اتواصل مع اميرة عزت يا احمد .. هي المسئولة عن الموضوع حاليا و انا بتابع معاها ^_^
وقعت فى موقف من يومين واحد قريبنا ادالى اشاعة عاملها عالكلى عشان عنده حصوات وقالى ورينى الحصوة فين فانا فتيت الصراحة فمن وقتها وانا عايز اشوف لو فيه مصدر اقدر اتعلم منه قراءة الاشعة والتحاليل وانواعهم وكده عالنت كورسات او غيره ( انا مخلص تالتة ) فياريت لو تقدر تساعدنى
انزل جامعة و اقف شوية مع دكاترة الجامعة و هيعلموك في شهر بالكتير كل الاشعة و التحاليل الشائعة الي هتحتاجها ^_^هيبقي احسنلك بكتير انك تدرس الحاجة التبيكال علي النت و كمان من غير ملاحظ ليك ^_^
لو عامل مشروع جديد وعايز اعلن عنه ف جروبات او اي مكان تنصحني بيه ؟
صعب كلام علي الاسك و لكن فهمني نوع المشروع ايه و انت الهدف بتاعك توصله لمين من الناس علشان اقدر اساعدك
الورقه الاولي ال mcq بتاعها هيجي من نفس المصادر ولا ايه النظام
اهي عدت الورقك الاولي . يا رب تكون حليت كويس
يا دكتور بنت عمي عندها ١٣ سنة كانت سخنة اديناها مضاد حيوي بس لسه سخنه و بدا يظهر علي اديها بطش حمرا . نعمل ايه ؟؟؟
بعتذر معلش مكنتش برد علي اسك لاكتر من شهر .. اتمني تكون زي الفل دلوقتي ^_^السخونية عرض مش مرض . و اتعودي اما تعالجي عالجي المرض .. حتي لو خفت فالمرض لسه اكتيف او هيفضل مش اكتيف لحد اما مناعتها تقل في يوم من الايام و يظهر تاني لا قدر الله . و ممكن يبقوا شوية سخونية عادية فعلا منافورش الموضوع يعني ?
دكتور
هوا مفيش اي وسيله اقدر اجيب منها فلوس في الاجازه وانا قاعده في البيت
فيه طبعا . النت فيه حاجات كتير جدا تعملها زي Freelancer و زي تعمل فيديوهات بفكرة معينة تجيب views علي اليوتيوب مثلا .
هو مش حرام كده
علشان طلبه تعرف ناس فى الكليه يجيبوا النتيجه واحنا قاعدين كده دمنا هيتحرق
والله حرااام ?
طبعا حرام و ظلم و لازم تطالبوا الاتحاد انهم يكلم د نانسي او العميد في التشديد علي الموظفين ان النتيجة متطلعش .
من وجهة نظرك ، لماذا الاسلام هو الصح ؟
موضوع طويل و محتاج بحث منك .انا واخدها من الاول هو فيه اله الاول ولا لا . و مين هو الاله ؟ و بعد كده ايه الفصائل و الاديان الي تحت كل اله و بتبدأ تبحث في كل دين .و لو انت مسلم او مسيحي نصيحتي ليك متدخلش في الموضوع الا لما تفهم دينك صح جدا الاول
دكتور محمود لو سمحت انا عاوزة اعرف نظام التعيين فى الجامعة عندنا نظامه ايه بمعنى ان هل كل سنة عدد ثابت ولا ع حسب وياترى احنا اللى بنختار نتعين فين ولا ع حسب المجموع التراكمى عاوزة افهم النظام يعنى
النظام زي التنسيق بتاع الثانوية كده يعني مثلا بيبقوا عدد معين بيتحدد علي حسب طلبات الاقسام . كل قسم بيطلب ١ ٢ ٥ علي حسب احتياجه . و ليكن يطلعوا في الاخر ١٢٠ واحد هيتعين .. الرقم الطبيعي بين ١٠٠ و ١٢٠ كل سنة .الاول بيبدأ يختار و ليكن مثلا باثولوجي .. يبقي لو الباثولوجي طالب معيد واحد فقط يبقي خلاص لو طالب اكتر يبقي فيه فرصة للتاني يختار باثولوجي مثلا . و همذ بيمشوها بترتيب الطلبة .
ممكن معلومات عن المعادلة الالمانية لو سمحت يا دكتور؟؟؟
للاسف معنديش معلومات كفاية خش علي اليوتيوب علطول ?
هو حضرتك في جامعه ايه يا دكتور!
وايه رأيك يا دكتور انا في طب شبين وجايب جيد جدا أولى وامتياز في 2
ايه رأيك يا دكتور اكمل هنا ولا احول بنها أو القاهرة عشان التقدير خاصه أن الامتحانات عندنا هنا صعبه جدا!
انا زميلك في طب شبين ^_^ كمل سنة ٣ هنا .. الاقسام كويسة في سنة تالتة خصوصا بالي بيحصل فيهم دلوقتي . لو هدفك التقدير يبقي بنها لكن القاهرة مش سهلة علي فكرة .