اوقات تمر علينا مواقف نحسوها مقلب او اقرب للخيال و جو الافلام ... شن الموقف اللي مر عليكم ؟
موقف حسيت روحي في فيلم قعدت مصدومة بعده اسبوع المهم هو صار في الحوازة اني طلعت على اساس نتمشى ونلقى كلب حاشاكم بدي يجري وراي والمشكلة اني بعيدة ع الحوش نجري ونعيط حتى شبشبي حذفته جريت على المرش مفتفت حفيانة واقسم بالله ماحسيت بيه من الخوف والكارثة ان الكلب مش عادي شكله يخوف وكبير قصدي واني نخاف من الكلاب هلبا والكارثة الثانية ان نوصل للحوش نلقى الباب مسكر والكلب قاعد وراي ووه عليا بعدين مانعرفش كيف صار شكله دهش وقف ومشي واني وليت للحوش وجهي اصفر رجليا من لوطة مرش ودم ومش حاسة بيهم قريب متت واااك ?? كل مانتفكره قلبي يوقف
كيف تتعامل مع شخص متحسس من وجودك ف محيطه ، لانه يحس انك خير منه ؟ مع مراعاة انك متقدرش تغير هذا المحيط ولا تبعد عن هالشخص لاسباب مادية مش عاطفية.
هو علاش متحسس اكيد مش من الفراغ صايرة لقطات وحركات بينكم الحل انك تتقرب ليه وتكسبه لو انت فعلا خايف على مشاعره وشوف السبب شن هو ونتناقشوا بيناتكم ولو هو مايبيش عادي خليه براحته وخلي يتحسس لن يدهش ارضاء الناس غاية لا تدرك