@tokaadel5

t᥆kᥲ፝֟֯ꪅ

Ask @tokaadel5

Sort by:

LatestTop

لحديثك تقـى °|🖇🖤!!

23 مارس 2024 ميلاديًا، 13 رمضان 1445 هجريًا، السبت
الذكرى السنوية التالتة لبابا..
قد يُهيئ للبعض و الأغلبية تقريبًا إن مع مرور وقت أكتر على وفاة شخص ما إن شعور الفقد بيكون هيّن و بيتداوى مع الوقت و يمكن كتير متفق مع مقولة: "الوقت قادر يعالج أي حاجة"
لكن لأ.. لأ تمامًا من تجربتي خلال 3 سنين تقريبًا والله والله إني مش قادرة أستوعب إنهم 3 سنين بس.. دول كتير.. كتير أوي.. و مع كل الأسف لسه مش قادرة أتخلص من شعور العجز عن إني أقدر أوصف ذرة واحدة بس، ذرة واحدة من بابا و ذكريات بابا اللامتناهية.. و اه لسه مش قادرة أبص لصورته و أسمع صوته ال في مكالماته معايا حبيبي كنت مسجلة معظمهم و لا الفيديوهات و لا حتى قادرة ألمس هدومه و أشم ريحتها.. أنا.. أنا حتى لسه مش قادرة أتكلم عنه أو أقول أسمه في البيت..؛ معنديش الجرأة و لا القوة إني أتعامل مع كل حاجة تخص بابا على إنها ذكرى.. مُجرد ذكرى..! أحيانًا أقول يا ريتك ما كنت عظيم كده يا بابا يا ريتك مكنتش زي الملاك معانا كده يا ريتك كان فيك غلطة واحدة بس لكن لأ.. إنت مسبتلناش ذكرى واحدة عادية يا بابا مش هقول لفظ أقل من العادي لأن مينفعش.. يمكن دي أكتر سنة حصلتلي فيها أحداث كبيرة و محورية في حياتي و كل لحظة مريت بيها كنت محتاجة أوي أشاركك كل تفاصيلها و أحكيلك مواقف كتيرة أوي و الأكيد إني كنت محتاجة دعمك و مساعدتك ليّا و يمكن في اللحظة دي أكتر حاجة حاسة عايزة أقولهالك: قد إيه أنا كنت و مازلت شجاعة، قوية و صبورة زي ما كنت دايمًا بتقولي يا بابا كان نفسي تشوف كل ده و أكتر.. كان نفسي أشوفك و إنت فخور بيّا في حاجات كتيرة..
أكتر أكتر شعور قادر يهوّن على قلبي هو إن ربنا مُطلع على كل حاجة و حاسس بكل شعور بقلبي و واثقة إن ربنا هيعوضنا عن كل لحظة في بُعدك يا بابا و بإذن الله هيجمعنا بيك في الفردوس الأعلى يا رب اللهم آمين..

View more

People you may like

₊ꜥꜤْ.ριᥴ💒ˀ.

nadaadel876’s Profile PhotoꜥꜤᥒᥲdᥲ፝֟֯᭡.
1 رمضان 1445، 11 مارس 2024، الإثنين
بكل تفصيلة تُعنيلي الكثير في الصورة دي
حابة أحتفظ بيها هنا؛ لأن رمضان السنة دي مُميز جدًا بالنسبالي من نواحي كتيرة، عندي أُمنيات و خطط دينية و دنيوية جديدة، مختلفة و كتيرة
و لأني واثقة في كرم ربنا ليّا كالعادة هدعي بكل أُمنياتي
و بإذن الله تتحقق.
ꜥꜤριᥴˀ

أي هي الحاجة ال مستعد تتخلى عنها مهما كنت بتحبها مقابل حاجة تانية؟

مستعدة أتخلى عن البطيخ *أكتر فاكهة بحبها*
لأنه بيكون في الصيف مقابل إني أعيش السنة كلها شتاء😔🤍

تاريخ مميز عند تقي ودايما تقي بتبقي مبسوطة فيه:)

لو كنت اتسألت السؤال ده من كام شهر مثلًا كنت هقول تواريخ مش تاريخ واحد😅
لكن دلوقتي فـ هيكون تاريخ ميلادي 8/10 (يوم8 شهر10) لأسباب كتيرة؛
زي مثلًا:
- بيكون في بداية الشهر و أنا بحب بدايات الأشهر جدًا جدًا فـ بكون so excited في أول أسبوع فيه ليوم ميلادي
- بيكون مسموح ليا في اليوم ده أعمل أي حاجة نفسي فيها، كل طلباتي بتتنفذ، باخد اليوم إجازة، بلغبط في الأكل براحتي طول اليوم، مش بعمل أي مصلحة في البيت خالص و دلع كتير بقى عن أي يوم تاني
- أنا بحب المفاجآت جدًا جدًا و عيلتي عارفين ده فـ بيفاجئوني بطرق و حاجات حلوة أوي هم اه بيفرحوني في أوقات كتيرة بس هم مش بيعرفوا يعملوا مفاجآت خالص بس بيحاولوا يعملوا ده في يوم ميلادي بكل جهدهم عشان يفرحوني
- بيكون في فصل الخريف و ببقى مبسوطة أوي عشان هيبدأ فصل الشتا أجمل فصل بالنسبالي اللي بجد بعيش فيه أسعد أيام السنة من نواحي كتيرة جدًا
- و أهم سبب هو حبي لشهر 10 عامًة لأن يوم ميلاد بابا حبيبي كمان فيه و أنا بقدّس أي حاجة مشتركة بيني و بين بابا..
• دي أهم الأسباب لو مش الوحيدة ال بتخلي تاريخ ميلادي جميل و مميز عندي🤍

View more

أكتر شيخ بتحبوا تسمعوا القرآن بصوته ؟

الشيخ محمود علي البنّا؛
كان في راديو في أوضة بابا على طول شغال بصوت الشيخ ده في إذاعة القرآن الكريم مُجرَّد ما بسمعه برجع لذكريات ياما مع بابا حبيبي.. بجانب الراحة النفسية ال بحسها لما بسمع القرآن بصوته بجد صوته بيجبرني مسرحش و أتدبر كل آية بسمعها💖

+ 2 💬 messages

read all

which one is ur fav style^^?. (casual - formal - vintage... etc).

nadaadel876’s Profile PhotoꜥꜤᥒᥲdᥲ፝֟֯᭡.
أنا تقريبًا بحب كل الـ styles🤭
و السبب في ده إني بحب التغيير و التجارب جدًا و كسر الـ routine أهم حاجة
لبسي منقسم لـ casual , vintage and formal
يعني مثلًا بلبس Wide pants , skirts and dress
معنديش لفة طرحة ثابتة أو نوع معين من الطرح ال بلبسها لأ بلبس معظم الأنواع و لفات كتيرة بحب أجربها
بحب معظم الألوان في اللبس specially الألوان الفاتحة
بلبس كل أنواع الـ shoes و سواء heels أو flat
و طبعًا كل وقت ، مكان و مزاج له style يناسبه
و على الرغم من ذوقي الغير محدود إلا إني مستحيل ألبس style منتشر أو trend مثلًا حتى لو عاجبني ؛ أقرب موقف حصل معايا إني اشتريت حاجة كانت عاجباني أوي و بعدين أكتشفت إنها أنتشرت جدًا فـ ملبستهاش و لا مرة و شلتها ، الفكرة كلها في إني متعودة على كده من صغري لعدة أسباب طبقًا لتفكيري و شخصيتي
- لكن generally أكتر style بحبه الـ casual و أقلّهم الـ formal و ده طبعًا عكس المفروض لحياتي العملية تمامًا😅

View more

أنا لاحظت إنك مسحتي اجابات كتيرة عندك ممكن أعرف السبب ولو مش عايزة تقولي براحتك بردو

مظبوط😅
السبب إن نص الـ answers دي كانت لأشخاص مبقوش موجودين و لا هيكونوا موجودين تاني في حياتي و النص التاني كانت ليها علاقة بفترة معينة من أسوأ الفترات ال مريت بيها من نواحي كتيرة
فـ بحاول بقدر الإمكان *تدريجيًا* أتخلص من الـ memories دي بكل الطرق لَربما ييجي يوم و أتخطى كل ده بإذن الله

أكلة مش بتشبعوا منها ؟

"كباب الحلة مع رز أبيض"
بحب أكلات كتيرة و ممكن أكتر منها بس دي فعلًا الوحيدة ال مش بشبع منها
فاكرة في مرة كنا بناكل الوجبة دي و عيلتي خلصوا أكل و قاموا و مفيش غيري على السفرة خلصت طبقي و باقي الأطباق و قولت لندى أختي تجبلي تاني وقتها بابا حبيبي كان عمال يبصلي و مستغرب و يقولي يا تقى كفاية بطنك هتوجعك و أنا أقوله عايز تمنعني من الأكل يا بابا! و هو بجد كان خايف عليا أنا مش ناسية نظراته و هو مصدوم و عمال يضحك و مسابنيش غير لما قومني بالعافية برضو..😅

+ 12 💬 messages

read all

.

SondosElsayed483’s Profile Photoسندس
شهر يناير ده يفوز بـ تاني أسوأ شهر بالنسبالي فعليًا أنا مريت فيه بظروف غريبة ، متعبة (نفسيًا و جسديًا) و مُحبطة بشكل لا يُوصف و كنت بحاول كل يوم برضو و أكمل لحد يوم 26 ال كان المفروض هيبقى يوم مميز لكن حصل موقف فيه أحبطني أكتر لكن كملت برضو على أمل إن الحاجة ال مستنياها تحصل في آخر الشهر هتعوضني عن كل ده لحد ما جه يوم 29 اليوم المُنتظر ال بقالي شهور بخططله لكن إيه ال يحصل؟ فعليًا اليوم كان أسوأ أسوأ مما عقلي يتخيل.. و كنت مخططة بعد اليوم ده لحاجات كتيرة أوي لغيتها كلها و كل حاجة باظت..
أنا مؤخرًا بقيت أفضّل أفترض الأسوأ عمومًا و ده طبعًا بفضل كل الأشخاص ال كنت حاطاهم في مكانة عالية أوي أوي و خيّبوا ظني فيهم بأسوأ الطرق فـ مبقتش عارفة أعلِّي طموحي في أي حاجة أو أي شخص و ده غصب عني للأسف *و طبعًا الشعور ده بعيد كل البعد عن ثقتي الكبيرة في ربنا* لكن ال حصل في اليوم ده تعدّى مُخيلتي بجد و لما جيت أحاول أتخطى ال حصل و أعمل حاجة بحبها تخليني مبسوطة الحاجة دي باظت أكتر و خلاص بقى فعليًا وصلت للنهاية و مقدرتش أقاوم أكتر..
فـ حقيقي يوم 29 ، 30 و31 من أسوأ أسوأ الأيام ال مريت بيها من نواحي كتيرة جدًا.. قعدت في البيت و قفلت نت خالص الـ 3 أيام دول لأني مش قادرة أشوف أي حاجة ليها علاقة بالموضوع ده أو تفكرني بيه.. لكن الأكيد و ال أنا مقتنعة بيه إن الحياة مش بتقف على حد أو حاجة ، بتستمر لكن بتستمر إزاي؟ مش مهم.. المهم إني رجعت أحاول تاني لكن بدون أي شغف..

View more

(وعسى أن تحبوا شيئاً وهو شر لكم) الحمد لله على كل حال 🌼 ربنا يمهل ولا يهمل ربنا يعوضك خير ويكتب لك الخير ويرضيكي بيه ربنا يجبر بخاطرك ويسعد قلبك ويكرمك بكل خير ويوفقك لكل خير 🤲🌼✨

أكيد و نعم بالله.. لعله خير أنا راضية بكل حال والله.. ممتنة جدًا للكلام الطيب و الدعوات الجميلة دي ربنا يجازيك أضعاف أمثالها يا رب اللهم آمين🤍

+ 3 💬 messages

read all

Space .. 🍂

BoddaVanz’s Profile Photoكـيــⓜـــيـا
Wednesday , 27/12/2023
النهارده كنت نازلة أعمل آخر إجراء في حاجة بحاول فيها بقالي شهور و متحمسة ليها و محتاجاها جدًا جدًا و خلاص طالعة أسلّم آخر حاجة و بسجّل فيديو توثيقًا لليوم مع سلسلة الفيديوز ال بعملها شبه يوميًا لتفاصيل كتيرة تخصني.. و أتفاجئ إن في حاجة روتينية بطريقة مستفزة ملهاش أي لازمة و مضطرة أعملها قولت عادي يا تقى مش مشكلة روحت أعملها فضلت تقريبًا 4 ساعات رايحة من مكان لمكان بدون فايدة و كل مرة موصلش لنتيجة أبقى ماشية محبطة و ماسكة نفسي من العياط بالعافية بس كنت بحاول تاني لحد ما خلاص فقدت الأمل و روحت البيت مكملتش ربع ساعة و نزلت أحاول تاني لأن مفيش وقت الـ deadline النهارده ، الحمد لله وصلت لشخص أعرفه في مكان ما يقدر يخلصهالي و طبعًا الفضل لربنا و لبابا حبيبي.. لأن عمو ده صاحبه و ساعدني بكل جهده بس الأمور مكنتش في صالحي برضو و المصلحة وقفت على حاجة بسيطة خالص كان الشخص ال هيعمل آخر حاجة فيها مشي للأسف بس عمو وعدني هيخلصهالي بإذن الله ، حاولت بكل جهدي أكسب شوية وقت زيادة بالعافية و يا رب يا رب ألحق أسلّم كل ورقي قبل الوقت..
مش عايزة أتكلم في تفاصيل أكتر بس حقيقي يوم من أكتر الأيام ال أرهقتني نفسيًا و جسديًا و لسه مش قادرة أستوعب كل ال حصل معايا و إن حماسي و فرحتي راحوا في الأرض كده.. في تفاصيل كتيرة مش قادرة أحكيها لكن عمومًا أنا بقيت حاسة إن خيبة الأمل هتفضل ملازماني في كل حاجة حقيقي كل حاجة..
الحمد لله والله من قلبي عارفة إن محدش بيوصل لحاجة بسهولة و معنديش مشكلة أتعب و أحاول مرة و عشرة بس مش بالإرهاق النفسي ده بجد..
لكن أكيد ربنا له حكمة في كل ده الحمد لله..

View more

ماتحكولنا مواقف ليكم مع الاطفال كدا

شوية Random situations مع أحمد أخويا الصغير ال عنده 10 سنين:
- كان معايا في مرة و السواق مشي من طريق مختلف فـ بيقولي و هو مخضوض كده إيه الطريق ال مشي منه ده يا تقى قولتله تقريبًا كده يا أحمد هيخطفنا ما هو لو شايفك راجل مكنش فكر يخطفنا سكت كام ثانية و رد عليا بيقولي "لأ هو شايفني راجل بس شايفك إنتي ال طفلة عشان كده هيخطفك و متحاوليش تقصفي جبهتي تاني يا تقى عشان ههينك".
- في مرة كنت بحط كريم مرطب لعيني فـ بيسألني بتحطيه ليه يا تقى بقوله عشان أبقى حلوة قالي "ما إنتي كده كده حلوة" و راح اداني بوسة في الهوا.
- مرة تانية بدون مقدمات بيسألني إنتي حاطة صورتك على السوشيال ميديا يا تقى؟ قولتله أيوة قالي "طيب ادخلي شيليها حالًا عشان إنتي شكلك حلو أوي و ممكن الناس تحسدك".
- مرة كمان كنت بسكرول و بعمل likes على أبليكيشن ما و هو قاعد جنبي فـ بيسألني "إنتي بتحطي القلوب دي ليه يا تقى الحاجات دي نالت إعجابك يعني" بقوله اه حاجة زي كده يا حبيبي قالي "طيب القلوب دي بتحطيها لولد و لا بنت" قولتله هيفرق معاك في إيه يا حبيبي قالي "لازم أعرف أختي بتتصرف ازاي هو أنا عشان أصغر منك هسيبك تتصرفي براحتك كده!".
- و مرة كمان كان بيلعب لعبة و بيقول لندى أختي أنا عندي حيوان أليف في اللعبة و عايز أختارله إسم فـ بيفكروا سوا لقيته فجأة بيقولها "إيه رأيك نسميه تقى".
- و مرة جاي يقولي "على فكرة يا تقى إنتي مينفعش تكوني محامية و لا تستحقي اللقب ده" بقوله ليه يا أحمد قالي "عشان إنتي بتخافي من البرص و الحشرات و بتتخضي من أي حاجة و ضعيفة كده".
- في مرة كنت طالبة أوردر و المندوب كلمني أنزله عشان باب العمارة مقفول فـ أحمد كان موجود قولت الحمد لله دي فايدة وجود أخ صغير في البيت أهو خدام ببلاش و اديته الفلوس ينزل يستلم الأوردر مرضيش يتحرك من قدام باب الشقة غير لما ياخد أجرة نزوله و ضحكلي بإستهزاء و قالي "إنتي عايزة تشغليني ببلاش!".
طبعًا دي نبذة مختصرة جدًا عن مواقفي مع أحمد و ال أغلبها بتخليني أكتشف إن أنا الصغيرة و هو ال بيربيني مش العكس😊

View more

Talk 💫

AhmedUsama542’s Profile PhotoS3ody
28/11/2023 , Tuesday
النهارده من أول اليوم لوحدي بعمل إجراءات حاجة معينة و رايحة جاية من مصلحة حكومية للتانية و تايهة و متوترة من الزحمة و مش عارفة أي حاجة.. و بالصدفة شوفت مكان روحته مع بابا من كذا سنة أنا فاكرة كويس وقتها و بابا بيقولي شوفي أنا بعمل إيه و إيه الأوراق المطلوبة دي عشان لما تكوني لوحدك تعرفي تتصرفي إزاي وقتها ضحكت و قولتله يا بابا بقى ما إنت كده كده هتكون معايا و تعملي كل حاجة راح رد عليا و قالي "الله أعلم هعيشلكم لإيمتى.." الجملة دي كانت بترعبني بالمعنى الحرفي و كنت مش بتعمق فيها أبدًا و لا عمري تخيلتها كنت بسكت و مش بعرف أرد من مدى خوفي.. لكن النهارده و في كل لحظة بعيش الخوف و الرعب ال كنت بحسه ده أضعاف.. عمري ما عملت أي مصلحة لوحدي على الرغم من إن بابا حبيبي دايمًا كان بيبقى عايزنا نعتمد على نفسنا إلا إنه كان بيخاف علينا نروح أي مكان لوحدنا حتى لو حصل أحيانًا حبيبي كان عنده معارف في كل مكان مكناش بنواجه أي مشاكل بمجرد ما أقول لحد "أنا تقى بنت أستاذ عادل.." اااا على مدى الفخر ال كنت بحسه و أنا بقول الجملة دي.. كنت بتعامل أحسن معاملة و مصلحتي تخلص في دقايق.. لو كنت ركبت مواصلة لوحدي كان يفضل متابع معايا على الموبايل لحد ما أوصل.. عمري عمري ما حسيت إني لوحدي في وجوده.. دلوقتي ، دلوقتي بسافر لوحدي ، بركب المواصلات لوحدي ، بعمل مصالحي لوحدي و كل خطوة ماشية أسأل في الناس على كل حاجة و مكان ده و ده و بقعد بالساعات و ممكن معملش المصلحة عادي على الرغم إني عارفة لو قولت أنا بنت مين في أماكن كتيرة الأمور كانت هتبقى أبسط من كده بكتير لكن خلاص.. جه الوقت ال بابا دايمًا كان يقولنا عليه و لازم أعتمد على نفسي في كل حاجة.. يبان للناس قد إيه دي حاجات طبيعية و عادية و ال زيي و أصغر مني بيعملها عادي إلا إن كل الحاجات ال بمر بيها يوميًا دي من غير بابا من أكبر أكبر إنجازاتي.. و أنا مخلصة جزء كبير من مصالحي النهارده و راجعة البيت كنت فخورة بنفسي أوي إني قدرت أعمل كل ده لوحدي على الرغم من مدى صعوبته عليا *نفسيًا* و بدنيًا لكن في النهاية الحياة مستمرة.. مستمرة إزاي؟ مش مهم.. الصورة عمرها ما هتكون كاملة.. أنا بس بعافر عشان أثبتلك حاجات كتيرة يا بابا كان نفسي تكون معايا و أنا بعملها..
أنا مُفتقداك أوي يا بابا..

View more

+ 2 💬 messages

read all

_

moh_3168’s Profile Photoچـيـمـــــــي ..
النهارده حصل معايا موقف بسيط جدًا إلا إنه فكرني بموقف من أجمل و أنقى المواقف ليا مع بابا حبيبي..
من زمان مأكلتش الجوافة لسببين: إني مش بحبها أوي و لأن في الغالب بتكون مش مسكرة أوي و أنا مش بحب آكلها غير مسكرة أوي أوي
ال حصل إني كان نفسي آكلها النهارده قولت أجرب و أنا بذوقها أخدت قطمة من واحدة لقيتها مش مسكرة أخدت قطمة من واحدة تانية في التالتة في الرابعة لحد ما لقيت واحدة مسكرة ، في اللحظة دي إبتسمت و فرحت أوي و في نفس اللحظة حسيت بإحساس في قلبي مش قادرة أوصفه و ده لأني أفتكرت إن الفرحة ال حسيت بيها دي شبه ال كنت بحسها مع بابا حبيبي لما كان يفضل يذوق الجوافة و أول ما يلاقي واحدة مسكرة يديهاني و ياخد هو الوحشة بس أنا كنت باكل نصها و أديله نصها مش بيكون هاين عليا آكلها من غيره..
الموقف يكاد يكون تافه بالنسبة للبعض لكن والله إن فيه وجع في قلبي و أنا بحكيه.. مفيش أي ذكرى ليا مع بابا مهما كانت بسيطة أو هيّنة عادية بالنسبالي..
طول عمري شايفة بابا أعظم شخص و بقّدس أي حاجة تخصه لكن بعد ما فقْدته أكتشفت ده أكتر و إتأكدت منه أضعاف مضاعفة..
ده موقف واحد من آلاف المواقف ليا مع بابا حبيبي.. ربنا بس ال مُطلع على قلبي و حاسس بيا و قادر يجمعني بيه في الفردوس الأعلى بإذن الله..

View more

+ 2 💬 messages

read all

SPaCE ..'🖋

بابا..
كنت قرأت مقولة قبل كده بتقول: "من المحزن أننا عند وفاة أحدهم نتذكر تاريخ وفاته بدلاً من تاريخ ميلاده" بس متقلقش يا بابا ده مش صح و أنا جاية النهاردة في يوم عيد ميلادك أقولك كل سنة و إنت مازلت وسطنا في كل لحظة كل سنة و ده أعظم و أجمل يوم في أجمل شهر.. السبب الرئيسي إني أحب يوم ميلادي إنه في نفس الشهر بتاعك نفس السبب ال حابة شكلي و نفسي عشانه.. كانت و مازالت أجمل مواقف بتحصل معايا لما حد يشّبه عليا و يعرف إني بنتك من شكلي بس.. معظم صفاتي و تصرفاتي شبهك.. مش ناسية لما كنا نهزر سوا و أجيب المراية و أقعد على حجرك و نبص سوا و أقولك بص يا بابا أنا نفس مناخيرك ، خدودك ، عيونك بنفس الجفن حتى حواجبك و شكل وشك! و إنت تقولي يا سوسة إنتي تطولي تبقي شبهي أقولك هه مش بمزاجك يا حبيبي أنا شبهك غصب عنك.. و أخواتي متغاظين خاصتًا ندى *دي الحاجة الوحيدة ال بتغير مني فيها* و تتعصب عليك و تقولك أنا الكبيرة المفروض أنا ال كنت أبقى شبهك مش هي و إنت يا حبيبي تضحك و تنزلني من على حجرك و تغمزلي و تاخدها هي عشان تحايلها و تبقى مش عايز تزعل حد فينا.. عارف يا بابا؟ آخر عيد ميلاد ليا فرحت فيه من قلبي كان "8/10/2020" ده كان آخر عيد ميلاد ليا معاك و كان أجملهم مش هنسى اليوم ده خرجنا كلنا و عملتلي كل حاجة تفرحني و لعبنا سوا و اتصورنا و كنت راجعة البيت في قمة سعادتي مكنتش أعرف إن ده آخر عيد ميلاد ليا معاك.. طب عارف؟ أنا وحشتني هديتك ليا في عيد ميلادي أوي.. مش هنسى كل سنة لما كنت تفضل أول الشهر عامل نفسك مش آخد بالك لحد يوم ميلادي و أتفاجئ إنك أول شخص تقولي كل سنة و إنتي طيبة و تديني هديتي ال هي بتكون حاجة نفسي فيها و بتكون سألت ندى و عرفت منها و على فكرا أنا محتفظة بكل هداياك يا بابا و مش بتوع عيد ميلادي بس لأ كل حاجة جيبتهالي حتى أكياس الشيبسي ، ورق الشوكلت و البونبون.. يا حبيبي لما كنت تيجي في مرة ترتب سريري و تلاقي أي ورق تحت المخدة مترضاش ترميه عشان عارف إني بحتفظ بكل تفصيلة.. كنت ناوية.. كنت ناوية أجيبلك هدية حلوة أوي في عيد ميلادك و خططتلها كتير كنت واثقة إنها هتعجبك و لما خلاص كانت هتبقى موجودة إنت مبقتش موجود..
الحمد لله إن الدنيا فانية الحمد لله إن مش دي النهاية واثقة إن ربنا هيعوض أكبر فقْد في حياتي في الآخرة بإذن الله.. ربنا يجمعنا بيك في الفردوس الأعلى يا رب اللهم آمين يا بابا..

View more

+ 4 💬 messages

read all

-

dr_5alidsaber’s Profile PhotoK'
أنا و ندى أختي أكتر حاجة بنخاف و بنترعب منها في حياتنا "البرص" فـ النهاردة ندى كانت بتفتح شباك الأوضة عشان تحط مايه للعصافير راح دخل برص أنا شوفت المنظر دوخت وقعت في الأرض و ندى كان هيغمى عليها حرفيًا وقفنا مكناش عارفين نتصرف ازاي خصوصاً إن محمد أخويا مش في البيت عايزين نحركه بحاجة بحيث يخرج من الشباك بس خايفين يدخل ورا الدولاب و يبقى خلاص كده فـ طلبنا بيرسول من الصيدلية و أنا واقفة مكاني أراقبه لحد ما البيرسول ييجي أحسن يتحرك هنا أو هنا و الحمد لله جه على طول و قولت لندى ترش عليه و أنا هقف عند الدولاب أهشه لو جه ناحيته بعد ما رشينا عليه داخ و طلع يجري للصالة الحمد لله اطمنا شوية إنه خرج من أوضتنا بس عايزين نخلص منه برضو فتحنا باب الشقة و شقلبت كرسي الأنتريه عشان يخرج من تحته و بالفعل خرج و بعدين طلعنا نرش عليه برا قدام الشقة عشان نموته خالص و إحنا الاتنين عمالين نصوت و مرعوبين من منظره أصلاً و بنبص عليه بالعافية الجيران سمعوا صوتنا في العمارة طلعوا يسألوا في فار و لا إيه قولنالهم لأ برص راحوا ضحكوا شايفينه عشان حاجة عادية و متخوفش
طبعًا لو مهما أحكي عن الرعب ال عيشناه في الشوية دول مش هقدر.. أنا والله مش ببطل أدعي في الصلاة و في كل وقت إنهم يختفوا و ميدخلوش بيتنا أو أشوفهم في أي مكان.. و دلوقتي إحنا عمالين نقنع محمد أخويا إننا ننقل من الشقة دي و بقينا خايفين نعيش فيها و حياتنا بقت رعب مش هنعرف نفتح الشباك تاني أو نتحرك في الشقة و مش هنسكت أنا و ندى غير لما ننقل بإذن الله لأن الموضوع فعلاً مش سهل علينا أبدًا..
و الموقف ده فكرني بموقف شبهه مع بابا حبيبي.. ممكن ناس كتير تشوف مواقف زي دي تافهة و بسيطة إلا إن بابا عمره ما قلل من خوفنا من الحاجات دي و في مرة زمان حصل نفس الموقف في أوضتنا برضو بس وقتها البرص دخل ورا الدولاب راح بابا حبيبي فك السراير و الدولاب و كل حاجة في الأوضة و طلعها برا عشان يدور عليه و يموته و يريحنا على قد ما الموضوع كان متعب عليه على قد ما كان كل همه راحتنا و إننا نكون مطمنيين.. حاجات كتيرة اتحرمنا منها و بقينا نعتمد على نفسنا فيها أنا بجد وحشني دلع و حنية و إهتمام بابا أوي إحنا بجد مكناش شايلين هم حاجة..
ربنا يرحمك يا حبيبي أضعاف حبنا و إفتقادنا ليك..

View more

ليه وعند الله تجتمع الخصوم؟

لأن في أشخاص أذوني نفسيًا جدًا و حرفيًا من غير أي فعل مني وحش أو يُذكر حتى و كلهم كانوا قريبين مني جدًا فـ لما اتعرضت للخذلان من كل شخص فيهم على فترات متباعدة وصلت حاليًا لحالة نفسية صعبة من نواحي كتير ، في اللحظة دي و بعد ما اتأكدت إني مقصرتش معاهم في حاجة و حاولت للنهاية بكل الطرق قررت إني مش هسامحهم طول عمري و خصيمة كل شخص فيهم يوم القيامة..
حسبي الله و نعم الوكيل..

+ 23 💬 messages

read all

إيه أكتر حاجة مسببالكم ضغط الفترة دي ؟

أنا زنقت نفسي في لبس حفلة التخرج ال مستنياها و بخططلها من وقت ما دخلت الكلية و مرضتش أحجز حاجات الحفلة مع الكلية إيجار عشان عايزة أعمل الروب و الوشاح و الكاب بـ design معين و أحتفظ بيهم
إيه ال زنقني كده؟ لأني بجد بهتم بالتفاصيل لدرجة مش طبيعية و أبسط و أقل حاجة بتفرق معايا ؛ فـ أنا مش لاقية اللبس ال في دماغي لا في المحلات و لا online و في الآخر لجأت لـ Pinterest و جبت من عليه اللبس ال عايزاه و قررت أفصّله عند حد شاطر و كذلك بالنسبة لحاجات الحفلة بعد ما سألت و دورت كتير لسه لاقية المكان ال هعملهم فيه النهاردة و طبعًا كل ده هياخد وقت عشان يجهز و أنا حفلتي فاضل عليها أقل من أسبوعين أصلاً و مش هستلم الحاجة غير قبل الحفلة بيوم واحد و بأعجوبة كمان..
كل ال بتمناه حاليًا ربنا يوفقني و الحاجات تطلع زي ال في دماغي لأن مفيش وقت لأي بدائل..
و دي حقيقي أكتر حاجة ضاغطاني الفترة دي و بنام أحلم بيها من التوتر..

View more

Space 💫

AhmedUsama542’s Profile PhotoS3ody
Sunday , 16/7/2023 , 3:39 pm
أقدر أقول إن النهاردة من أكتر الأيام المميزة في حياتي ؛
على مدار الأربع سنين ليا في كلية الحقوق مكنتش بنزل post أو story إني نجحت لأني كنت مقتنعة إن النجاح الحقيقي هو النجاح التراكمي للأربع سنين بالتقدير ال كنت بتمناه و دلوقتي الحمد لله أقدر أقول:
"إني نجحت بتقدير تراكمي للأربع سنين جيد جدًا"
و بالمناسبة ده يُعتبر أول نجاح أحققه في حياتي و أول مرة فعلاً أجرّب دموع الفرحة الحمد لله و كليّ رضا.
و بعد معاناة طويلة جدًا من نواحي شتى خلال فترة الكلية أقدر أقول دلوقتي إن الرحلة الحقيقية بدأت و بإذن الله هبذل كل جهدي النفسي و الجسدي عشان أثبت نفسي في وظيفة المحاماة و يا رب في يوم من الأيام لما أقرأ كلامي ده أكون محامية شاطرة و عندي مكتب محاماة كبير وقتها هقدر فعلاً أتأمل الآية دي "يُؤْتِكُمْ خَيْرًا مِمَّا أُخِذَ مِنكُمْ" ال بتلمس قلبي من وقت ما دخلت الكلية و مستنية اللحظة ال ربنا يعوضني فيها فعلاً..
*أول مرة أقول الكلام ده بس للتوضيح*
- أول لما دخلت الكلية بابا قالي أنا مش عايز منك أكتر من جيد جداً لأني عارف إن الكلية صعبة و أنا من وقتها أخدت وعد على نفسي إني أبذل قصارى جهدي عشان أحقق النجاح ال بابا كان مستنيه منيّ عشان كده أنا في قمة سعادتي بتقديري ده و حاولت بصراحة أجيب تقدير أعلى من جيد جداً لكن فعلاً الكلية كانت صعبة عليا أوي و الحمد لله مخيبتش ظن بابا فيّا و أتمنى يكون فخور بيّا دلوقتي..
- بإختصار شديد أنا كنت علم رياضة و كان حلمي أدخل كلية هندسة و كنت لحد آخر لحظة قبل ظهور نتيجتي في 3 ثانوي كنت واثقة جدًا إني هجيب المجموع ال تعبت عشانه لكن ربنا قدّرلي إن مدخلهاش و دي كانت أول مرة في حياتي أتعرض لصدمة كبيرة كده عدت الأيام و دخلت كلية الحقوق و كنت فعلاً مُحبطة و تايهة لكن مع الوقت و بدْعم أهلي ليا كنت بحس إن لأ هي دي فعلاً الكلية ال هلاقي نفسي فيها و شبه شخصيتي و هي دي بإذن الله ال هثبت فيها نفسي..

View more

+ 2 💬 messages

read all

Next

Language: English