اخوي كان بضل طاش ويجي ع البيت بنص الليل ولما بابا يصحى الصبح ويداوم بكون اخوي نايم وبابا مرة حكى انا رح اورجيه واخليه يبطل يسهر لهالوقت مع الشباب ف حكالنا اليوم م رح اخليله المفتاح ورح اسكر عليه عشان اصحاله وابهدله لما يجي ف يومها طبعاً كلنا سهرانين بنستنى البهدله المنتظرة 😂 ف لما اجا اخوي بالليل صار يطق ع الباب لانه م لقي مفتاح واحنا كلنا كنا بنراقب الوضع 😂 بابا فتح الباب من هون وما شافه ف طلع ع البرندة والا اخوي ناط من الشباك علينا وسكر ع بابا بالمفتاح بابا صار يطق ع الباب ويحكي افتح ي حيوان 😓 فتح اخوي الباب وعمل حاله بفرك بعيونه وحكى ل بابا وين طاش ل نص الليل واحنا مصدومين شو رح يصير ولا بابا فرط ضحك ع لسعان سامي وحكالو اقلب وجهك وراح نام وهو يضحك 😂 جد بحياتي م ضحكت قد هاليوم وقعنا عالارض ضحك ع اخوي اللاسع 😂 اكثر حدا بضحك بالدنيا لما يكون موجود سامي اخوي :3😍