بونچورنو .. 🌤️ الحقيقه ان انا شخصيه عايشه في الشوخليله ، وفي ميه البطيخ تماما .. 😅😎😌انا مش عايز صراعات ، ولا وجع دماغ ، ولا مناهدة وفرهدة من اي نوع ، ولا بحب اي نوع من انواع المناقشات الحاده الشريره دي اللى ممكن تستغرق اكتر من ١٥ دقيقه ، ولان مش عايز ازعل من حد ، ولا حد يزعل منى مهما حصل ، والله حلم حياتي اني ابقي مستقر نفسيًا ، ابقي طبيعي ..🙂 ولا متوتر ، ولا قلقان ، ولا شايل من حد ، ولا برضوا مستني حاجة من حد .. شخص عادي بسيط جدا ويفتقر للواقعية في كل تصرفاته ،ويميل اغلب الاوقات الي الهئ والمئ هروباً من الواقع ده .. وبيتمني يعيش ويتعايش ف سلام كده ونفرح ونروق علي بعض باليومين اللى عايشين فيهم .. ❤️ثم وبافتراض اني طلعت الاول علي العالم ، ع السبع قارات .. ماذا بعد ؟! 🙄 ولا اي حاجة ، وحوح زي الحج وحوح .. انا لا عايز انتصر واخد الكاس ، ولا اوصل للقمه .. أنا القمه الوحيده اللي عايز اوصلها هي قمه الروقان والدلع .. وشكراً ❤️😎 #just_وحوح 😁 #يقلقهم_كوني_رايق😎😌 #هو_قالقني_انا_شخصيا😂 #دعوة_حلوة_كدا_وانت_ماشي❤️🥰 #ابن_وحيد
- ( قالَ رَبِّ إِنِّي وَهَنَ الْعَظْمُ مِنِّي وَاشْتَعَلَ الرَّأْسُ شَيْباً ) ..🌿كل الاسباب كانت واقفة ضد سيدنا زكريا عليه السلام ، هو عايز يكون له ابن ، وكل الطرق مسدودة ، سنه كبر ، شعره شاب ، ومراته كمان كانت عقيمة !!! ف ازاي هيجي الولد اللي نفسه فيه كل البيبان اتقفلت وانسدت ، واجتمعت كل المستحيلات دي ؟! بس سيدنا زكريا عليه السلام كان عارف ان الله سبحانه قادر ، فلما سلم وافرغ قلبه من التعلق بالاسباب ، ولما شاف ان طلبه سهل وهين قدام قدرته سبحانه وتعالي ، دعا ربه ، وعلق قلبه بربنا سبحانه وتعالي .. فجاءت له البشري والرد الجميل ده .. ❤️( يَا زَكَرِيَّا إِنَّا نُبَشِّرك بِغُلَامٍ اِسْمه يَحْيَى ) من عامل الله باليقين ، سخر له الله المعجزات .. 🌺😊 #بقلمي #ابن وحيد
- بتمنى أقابل حد يفهمنى، حد يحتوي حُزنى، حد يقاسمنى زعلي، حد يستثنينى، حد مهونش عليه مهما حصل، حد يطمنى، حد مبيحبش الخصام ولا بيهدد بالبُعد، حد يحبنى في زى ماانا في أسوأ حالاتى، حد ميتغيريش فجأة ولا يتحول معايا، حد يدعمنى ويحسسنى إنى أستاهل، حد يحاول علشانى. ❤️
يا جدعان ياريت نبطل نفرض على الناس اختياراتهم ، مش معقول كل ما واحد يكتب عن حاجة بيحبها او حد بيحبه ، يلاقي نفسه مضطر يبرر ويتناقش هو ليه بيحبه .. ! من حقك يا سيدي ما تحبش الناس دي .. ومن حقك يكون عندك تحفظات على مواقفهم وآرائهم .. ومن حقك تقولها زي ما انت عايز .. بس متجبرش اللي قدامك انه لازم يقولها هو كمان .. !!وكمان مش من حقك تفترض في اللي قدامك انه مش عارف المواقف اللي انت بتتكلم عنها .. لأنه تخيل بقى العالم مكان مفتوح وكل الناس عارفة كل حاجة .. بس كل واحد من حقه يقول إيه ويقوله إمتى .. طالما باسلوب كويس ومفيش في اي تنمر او تجريح .. !!وحط في اعتبارك ان مش كل الناس عندهم نفس الطاقة اللي عندك .. واللي تخليهم قادرين يتناقشوا ويبرروا كلامهم .. خصوصا يعني لما يكون الكلام ده مجرد اعلان عن مشاعر مش أكتر .. ؟!يعني انا مثلا For example لو لقيت حد كاتب انه بيحب أحمد موسى .. مش هدخل أعدد له في مواقفه الوحشة .. ولا هجبره انه يبرر حبه ده بس هعمله بلوك من سكات ، واشتمه في سري .. 😂😎ملحوظة 😎 يستثني من هذا الكلام اللي فوق الناس اللي بتحب السبانخ 😕 علشان مفيش بني ادم طبيعي اساسا يحب السبانخ 🤭 #بقلمي #ابن_وحيد