هلأ انا بنت وبدي اتحجب
بقدر حدا يقنعني بالحجاب؟
اذا في مجال يعني ✌🏻
اذا انتي مو مقتنعه ما بقدر حدا يقنعك فيه .. أنا ما رح احكيلك فرض و واجب على كل بنت انها تلبسو لانو اي حدا ممكن يحكيلك هيك .. لما رحنا على مسجد الشيخ زايد -الله يرحمه - في أبوظبي كان ممنوع على الاجانب وغير المحجبات انهم يدخلو بملابس ضيقه ومن غير شاله .. فبكون في قسم بدخلو فيه البنات وبلبسوهم عبايه وبلفولهم شاله للي بدها وفي منهم كان يحطها حط .. هون عنجد سبحان الله الحجاب ما بنقص من قيمة البنت ولا بخليها بشعه بالعكس كلهم كانو يطلعو احلى مما دخلو .. مع انها عبايه سودا وشاله سودا ما بنسى ابتسامة بنت اجنبيه وهي بتتفرج على حالها وكيف مبسوطه بشكلها ..
دراسة | معدل القلق النفسي الذي يشعر به طلاب الثانوية العامة (التوجيهي) في زماننا هذا يساوي نفس مستوى القلق النفسي الذي كان يشعر به اصحاب الامراض النفسية في المصحات قبل 55 سنة والسبب في ذلك يعود الى الاهل والمجتمع المحلي
شوفو يا جماعة الخير الاسك انعمل عشان نتابع ناس بنعرفهم او بتعجبنا اجاباتهم وشخصيتهم على الاسك .. يعني مو كل حدا بحطلي متابعه رح اتابعو لانه في صفحات شخصيه بحته كلها اسئلة مجهول ما رح تفيدني باشي .. فلا تبعتولي متابعه لا تبعتولي شو متاااابعه .. وما حدا يطلب لايكات لاني بحط بس على الاشي اللي بعجبني .. أنا عندي اللايكات بمصاري .. وما بحب اشوف آخر اجابة كمان هاد السؤال بجيبلي مغص لو أنا مهتمه باجاباتك كان شفت لحالي من غير ما حدا يحكيلي ..وشكرا 😀
شرين وضحى ♡ هدول اكتر اشي مقربين مني .. اللي بحبو في ضحى .. هاي البنت مجنونه على الاخر .. بس قويه وقد حالها .. بحب احكي معها وبرتاحلها كتير .. و دائما بتعطيني دعم معنوي ..اللي بحبو في شرين .. شرين بتبين هاديه وما بتحكي بس هي بنت حبوبه كتير وطيبه بس مشكلتها معي انها اقصر مني هههههه بمزح 😆 بتجنن بكل حالاتها شرين 😍هدول البنتين بحكي معهم براحتي و شو ما يخطر على بالي وما بنزعج منهم .. الله يسعدهم يا رب
حاليا مستحيل انسى اللي صار اليوم .. اليهود اجو على منطقة السكنات وصارو يرمو بقنابل غاز تحت عمارتنا بالضبظ اكتر من 5 قنابل ..اصلا انا صحيت على صوت قنبله وبعديها قعدت بالصالون وما تحركت من محلي من الخوف . يعني صار اللي سنه في فلسطين اول مره بعيش هيك اشي .. والله قلبي نزل بمعدتي .. لحد هلا مو عارفه أنام .. خايفه أنام ويرجعو كمان مره .. حسبي الله ونعم الوكيل ..
****** في عزا ستي .. الله يرحمها ويغفرلها .. كنت اساسا قبل بيوم قلبي بوجعني وما كان اللي نفس لاي اشي وبدون اي سبب .. صحيت الصبح لقيت اخواتي بيحكو مع ماما على 6 الصبح استغربت ورجعت غفيت 5 دقائق بعدين بفتح الموبايل وشفت ماما كاتبه انو ستي توفت .. يالله شو وجعني قلبي عليها .. حتى على امي لما مات سيدو كانت مروحه قبلها بأسبوع و لما ماتت ستي كمان ما كانت موجوده الاصعب انو هلا ما عندها حدا يواسيها احنا الاربعه الكبار كلنا هون .. لما رحنا على بيت الاجر اول ما وصلنا قلبي صار يدق بسرعه انه خلص لو رحنا هناك مره تانيه ما رح نشوفهم .. استنينا شوي وحكنالهم ماما بدها تشوفها سكايبي بعد ما غسلوها دخلنا اول ناس .. اول مره بحياتي بشوف حدا ميت وكان هاد الحدا هي ستي ..شفت خالاتي كلهم حاولت اهديهم واحكيلهم احكو لا اله الا الله بس حتى أنا ما كنت قادره امسك حالي وكنت اعيط .. ماما بس شافتها كمان صارت تعيط وانا واخواتي نحاول نحكي معها ونهدي فيها .. بس ما في اصعب من فراق الام .. اصعب اشي انو كلنا على هاد الطريق وكلنا لازم نعمل عشان هاد اليوم .. والواحد بهيك لحظات بتخر على بالو اشياء كتيره .. بتخليه يعيد كتير حسابات في حياتو .. الله يجازي اللي بظلم وبتكبر وبطغى وبالاخير ما بياخد معو غير اعمالو بنزل في حفره متر بمتر والله اعلم بعدين شو بصير فيه ..