عاوز اتكلم معاك يوم كام احكي كل الحزن اللي جوايا كل الخيبات اللي مريت بيه افضفض واحكي واسمع محتاج دا جداا جدااا وبعدها نمشي وكأن محصلش اي حاجه
كُلنا*
ولكن مَينفعش أبدًا أبدًا لأن مِن أول ما بَقينا نعرف نمشي خطوة.. في أشياء كان ينفع نعملها وأشياء مينفعش أبدًا نِقرب مِنها.
لما كُنت صُغيرة يدوب بعرف أمشي كنت لما أكون عايزة "حاجه حلوة" كطفلة عادي كانت ماما بتبقى معايا أو حد من إخواتي.. لحد ما جه يوم كان في عمو بيلف كدا "بِـ آيس كريم" فَقولت لماما إني عايزه يعني راحت قالتلي استني هقول لأخوكِ ياخدك ويروح وأنا واقفه مستنيه أخويا عند باب البوابة بتاعتنا لمحت بِطرف عيني إن عمو بتاع الآيس كريم اللي واقف عند أول شارعنا بيتحرك علشان يمشي فنزلت أجري بُسرعة علشان أقوله ما يمشيش، وأنا بَجري تقريبًا كان فِي "حَجَر" في الطريق ما شوفتوش فَا اتكعبلت فيه وقعت اتعورت.
بعد ما خفيت ماما أخدتني وراحت تجبلي"آيس كريم"وقالتلي كام كلمة بتفضل تقولي فيهم لحد الآن وأنا مش بنساهُم أبدًا.. قالتلي "شوفتي لما فكرنا نعمل الشيء اللي مَينفعش نعمله حصل ايه؟" رديت بكُل تلقائية.. اتعورت يا ماما، قالتلي متعورناش بَس لأ وكمان مأخدنهاش!
ولكن أهم شيء لما تُقعي "تتعلمي" وإن الحياة دي لازم ولابُد يحصلنا فِيها دروس لأجل إننا نِتعلم، ولكن لما نُقع نتعلم إن الأشياء اللي مَينفعش نعملها بلاش نقربلها علشان مَنتإذيش مِنها تاني.
افتكرت ناو لما مُدرس الإنجلش بتاعي وأنا في "2ثانوي" قالي جُملة والله مازالت شاغله تفكيري إلى الآن "اِختاري صُحابك صح، اختاري الناس اللي تمشي معاهم.. لأنهُم مش شبهك" كان بيحاول يوصلي رسائل على هيئة كلام غير مُباشر بس مَقدرتش أفهم دا غير بعد "3ثانوي" للأسف الحمد لله، ووقتها بردو افتكرت كلمة ماما اللي كانت بتقولي "يبنتي حرام عليكِ بيضيعولك وقتك" أشياء كتير كُنت بَفهمها متأخر جدًا، بس كان ولابُد تحصل علشان أتعلم.
اي دا أنا بحكي!
بَحكي أيوا لأن"الثوابت، المباديء ومِن قبلهُم الدين"مَبتتجزأش.
أحيانًا بيبقى في أشياء جوانا مش عارفين نحكيها أو لما تزيد علينا بنحتاج أشخاص ليسَ لنا صِلة بَينهم علشان نحكيها على سبيل الراحة إننا خرجناها وفي نفس الوهلة الأشخاص دي تكون بتسمعنا من باب الإنصات لينا فقط وبعدين نمشي وكأنَّ شيئًا لم يحدُث، ولكن بالنهاية مَينفعش.
ولكن مَينفعش أبدًا أبدًا لأن مِن أول ما بَقينا نعرف نمشي خطوة.. في أشياء كان ينفع نعملها وأشياء مينفعش أبدًا نِقرب مِنها.
لما كُنت صُغيرة يدوب بعرف أمشي كنت لما أكون عايزة "حاجه حلوة" كطفلة عادي كانت ماما بتبقى معايا أو حد من إخواتي.. لحد ما جه يوم كان في عمو بيلف كدا "بِـ آيس كريم" فَقولت لماما إني عايزه يعني راحت قالتلي استني هقول لأخوكِ ياخدك ويروح وأنا واقفه مستنيه أخويا عند باب البوابة بتاعتنا لمحت بِطرف عيني إن عمو بتاع الآيس كريم اللي واقف عند أول شارعنا بيتحرك علشان يمشي فنزلت أجري بُسرعة علشان أقوله ما يمشيش، وأنا بَجري تقريبًا كان فِي "حَجَر" في الطريق ما شوفتوش فَا اتكعبلت فيه وقعت اتعورت.
بعد ما خفيت ماما أخدتني وراحت تجبلي"آيس كريم"وقالتلي كام كلمة بتفضل تقولي فيهم لحد الآن وأنا مش بنساهُم أبدًا.. قالتلي "شوفتي لما فكرنا نعمل الشيء اللي مَينفعش نعمله حصل ايه؟" رديت بكُل تلقائية.. اتعورت يا ماما، قالتلي متعورناش بَس لأ وكمان مأخدنهاش!
ولكن أهم شيء لما تُقعي "تتعلمي" وإن الحياة دي لازم ولابُد يحصلنا فِيها دروس لأجل إننا نِتعلم، ولكن لما نُقع نتعلم إن الأشياء اللي مَينفعش نعملها بلاش نقربلها علشان مَنتإذيش مِنها تاني.
افتكرت ناو لما مُدرس الإنجلش بتاعي وأنا في "2ثانوي" قالي جُملة والله مازالت شاغله تفكيري إلى الآن "اِختاري صُحابك صح، اختاري الناس اللي تمشي معاهم.. لأنهُم مش شبهك" كان بيحاول يوصلي رسائل على هيئة كلام غير مُباشر بس مَقدرتش أفهم دا غير بعد "3ثانوي" للأسف الحمد لله، ووقتها بردو افتكرت كلمة ماما اللي كانت بتقولي "يبنتي حرام عليكِ بيضيعولك وقتك" أشياء كتير كُنت بَفهمها متأخر جدًا، بس كان ولابُد تحصل علشان أتعلم.
اي دا أنا بحكي!
بَحكي أيوا لأن"الثوابت، المباديء ومِن قبلهُم الدين"مَبتتجزأش.
أحيانًا بيبقى في أشياء جوانا مش عارفين نحكيها أو لما تزيد علينا بنحتاج أشخاص ليسَ لنا صِلة بَينهم علشان نحكيها على سبيل الراحة إننا خرجناها وفي نفس الوهلة الأشخاص دي تكون بتسمعنا من باب الإنصات لينا فقط وبعدين نمشي وكأنَّ شيئًا لم يحدُث، ولكن بالنهاية مَينفعش.