه اقول اي بس متأكده اني هتهاجم . انا مخطوبة لشخص حالته على اده جابلي شبكه بس ٢٠٠٠٠ .. مش دي مشكلتي المشكله ان قرايبي جايلهم شبكه ب ارقام عاليه و بنت خالتي كل شويه خطيبها يجيبلها دهب و دي بصراحه حاجه بضايق منها و بحس أن انا قليله مع اني احسن منها ف تعليم .. اعمل ايه عشان تعبت من المقارنه
متقارنيش نفسك بحد كل واحد بياخد نصيبه والمكتوب له.. مش المهم جايب إيه وبقد إيه.. المهم يكون بيحترمك ويقدرك وكريم وأخلاقه كويسة وهيتقي الله فيكي