أصعب إحساس حسيتوه في حياتكم ؟ أوصفوه لمجهول :")
كتير
بس تلقائياً كده بيهونوا عندي لما باقارنهم بحالي في الشهور اللي بابا كان فيهم ف المستشفى
كل إحساس في الفترة دي من أول ما اتمنيت إني أكون مكانه بس هو يقوم بالسلامة، لإحساس إني لوحدي بدونه، للساعات اللي كنت باقضيها بره و هو جوه في العمليات ضعيف لوحده، لحالنا أول ما بيكون حد خارج من العمليات و نجري و فاكرينه هو لحد ما نشوفه طالع مش حاسس غير بالوجع، للساعات اللي بيكون فيها في أوضته بعد كل عملية، لآخر عملية و هو بيقولي عذبوني يا مروه، للحظة اللي أنا سايباه فيها و مروّحة، للبيت اللي هو مش فيه، للصوت اللي كنت كل ما اسمعه وقت الفجر في السلم و افتكره هو راجع من الصلاة و أقوم أفتحله و بعدين أفتكر إنه بايت في حتة تانية، لترباس الباب اللي كنت باقف عنده أقفله و لا بابا هيجي يفتح بالمفتاح ؟، للعياط طول الليل و الخوف من بكرة، للناس اللي كانوا يشوفوني باضحك و يسألوا من ورايا هي إزاي عايشة حياتها و بتضحك و باباها في المستشفى ؟، لكل مرة كان بيتعافى فيها و يرجع تاني يتعب أكتر من الأول، لفتي الدكاترة اللي مش فاهمين أي حاجة، لحد آخر جملة اتقالت لنا و احنا خارجين " الراجل ده بينه و بين ربنا عمار علشان ينجيه بالطريقة دي !"
لكن في الآخر الحمدُ لله جداً .. ربنا ما يعيدها علينا أيام و لا يكتبها لحد يا رب
بس تلقائياً كده بيهونوا عندي لما باقارنهم بحالي في الشهور اللي بابا كان فيهم ف المستشفى
كل إحساس في الفترة دي من أول ما اتمنيت إني أكون مكانه بس هو يقوم بالسلامة، لإحساس إني لوحدي بدونه، للساعات اللي كنت باقضيها بره و هو جوه في العمليات ضعيف لوحده، لحالنا أول ما بيكون حد خارج من العمليات و نجري و فاكرينه هو لحد ما نشوفه طالع مش حاسس غير بالوجع، للساعات اللي بيكون فيها في أوضته بعد كل عملية، لآخر عملية و هو بيقولي عذبوني يا مروه، للحظة اللي أنا سايباه فيها و مروّحة، للبيت اللي هو مش فيه، للصوت اللي كنت كل ما اسمعه وقت الفجر في السلم و افتكره هو راجع من الصلاة و أقوم أفتحله و بعدين أفتكر إنه بايت في حتة تانية، لترباس الباب اللي كنت باقف عنده أقفله و لا بابا هيجي يفتح بالمفتاح ؟، للعياط طول الليل و الخوف من بكرة، للناس اللي كانوا يشوفوني باضحك و يسألوا من ورايا هي إزاي عايشة حياتها و بتضحك و باباها في المستشفى ؟، لكل مرة كان بيتعافى فيها و يرجع تاني يتعب أكتر من الأول، لفتي الدكاترة اللي مش فاهمين أي حاجة، لحد آخر جملة اتقالت لنا و احنا خارجين " الراجل ده بينه و بين ربنا عمار علشان ينجيه بالطريقة دي !"
لكن في الآخر الحمدُ لله جداً .. ربنا ما يعيدها علينا أيام و لا يكتبها لحد يا رب