_
كان عندي محاضرة إمبارح إسمها الترجمة والتواصل عبر الثقافات ،هي مادة تقيلة شوية بس ممتعة جدا ، ف من محتوى المحاضرة السينسي كان بيقولنا أمثلة يابانية وجت منين وايه قصتها * ودا الجامد عند اليابانيين اي حاجة ليها قصة وانك تبحث عن خلفية الحاجة دي .. فعلا فعلا ممتع * وإدانا اسماء كتاب مجمع الحاجات دي ، وعشان نفصل شوية ذكر أمثلة مصرية وقصتها ايه ، زي مثلا * سُليطي مُليطي *😂 ، ودي قصته انه كان فيه يمني رايح مكة بيبع عسل ف كان حطه في البتاعة دي اللي بيحطوا فيها العسل ف لما وصل مكة وبيبع لقاه فاضي الناس اللي كانوا معاه ف الرحلة اكلوه ، ف الناس هناك قلوله ممكن تكون نسيت تحطه او اتكب منك فقلهم * ما سال قط ما مال قط * ف جت منها سليطي مليطي ، مثال تاني * اللي اختشوا ماتوا * ودا كان فيه حاجة اسمها حمام التلات زمان دا بيبقى حمام عام بتروح الناس تاخد شاور فيه وكدا ف ولع في مرة ف في ناس خرجت تجري ف نص الشاور يعني وفي ناس اتحرجوا يخرجوا ف ماتوا ف جه المثل من كدا وأمثلة من دي كتير بجد ممتعة😂 في كتاب لأحمد تيمور باشا اسمه الأمثال العامية مجمع فيه كل الأمثلة بالترتيب الأبجدي لو حد مهتم بيها ، دا اللينك بتاع الكتاب ..
https://www.hindawi.org/books/75241938/
https://www.hindawi.org/books/75241938/