بعض الأزواج بيتجهوا لتأجيل الإنجاب مثلا ٥ سنوات من بعد الزواج لأسباب منها الوضع المادى وعدم قدرتهم تحمل مصاريف طفل، ومنها كثرة حالات الطلاق عشان لو حصل أى خلافات أو طلاق ميكونش بينهم أطفال يتظلموا، وممكن لأسباب زى انشغال الزوجة باستكمال دراستها، إيه رأيك فى الاتجاه ده وهل مؤيدة ولا رافضة له ؟
مقدرش ارفض او اقبل الاتجاه دا بشكل عام لان كل شخصية بتختلف وبتبقا عارفة ظروفها ايه فبسستم نفسها ع نمط معين بس لو انا ممكن أاجل موضوع الخلفة ف حالة الدراسة وف الاخر دا كلو بيبقا قدر
هو بعد الفاونديشن والايلاينر والبرايمر و الأيشادو والكونسيلر والروج وليب بنسل وليب لاينر وليب ستيك وكوريكتور ، المفروض بعد ده كله نصدق جمالك؟ ونصدق إن الأنثى بتحب تبقى جميلة لنفسها ومبتستخدمش ميكب عشان تعجب حد 😂 يعنى بذمتك مقتنعة؟ إبليس نفسه لو حاولتى تقنعيه هيقولك أنا شيطان اه بس مش للدرجادى 😂
حضرتك انا ك بنت مش بقتنع لما بنت تقول قصادي كدااا 😅😅وبعدين ايه الليبات دي والكروكتور دا😅😅😅
مستغرب من خناقة المايوهات مؤخرا،مستغرب من مناقشة الأمر أصلا،وكأن اللبس ده(المايوه)أمر طبيعى ومطلوب تحديد شكله ومواصفاته،وبعدين نمسك فى المبرر وهو قانون الفندق كده،فالمسكينة على مضض تضطر تلتزم بتعليمات الفندق وتلبس مايوه عشان تعوم🤔طبعا أنتى ضد منع المرأة والمفروض تنزل تعوم زى الرجل اشمعنى هى يعنى 🤣
اكيييييييييييد لينا حق اننا نعوم وننزل الماية بس ثانية مش يكون شط مليان رجالة وانزل وسطهم المية واجي اطلع من المية بقا وتبقا هيصة سعتك بقا 😅😅
لو سألتك عن مواصفات زوجك المستقبلى هتجاوبى: طويل ودمه خفيف ومحترم ومتدين ومستوى علمى دكتور أو مهندس أو ظابط كواجهة اجتماعية ومستوى ثقافى واجتماعى كويس ومرتب كويس وميكونش بخيل ويجيبلك شقة تمليك وميبعدش عنك ميسافرش ويسيبك، يا ترى عاوزاه بيتشقلب؟🤣 ممكن تستغنى عن بعض الصفات دى؟ ولا لازم يكون سوبر مان😃
لا دا اوفر اووووي امال الخناق هيدخل منين 😅 وبعدين حضرتك نسيت انو يكون تافه اااه سووري نسيت انو يكون بدقن كمان 😂🙈💃
أنتى أكيد من البنات بتاعت جزيت الفردوس يا دكتور على جروب الدفعة، عليكى واحدة جزيت الفردوس تجيب أجل الواحد 🤣 هو بعيدا عن كون الدعوة حلوة بس بذمتك يا شيخة بتقوليها لحد من أهلك فى البيت؟
العيدية دى من العصر الفاطمى أو المملوكى باختلاف الروايات،العيدية كانت على هيئة أموال أو ثيات أو هدايا قيمة لا ترد واقتصر الأمر بعد ذلك على الأطفال فقط،لكن فكرة إنك تاخد العيدية من ابنك وتردها تانى دى مسمعتش عنها إلا فى مصر! طيب ايه لازمتها بقى؟طبعا أنتى فى الأوقات دى بتقلبى طفلة وعاوزة عيدية وخلاص🤣
الصراااحة ااه ببقا طفلة جدا 😅 مادام متعودة اخد من شخص عدية مش بسيبه ممكن يجبلي كيس شيبسي عاادي بفرح بيه جدا 😂
تفتكرى من حق الأب يسأل شاب متقدم لخطبة بنته عن راتبه كام؟ عشان يحدد إذا كان يقدر يعيشها فى نفس مستواها الحالى؟ ولا ده يعتبر تدخل غير مطلوب والأولى عدم السؤال منعا لأى إحراج؟
انا الصراحة مش بشوف ان الاهل بيبقا ليها حق ف السؤال بس اصلا اللي بيحصل انو الشاب بيقول للاب رنج المرتب بتاعه ايه