لما تيجي تسأل اتنين صُحاب من عمر طويل كنت بتتخانقوا نع بعض؟ الأجابة دايماً أه.. بس بعدها بتكمل الجملة ب"بس بنتصالح وننسى بعدها بثواني أكن مافيش حاجة حصلت" الشطارة مش أنك ماتختلفش مع حد لأن ده مستحيل يحصل.. الحلاوة كلها أن الخلاف مجرد ثواني والنيّة مش بيتشك فيها.. والتبريرات مش شرط الصُلح الصُلح مرتبط برصيد الغلاوة المليان.. والعودة من جديد مرتبط برصيد الأمان الثابت لما تيجي تدوّر على صُحاب وشركاء العمر.. دوّر على اللي بيكره يفضل في خناق معاك🖤
فيه ناس تغيب تغيب ويظهروا في الزنقات مايعلقوش على صور واخبار عادية.. بس يشاركوا في أول صور واخبار فيها وجع وأزمات في الأفراح ممكن يلاقوا أعذار.. بس في الأحزان أول ناس متواجدين الناس دول مزيج بين الأصالة والحنيّة.. بين الجدعنة وقلة الأنانية الناس دي غالباً بتبقى شايلة أوجاع جواهم ومش بيقولوا.. بس لما بيشوفوا غيرهم مِتوّجع بينسوا اللي جواهم عشان يسندوا غيرهم الناس دي قلوبهم حلوة وطاهرة قوي
ليه ما يكونش في أوبشن يطلع الكلام اللي في دماغي بنفس الصيغة والترتيب، يعني أنا بيبقى في دماغي كلام قمة النضج والحلاوة، وفي الأخر بترسى على تهتهة و "أنت فاهمني صح؟ اتمني تكون فاهم
كل شيء بميعاد ولما يجي الميعاد هتلاقي كل حاجة بتحصل لوحدها، مهما كانت مستحيله ومهما الطرق ليها كانت مسدوده، اللي جه وقته يخلص هيخلص، واللي جه وقته يبتدي هيبتدي، واللي جه وقته يتنسي هيتنسي. اسعى واصبر، ولو حاجه اتاخرت متحبطش كل الحكايه إن الوقت لسه مجاش.
محتاجين نستوعب ونفهم ونتقبل إن كلمة "ماارتحتش" رد مُقنع وكافي على سؤال "عملت كده ليه؟" سواء قطعت علاقة، بعدت عن شخص، مشيت من مكان، شغل ماكملتش فيه، خروجة لغيتها، قرار غيّرتُه.. محتاجين نفهم إن الراحة النفسية أهم من مليون سبب وتحليل ومُبرر💜
لما كنت أحضر عزا وأشوف الشخص المتألم اللي فقد حد غالي أوي عليه، كانت الناس بتقول جملة مش قادرة أنساها: "كل حاجة مع الوقت بتعدّي" هو الحقيقة إن فعلا الوقت بيعدّي بس للأسف مفيش أي حاجة بتخف مع الوقت، لا الوقت بيخليك تنسى ولا بيداوي وجع الفقدان! الوقت مبيعملش حاجة إلا إنه بيخليك تدرِك وتستوعب عدم القدرة إنك تقابلهم أو تلمسهم تاني أو يبقوا جنبك في أكتر وقت انت محتاجهم فيه، لكن الألم بيفضل جواك مش ظاهر لأي حد، بتتعود تداري في قلبك وبس .. إلى أن نلتقي🖤
مع الوقت بتكتشف إن أحلى صفة الناس تفتكرك بيها هو إنك خفيف.. خفيف في زيارتك.. خفيف في تدخلك في حياتهم.. خفيف في روحك بالنسبة لهم.. خفيف في النقاش وخفيف في الخلاف وعلى قد خفتك دي.. بتزيد تُقل محبتك في قلوب الكل💜
جاية اقولك انهاردة ان مهما كان مفهومك عن الحب و طريقتك في التعبير عنه و الطريقة اللي انت تحب تتحب بيها بصليلك تلاقي الامان و القبول و متقبلش بحُب زايف علشان تسدد احتياجاتك و متقبلش بحاجات مش شبهك علشان خايف تكون لوحدك.. قلبك غالي ف حافظ عليه ♥️ #اقولك_انهاردة