Dr Mahmoud Ghobashy

طيب وكده هيجيبو الامتحانات صعبه ولا ايه

May 05, 2017

كل دفعة و كل قسم علي حسب ظروفه و علي حسب رئيس قسمه .
بس دايما اغلب الامتحان بيبقي سهل .. يعني لو حر بيجيب حاجة صعبة بيبقي في اجزاء صغيرة يعني ان شاء الله .
والله ساعات رئيس القسم بيحط حاجات و فاكرها صعبة بتبقي سهلة علي الطلبة و العكس :D

---

فزاكروا بس و سبوها علي الله .. ربنا بيسرها جامد في الامتحان و بتفتكروا بطريقة تقولوا بيها سبحان الله :D

0

0

طيب معلش ممكن توضح النظام ايه في الفارما لاني مش فاهمه حاجه

May 05, 2017

ان معظم الامتحان من الاسئلة الصغيرة يعني
و ان مفيش اسئلة لونج .

---

المفروض الاتحاد نزل ده علي الجروب :/

0

0

لوسمحت يا دكتور ايه نظام الامتحانات بالنسبة لينا كفرقة خامسة؟

May 05, 2017

كلمنا دكاترة الباطنة يوم الخميس و هنعرف يوم الحد ان شاء الله النظام بالظبط و هيتبلغ بيه الدفعة من بدري علشان نشوف هنعمل ايه .

0

0

People you may like

Ahmed Mansour

also likes

• #psychology

'ᥫ᭡' د'سُمَيَّاتْ 'ᥫ᭡'

also likes

• #mentalhealth

Eslam

also likes

• #psychiatry

Eman Eltanekhy

also likes

• #psychology

Lou

also likes

• #mentalhealth

يُمنى الشامي

also likes

• #psychiatry

EnGy Abbass ( Engy Hatuj)

also likes

• #psychology

leigh; ✨️

also likes

• #mentalhealth

yesazher

also likes

• #psychiatry

Aya

also likes

• #psychology

Aan Nugraha

also likes

• #mentalhealth

Islam Khafagy

also likes

• #psychology

Ryann is a girl's name

also likes

• #mentalhealth

Menna omar

also likes

• #psychology

Ashraf Shahen

also likes

• #psychology

Mhmd_Haisam

also likes

• #psychology

Raghda

also likes

• #psychology

Dr. Unique

also likes

• #psychology

Mona Saad

also likes

• #psychology

Nada Shaban

also likes

• #psychology

☆ منة شلبي☆

also likes

• #psychology

Dr.mido(society problems)

also likes

• #psychology

منارة

also likes

• #psychology

abeer salah

also likes

• #psychology

Abeer

also likes

• #psychology

Want to make more friends? Try this: Tell us what you like and find people with the same interests. Try this:

#books #fashion #games #party #basketball #student #dance #student #cars #art

+ add more interests + add your interests

هما في الفارما نفس النظام كده ولا ايه

May 05, 2017

ايوه كله نفس النظام السنادي

0

0

طب أنا أجلت مادة ف أولى مرتين وبعد كدة مدخلتش السنة الي بعدها ولا دور أول ولا تاني كدة باقيلي السنادي بس ؟

May 05, 2017

لا لا .. التاجيل حاجة و انك تشيل حاجة هو ده الي انا بتكلم عليه .

---

يعني واحد عاد السنة بالكامل مرة
و بعد كده عادها تاني لتاني مرة و شال ..
هنا هيبقي ليه فرصة كمان سنة ! .

---

و بعد كده فصل .

0

0

الفصل بيبقى بعد كام مرة من دخول الامتحان ؟

May 05, 2017

فصل ايه ! من الكلية ؟!
سنتين و لسه فيه فرصة كمان سنة .

0

0

معلش أخر سؤال هو فعلا الشورت 30% بس من الامتحان يعني توزيعة درجات الشورت قلت وزادت للmcq& complete ?

May 05, 2017

ايوه ?
ده كلام الادارة و القسم و لجنة الامتحانات .

0

0

طب يا دكتور مش قسم زي الأناتومي ممكن يجيبو اسألة من بين السطور والحجات الي مبتتزاكرش ويحطوها ؟

May 05, 2017

ايوه ممكن ..
احنا بنتكلم علي الاولويات دلوقتي و مستواك ايه .
الطبيعي انك تزاكر الاول كله بشكل كويس الاول بضمير و بعد كده في المراجعة بتبقي تركز اكتر علي بين السطور .
لو مفيش وقت بقي اعمل زي مقولنا .. يبقي امشي من الاول سريعا في الموضوع قراية و فهم و علم علي الحاجات الي ممكن تيجي ام سي كيو او نوعية الاسئلة ديه .
و بعد كده اشرحها لنفسك بطريقة انك انت الدكتور و بتشرح لواحد مش فاهم او ابيض خالص ! و تقوله خلي بالك من ديه متنساش ممكن تجيلك ام سي كيو :D
و هكذا .

0

0

هو لو معايا أناتومي من أولى وقاعد بيه تمام ودلوقتي زاكرت ثوراكش وبلفز ازاكر أيه عشان أعدي فيه وياريت تقولي ازاكر ازاي بنظام الأسألة الجديد دا ؟

May 05, 2017

الانترودكشن زاكر فيه المهم لان ده لازم يتقفل .
الابر لازم يتزاكر
الابدومن ركز علي المواضيع الي مهمة فقط ممكن اسئلة مزكرة الامتحانات
الامبريولوجي هم كانوا المهمين سؤالين فقط .

---

نظام الاسئلة الجديد .. احسن ميت مرة لانه مش محتاج منك دش ! يعني مش تمسك زينا قبل كده تصم الكتاب ! .
لا انت افهم كويس و كرر كتير و علم علي الحاجات المميزة .
و زي مقولتلك متزاكرش جزء كامل علي بعضه الا الاسئلة المهمة .

1

0

هو لو الواحد بيزهق من المذاكره ومش لاقى اى حاجه تشجعه يعمل ايه! وفيه فاينال كمان يومين ?

May 05, 2017

افصل بخمس دقايق باي حاجة حلوة و هادية و متخليهاش تشدك لحاجة تانية
تسمع قران / تسع اغنية بتحبها / تقرا حاجة .. بس متدخلش علي الفيس او اليوتيوب علشان ميشدكش اكتر .

---

انت الي بتدي احساس انك زهقان ده لنفسك علي فكرة .
يعني بمجرد انك تحس او تقنع نفسك ان الموضوع عادي يعني .. انا بقرأ و بتعلم و بزاكر للامتحان الي عليا كمان يومين هتلاقي الموضوع ده الطبيعي .
انك شخص مش قادر تتحكم في نفسك و في ارادتك انك تعمل كده .. اتكسف من نفسك علشان علي الاقل والدك و والدتك الي حاطين فيك الثقة انك هتفرحهم و تبقي حاجة كبيرة بعد كده .
فلو مش عارف تتحدي حتة كتاب صغير و انك تعد شوية علي الكتاب من غير اما متمل و اول متزهق تقول لنفسك هو انا زهقان من ايه ! مهو ده الطريق اصلا الي هيوصلني ابقي حاجة محترمة و يلا نكمل علشان نفسي و علشان عيلتي و علشان ابقي محترم و كويس و علشان اقضي اجازتي و انا مبسوط ! .

---

جزء مكافأة و حاجة حلوة
جزء ارادة الي تتحرج من نفسك لو لسه في السن ده و مش عارف تعملها و كل الظروف بتهيأك لكده .. يعني مفيش اي حاجة تتشغل بيها اصلا او شداك زي نشاط في كلية او صحبة او خروجة حلوة ! .

---

سيب الاسك و قوم زاكر براحة و حط التارجت ليك الي هتخلصه علي مدار اليوم كله و التارجت القريب الي هتخلصه كل ساعتين او كل تلاتة و علم صح كل اما تخلص جزء و حد خمس - خمستاشر دقيقة راحة .

---

بالتوفيق (y)

View more

1

0

بحترم حضرتك جدا ✌?️ باخد حضرتك قدوة ليا من الناس الل نفسي اكون زيها . بحب حرص حضرتك علي التغيير للافضل و سعيك لكده . عندك امل كبير جدا ما شاء الله . نفسي جدا اتعلم منك حاجات كتير . جزيت عنا كل خير . من الناس الل بتيجي و تسيب اثر كبير مش هننساه ابدا . دمت قدوة حسنة ?

May 04, 2017

ربنا يكرمك و يا رب نكون ناس محترمة و قد ثقة ربنا الي جعلنا خلفاء في ارضه ^_^
و شرف ليا ان اكون في مكانة زي ديه .
و بالمرة حابب اقول حاجة لازم تعرفي ان كل شخص فيه عيوب و فكرة القدوة عامة لازم تبقي عارفة ان هيطلع فيها عيوب في يوم من الايام ممكن تتصدم/ي و بالتالي ديه مشكلة كبيرة عند معظمنا .
ان بياخد شخص سواء شيخ او معلم او شخص ما قدوة و مع اول غلطة للشخص ده بيتصدم و بينهار .. فخلي الكلام دايما في دماغك و شكرا مرة تانية علي الكلام الجميل ده ❤️

1

0

Liked by: Os a Ma

اكتر اغنيه بتحبها؟

May 04, 2017

من الاغاني الحلوة ^_^

---

قطر الحياة :
https://www.youtube.com/watch?v=qa2iLyIylR4

---

يا رب اديني فرصة ارجع تاني للحياة ... همشي في طريقي صح لحد اخر منتهي ! .

0

0

ربنا يبارك للاتحاد ! احنا اى مشكلة كنا بنزلها للاتحاد و لكن مفيش تأثير ! و كلمنا المعيدات و الدكاترة و مفيش فايدة ! اصلا مفيش حد هينبه للموضوع غير لما ال حصل باعمال السنة يحصل بالفاينال !.. و المفروض ده اصلا يحصل من غير ما نتكلم !

May 03, 2017

والله اعتقد الاتحاد كان بيحاول علي قدر الامكان برضه .
بس رؤساء الاقسام اغلب الوقت مش بيكونوا متواجدين و الله اعلم برضه .

---

المشكلة هتتعرف منين من غير اما تتكلموا .

---

سبب نجاح اي خطوة بتحصل في الكلية يرجع الفضل ليها اولا لدكتورة نانسي و باقي الدكاترة الي شغالين معاها و الحاجة المهمة جدا هي وصول راي الطلبة بالفيد باك الي دايما متابع و بيدي اراء علي ازاي الحاجة تتم بنجاح .
فلازم علشان اعرف المشكلة .. صاحب المشكلة يقولهالي لكن انا بمشي علي الخمس خطوات زي مقولت لحضرتك و نزلنا اكتر من مرة اتحركنا اكتر من خطوة ان الناس تيجي و تكلمنا .

---

علي العموم مش عاوزين برضه نختلف حاليا و نتوقع حدوث حاجات مش حلوة و خلينا نتفاءل باذن الله الدنيا هتمشي تمام و انتوا اتدربتوا اكتر من مرة فحاولوا يبقي اسلوب المزاكرة بالطريقة ديه و باذن الله ربنا يسهلكم لدنيا ان شاء الله .

0

0

احنا اتدربنا علي اسلوب الاسئلة ومش جديد ،ولكن انا بتكلم عن نتيجته ! بمعنى اننا كنا بندخل الامتحان مخلصين المذاكرة و كله تمام ولكن ندخل الامتحان مفيش نتيجة و لا كاننا ذاكرنا ! و درجات الامتحانات مخذية للغاية ! و كلمنا الدكاترة قالوا اننا ال مش بنذاكر !! و ده طبعا بسبب فجوة بين اسلوب الشرح والاسئلة !

May 03, 2017

مهو الامتحان اعمال السنة مفروض يعدي بخمس مراحل :
1- معرفة نظام الامتحان
2- دخول الامتحان
3- معرفة نموذج الاجابة ) علشان اقيم حلي صح و لا غلط )
4- خروج النتيجة
5- فتح باب التظلم و الطالب يعرف هو غلط في ايه و ليه .

---

خلال السنة احنا كنا بنقول ده و بنتكلم فيه و كنا بنقول اي حد عنده مشكلة في التظلم او اي قسم مش بيرضي يساعد الطلبة في الحاجات الي شبه كده يجي يقولنا و هنروح نكلم القسم .
ده حصل في سنة تالتة في مادة الفارما و فعلا رحنا كلمنا القسم .. في محاضرات الترم التاني بدأت د مها رئيسة القسم بانها تحط المحاضرة في اخر الحاضرة في صورة اسئلة ن الي اتقالت في المحاضرة .
فليه المادة الي كان بيحصل فيها كده مكنتوش بتبلغونا .. ديه النقطة لازم تاخدوا الخطوة و تعرفونا لاننا فيه حاجات كده في بعض المواد كانت بتوصل غلط علي الرغم كنا بنزل بوستات و ننزل الهول و كل حاجة نقدر نعملها .

0

0

تمام شكرا ع النصايح دي يا دكتور. ربنا يوفقك ?

May 03, 2017

بالتوفيق .. ربنا معاكم ويجعل الامتحان سهل عليكم باذن الله ^_^

0

0

هو مش امتحان الاناتومي بالنظام الجديد ده هياخد وقت اقل شوية !!

May 03, 2017

اقل كتير و هو اصلا متراعي فيه نقطة الوقت .. يعني مش زي قبل كده بيحطوا الاسئلة و خلاص .
لا بقي فيه لجنة اسمها لجنة الممتحنين من اكبر 3 دكاترة في القسم واخدين دورة الاسسمنت و من ضمن الدورة ان الوقت بيتحسب ازاي علي كل سؤال و هكذا .

---

بس انت خليك زكي بقي و بتعمل حسابك في اي حاجة يعني .. علي العموم هتخش علي الورقة زي الطبيعي في اي امتحان و قسم وقتك علي الورقة و معاك ساعتك و كل اما تخلص سؤال كبير كده بص فيها شوف انت ماشي تمام ولا ايه .

0

0

طيب معلش للي بيجاوب هو في اسئلة شورت بيقولو لازم ترسم فيها حتى لو مطلبش و بتنقص لو مارسمتش ده صح ولا ايه ؟؟

May 03, 2017

في الاناتومي فيه دكاترة بيقولوا انك لو رسمت فقط و الرسمة معبرة اصلا هيديك الدرجة كاملة
و فيه يقولك لو كتبت الكلام فقط و الكلام معبر بشكل كام هديك الدرجة كاملة
و فيه يقولك لازم الرسمة علشان اديك الدرجة كاملة .

---

علشان تريح نفسك .. انت بتكون عارف في كل موضوع رسمة و حافظها مش شرط بقي من خمسين اتجاه .
و حل الامتحان الاول بالكامل علشان الاناتومي بياخد وقت طويل و قسم وقتك في الامتحان .
و بعد اما تخلص شوف الاسئلة بتبقي واضحة الي محتاج فيها رسومات و ارسم بالاولوية و بالترتيب علشان الوقت برضه .
و ربنا يوفقكم باذن الله .

0

0

ماهو اجابات حضرتك عندى ع الوال فقولت اقول حاجه نافعه ?

May 03, 2017

شكرا تسلم/ي

0

0

هو ازاى الاقسام بالكلية بتغير نظام الاسئلة و تجيبه skills اكتر .. واحنا اصلا كتعليم مش بنمتلك ولا 1% من المهارات دى ! يعنى طريقة شرح المحاضرات لا يعتمد علي اى skills . و الكورسات كمان .. :D التغيير المفروض يبدا من الصفر من اسلوب الكتاب الاول و طريقة القاء المحاضرة و بعدها الامتحان !!

May 03, 2017

أ ب تطوير الامتحانات هو ان الطالب يتقيم علي الي اتعلمه .. يعني الامتحان هو طريقة تقييم قبل ميكون هقيم انهي معلومات .

---

انواع الامتحانات اتنين :
- Summative : تدريب علي طريقة الامتحانات من خلال السكاشن او من خلال المحاضرات او من خلال امتحانات اعمال السنة .. و لازم يكون شامل تدريب علي شكل و مضمون و طريقة انواع الاسئلة الي هتجيلك في اخر السنة .
- Formative : ده الامتحان الرسمي بتاع اخر السنة الي بتتقيم بالكامل علي شغلك خلال السنة .

---

كل الاقسام السنادي في اول اربع سنين .. المفروض ان في امتحانات اعمال السنة عودوا الطلبة علي طرق الاسئلة الصغيرة بالكامل .
زي الهستولوجي اول سنة يعمل امتحان كل اسبوعين بانواع الاسئلة الصغيرة ( الهستولوجي كان بقاله اربع سنين بيعمل امتحان واحد فقط في السنة ب 15 درجة كاملين و كانوا 3 اسئلة لونج كل سؤال ب 5 درجات )
و هكذا في الفسيولوجي و الاناتومي و البايو .

---

من حق الطالب الاعتراض علي نوعية الاسئلة الجديدة لو هتتحط في الامتحان و انت مش متعود عليها و علشان كده لازم تكونوا عارفين نظام الامتحان قبل متخشوا فيه و لو فيه نظام اسئلة القسم مفهمكوش ايه هو .. ساعتها تكملوا القسم او لجنة الامتحانات او الوكيلة و هم هيتصرفوا مع القسم با نوعية الاسئلة ديه تؤجل للسنة الجاية لحد اما تدرب الطلبة عليها من اول السنة .

---

بالنسبة للـ
Skills لو بنتكلم علي العملي شوية ..
فالسنادي محصلش اي تغيير في مستوي الامتحانات العملي علي مستوي الاربع سنين لان بالفعل مفيش لسه التغيير الشامل و القوي الي يخلي الاقسام تمتحن الطلبة بنظام جديد اسمه
OSPE ( Objective Structured Practical Examintation )

---

بالنسبة للكتب باذن الله من بداية السنة الجاية هتلاقوا نسبة كبيرة من الاقسام ان مكنتش كلها كتبها متغيرة و باسلوب كويس شبه كتب جامعة اوكسفورد و ده بالفعل بدأنا فيه تجربة السنادي مع قسم الباثولوجي و نزلناه لدفعة سنة تالتة و الحمد لله ردود الفعل كانت كويسة جدا و لكن معملناش كده في كل الدفع علشان الاقسام متخليش حد يشتري الكتب تاني و علشان فيه كتب بالفعل اتشرحت و كنا هنلاقي هجوم كالعادة سواء من الطلبة او الدكاترة ^_^

View more

2

0

Liked by: سَلمَىٰ جَمال.

هيجى سؤال نرسم ايوه ورسمه وعاوز البيانات والشورت هيكون فيه بس عددها قليل وهتكون محدده مش عاوزه رغى يعنى للى بيسأل?

May 03, 2017

شكرا .. ايوه كده الواحد بيفرح اما الناس بتساعد بعض ^_^

1

0

هو الاناتومي يا دكتور هيجيلنا سؤال نرسم احنا بنفسنا ولا بيبقى تبع الشورت نوتس وهو في شورت اصلا ولا لأ ؟!

May 03, 2017

الاناتومي عمل محاضرة بالكامل بعد امتحان العملي علشان تعرفوا النظام بالظبط .
فهستاذن حضرتك ترجعي لحد كان حاضر المحاضرة او الاتحاد افضل .

1

0

نذاكر فسيولوجى ازاى؟ "فرقه تانيه"

May 03, 2017

ركز علي الفهم براحة علشان الاسئلة 70% اسئلة صغيرة يعني محتاجة فهم .
و ركز في كل حاجة المميز و اعمل الموضوع في دماغك في صورة ام سي كيو
ركز علي التشابهات و الاختلافات .. بمعني لو جالك ام سي كيو او كوبليت او ماتش او اي سؤال صغير .
بيبقي مشكلتك الاساسية في ان اجابتك لو غلط بتبقي مشابه للاجابة الصح .

---

فمجرد تبقي شخص فاهم كويس و تفرق بين المتشابه انت كده في السليم .

---

الاسئلة الشورت زاكر الكومن بتاع السنين الي فاتت و ربنا معاك ^_^

3

0

Liked by: Omneia Dwidar سَحـر

فكرتك عن الحب؟

May 03, 2017

حاجة كويسة :D
فكرتي ازاي يعني .. ؟
طريق الاسئلة ده قلق اوي .. خلينا في النشاط افضل :D

1

0

Liked by: Mohammed A.Al-Absawey

ايه الحلو فى كليتنا ! وليه متمسك بيها كده!

May 03, 2017

مين قال اننا متمسك بيها علشان هي حلوة او هي وحشة :D
زيها زي اي كلية في مصر مستوي التعليم فيها مش اوي للاسف و الامكانيات مش مساعدة و لكن لو قارنا اخر خمس سنين كل سنة مع بعضها في اول الخمس السنين كان نفسنا نشوفها ازاي و دلوقتي ازاي هتلاقوا الموضوع فيه امل كبير الحمد لله ^_^

---

انا متمسك بان انا و زمايلي ناخد حقنا في تعليم محترم .. مش عاوز الي الدفعات الموجودة او لسه هتيجي تتعلم بشكل مش كويس لان هيبقي في ايديهم حياة ناس ملهاش ذنب الا انهم وثقوا فيهم .
و ربنا يوفق الجميع و يبقي كل الناس علي مستوي عالي علشان كلنا نعالج المريض
التنافس مش في مين يطلع الاول اكتر ما التنافس يبقي علي نجاح اني اوصل لحاجة جديدة في الطب و في العلم !
لكن مش معقول يبقي فيه ناس مش بتساعد بعض في وضع ممكن للاسف يقلل من مستوي الطالب و يخليه يطلع دكتور مش كويس .. نطلع كلنا دكاترة كويسين و نضمن اننا كويسين في التشخيص و العلاج و بعد كده التنافس يبقي في الحاجة الاعلي بعيدا عن المريض بقي و لهدف كويس برضه ^_^

View more

4

0

Liked by: Mohammed A.Al-Absawey

طب مين المسؤول عن القرقة الاولى؟

May 03, 2017

د الاء الكيلاني و د سلمي وهدان

2

0

Liked by: Mahmoud Nasser Soliman