هييجي عليك وقت وهتتحول حرفيًا لا هتعاتب ولا هتجادل لا هتفتقد حد ولا هتدور على حد ال هيكلمك هترد عليه وال هيبعد عنك مش هتسأل عن سبب بعده هتسمع كلام مش عاجبك لكن حتي مش هترد...
عدم إحترام مشاعر الأخر وتريقتك عليه سواء فبوستات عالفيس أو التنمر عليه فالواقع حتي ولو كانت تافهة بالنسبالك فهي إهانة ليك مش ليه...لأنك ببساطة وصلتي أو وصلت لدرجة الحلاليف ودي درجة أعلي من إنك تكون حيوان...يارب تكون وصلت
الزعل غالي غالي زيه زى الحب بالظبط مش أى حد كده وخلاص ينفع يبقى إسمه مزعلك ! زعلك من فلان بيسيب أثره فيك أنت وهو ولا شاغل باله الزعل بينهش في دماغك مش دماغه نفسيتك أنت اللي بتتدمر مش نفسيته طب وعلى إيه وعشان مين ! إرمي ورا ضهرك وكمل طريقك واشتري خاطر اللي شاريك، وبيع اللي متفرقش معاه اللي بيحبك وبيعزك مش هيزعلك ولو زعلك بدون ما يقصد هيحسك متغير فـ هيصالحك اللي بيعزك مش هيدوس لك على طرف مش هيهون عليه أصلاً ولو هان أو داس أو جرح يبقى ماكنش عزيز ولا قريب من الأول
مش عاوز أبان شيخ والله بس بجد مُغريات الحياه بقت كتير أوي و صعبه و في صراع جوا دماغي بين إن دا حرام و بين إن كل الناس بتعمله و عادي مجاتش عليك يعني ، ف اللهم حببنا في طاعتك و كـ ـرهنا في معصيتك و ثبت قلوبنا علي دينك 🙏
أنت متخيل تروح تتقدم لواحده عندها ٢٤ ولا ٢٥ سنه بتشتغل و مستقره مادياً و مدلعه نفسها و تيجى أنت على آخر الزمن ساحب أمك تحت باطك ورايح تتقدملها صالونات بطبق حلويات عفش زى سحنتك وقاعد مجعوص على كنبه الانتريه وفخادك مدلدله من الجناب وفجأه وبدون أى مقدمات روحت متخن أحبالك الصوتيه ونافش مناخيرك اللي حجمها ٩٥% من مساحة وشك العكر و قلت " أنا شرطى الأساسى مش عايز مراتى تشتغل ، أنا شُغلانتها وياريت لو تخسي شويه أنا أحب مراتى سمبتيك و أسنانك محتاجه شويه تظبيطات ع خفيف " .. على أساس بقا أنها وافقت و متشعلقه ف حزام بنطلونك الجلد موديل التسعينات يا صعلوك !!
ياخي تصدق بالله انت قرفتني فعيشتي كل ما افتح الفون الاقيك ادامي دا كان طبق كشري اسود علي دماغنا هو مفيش فمصر غيرك دا انا ناقص افتح المحفظه الاقيك ادامي ارحمنا ياعم احنا ماشيين بالعلاج
في ناس كبيرة فالسن عندها كمية وقاحة وفظاظة غير طبيعية من باب أنا كبير فالسن ولو حد إتكلم تبقي قليل الأدب وعيب عليك ودا راجل ولا ست كبيرة اللي هو أنا أقل أدبي بحكم سني وكدا...ومابين كبير وصغير اللي إتربي علي الأصول والأدب بيتفرم فالنص
داخل ارد لايكس شوفت سؤال في كمية حقد وحسد ع حياة الناس ففي كلمتين نفسي اقولهم بجد... متبصوش لحد ف شغله ولاخروجاته وسفره ولا رزقه ولا حياته محدش بياخد كل حاجة ..اتمنو الخير للناس زي ما تتمنوه لنفسكم بالظبط .. كل واحد والله عنده رزق متاخد قصاده حاجات تانية كتير.. متستكتروش الرزق علي الناس وانتو مش عارفين ظروفهم ايه وفيهم ايه .. صفو قلوبكم واحمدو ربنا علي اللي معاكم لان محدش بياخد رزق حد ولا بيمنع الرزق عن حد