ممكن تحكم على شخص معين من اكونت الفيس او الاسك بتاعه ؟
بص يا سيدي :) هقولك اه و لأ .. بمعني ايه ؟! علي حسب الصفة نفسها يعني ! يعني لو دخلت لقيت شخص معين عمال يشتم بالاب و الام و شتايم وحشة اكيد هو شخصيته كده .. لكن لو لقيت شخص بيتكلم بجرأة او بيتكلم كلام مرتب مثلا ده مش حكم خالص ان الشخص ده شخصية جريئة او شخصية مرتبة في كلامه في الحقيقة و ده لاسباب كتير قلتها مرة علي الفيس من وجهة نظري يعني :)
لو بتحب بنت وعاوز ترتبط بيها هتقولها ازاى وهتفكر انك ترتبط بيها وتاخد خطوه امتى ؟
هقولها بطريقة جديدة مش عادية ان شاء الله :)و الخطوة هتبقي اما اكون هتقدملها مش قبل كده :)
ايه رأيك ف مجتمعك ؟
الحمد لله علي كل شئ :)المجتمع الاول علشان نبقي متفهمين عبارة عن مجموعة من الناس بيعيشوا مع بعض حياة اجتماعية :) بص يا سيدي المجتمع المصري للاسف ضحية للفساد والجهل الي اتعمل فيهم و الي لسه بيتعمل فيهم يعني .. فللاسف هو مجتمع فيه فساد اعلامي ثقافي سياحي اقتصادي زراعي و كل الفساد الي في بالك يعني .. و لكن فيه امل الي احنا مفروض نبقي متفائلين علشانه و علشان نشوف المجتمع بتاعنا احسن مجتمع في العالم ان شاء الله و الي هو النسبة الصغيرة الفاهمة الناضجة في المجتمع الي لازم 100% علشان المجتمع ده يتغير قبل اي حاجة الطبقة ديه تشتغل علي الوعي بشكل كبير بمعني :- حصل قبل كده ثورة و رأس الفساد مشي و كان قدامنا احسن فرصة اننا نتأهل و نبقي احسن بلد لكن المشكلة كانت ان النظام ده كان ناشر الجهل و الفساد و عدم الوعي في الشعب نفسه و كان الشعب مؤهل ان ينضحك عليه لان التفكير نفسه بيبقي غلط و السبب الرئيسي في ده ان الشعب بيفكر في الي تحت رجله مش لقدام يعني بيدور علي لقمة العيش لكن مش بيفكر ايه العوامل الي ممكن تجبها او تمنعها لكن النظام السابق كان بيفكر لقدام مش لتحت رجليه و هو ده السبب في الي احنا فيه للاسف و هو ده السبب الرئيسي في 30/6 ناس كتير نزلت و لكن محدش فكر ايه الي هيحصل بعدها . فالفكرة كلها ان التغيير لازم يحصل عن طريق حاجتين ثورة مادية و ثورة توعية و مش هتنفع واحدة لوحدها الثورة المادية الي هي زي الي عملناها و الي لازم معاها تحضير ليها عن طريق التوعية :)ملحوظة صغيرة : انا بقول الشعب الشعب و انا اصلا مبحبش الاشخاص الي بتعد تقول الشعب المصري بيعمل كذا علي اساس اننا مش منهم يعني .. بس انا بقول الشعب لاني بحكم عليه و انا باصص عليه اكني مش منهم و بشوف المشكلة فين و بقول رايي كمعظم يعني مش الكل :)بس ان شاء الله متفائل ان المجتمع هيتقدم و يا رب الكل يسعي في كده و نتعاون و هيتحقق الهدف ده ان شاء الله :)
صباح تنجلي به الهموم بإذن الله ... صباح معطر بذكر الله ... صباح الامل والتفاؤل والرضى :))))) ومتنسوش الباقيات الصالحات (سبحان الله والحمد لله ولا اله الا الله ولاحول ولا قوه الا بالله والله اكبر )