@Afnanminshawi
ماتت الله يرحمها
يا ريت تبعتولها دعاء ع صفحتها ورح ننزلو
مشان يلي بشوفو يئمن
" اللهم ارحمها رحمه واسعه اللهم اغسلها بالماء والثلج والبرد ونقها من الذنوب كما ينقى الثوب الابيض من الدنس اللهم ان افنان عبد من عبيدك فاكرم نزلها ووسع مدخلها يا الله "
( اقترب للناس حسابهم وهم في غفلة معرضون ) اتقوا الله عباد الله.. و الله ما بعد الموت من دار الا الجنة او النار .. و الله ما اتى من رسول الا بعقيدة لا اله الا الله .. من قالها موقنا بها و عمل بها دخل الجنة .. اوصيكم بما اوصى به المصطفى قبل وفاته ( الصلاة الصلاة و ما ملكت أيمانكم ) ..
#والله_خايفة_اتخرج.. لما كنت توجيهي كنت كتير متحمسة اجيب معدل.. و اتخرج.. و اصير جامعة.. و اعيش حياة ابدا ما بتشبه الي فعلا مريت فيه.. لدرجة اني كان من احد احلامي اني بس اخلص توجيهي انزل ع السوق اشتري كتيييييييير اواعي للجامعة 😅😅.. بس بالحقيقة انك لما تخلص توجيهي.. بتكبر بيوم و ليلة.. حرفيا بتكبر فجأة.. خصوصا اذا اجت ظروف حياتك مو متل ما بدك.. و الحقيقة انو انت اليوم بطلت طفل.. صدق ولا بلاش انو و انت 18 و توجيهي والله لساتك طفل.. والحقيقة انو المسؤولية تضاعفت 3 او 4 اضعافها.. والحقيقة انو Friends For Ever راس مالهم جامعتين مختلفتين.. إللا من رحم ربي.. والحقيقة انو انتخابات مجلس الطلبة انضف بكتير من انتخابات الجامعة.. و الحقيقة انك رح تحدد مستقبلك بتخصصك.. ادرس الاشي الي بتحبو عشان رح تبدع و رح تخترع شغل و رح تخترع مصاري و رح تتفوق و رح تتعب و انت مبسوط و رح تتخوزق و برضو مبسوط.. فلا تستهين بلحظة تقديم طلبات الموحد.. و الحقيقة انو بالمدرسة كل الصف بكره البنت المش شاطرة و بعرفها.. بس بالجامعة غريب كيف الشاطر بيحاول يخبي حالو.. ينعن بحبوش الخير لحدا.. بتحاول الوحدة تطلع حالها حمارة بأي طريقة.. والحقيقة انو ع قد ما كنت تحب لحظة جرس الفرصة.. رح تصير نفسها لحظة كاسة النسكافيه و بالك مرتاح.. و خصوصا بالصبح البارد.. والحقيقة انك رح تشتاق لحالك.. يا الله شو رح تشتاق لحالك.. غريب اه.. و كيف تسألنيش.. و الحقيقة انك رح تحكي "يا ريت بس ارجع توجيهي و بديش اشي تاني" بس برضو انو الحقيقة انك بتعرف شو بدك.. ازا مشيت صح.. و الحقيقة انك ممكن تلاقي صاحب عمرك فعلا.. و الحقيقة انك بتبطل هبيلة و بتتحمل مسؤولية.. و الحقيقة انك بتصير بعين الناس بني آدم.. جامعي و يا نيالك.. و الحقيقة انو فعلا نيالك و يسلم ايد و تراب اهلك الي لولاهم ما بتوصل.. و الحقيقة انو عيش كل لحظة بالجامعة لانها رح تصير توجيهي بفترة من العمر.. و الحقيقة انك لسا ما كبرت كتير.. و انو في مسؤولية لسا اكبر.. و الحقيقة انو جامعتك بال 4 سنين او 5 او 6 او 7 رح تقضي فيها وقت يمكن اكتر من بيتك.. حيصير الك مكان بتحب تقعد فيه.. و قاعة بتتفائل فيها.. و دكتور بيغير نظرتك للحياة مش ضروري للأسواء ممكن للأحلى.. و الحقيقة انك لازم تنبسط.. لانو غيرك ما صحلهم الي انت فيه.. انا خايفة اتخرج.. و ارجع اكبر بيوم و ليلة.. و احكي "يا ريت بس لو ارجع سنة أولى #منقووول