@ahmad_abdelaziz_

Ahmed Abd El-Aziz

Ask @ahmad_abdelaziz_

Sort by:

LatestTop

لو سمحت ي مستر احمد كنت محتاج مساعدة من حضرتك لو توصلني لمكتبة او مكان في المنوفية اونلاين بيبيع كتب ملموسة مش pdf لتعلم الانجلش او قاموس عربي انجلش ♥️

صراحة مش عارف أماكن في المنوفية خالص.
بس ايه نوع الكتب اللي انت محتاجها؟
بالنسبة للقاموس أنا أفضل قاموس انجليزي انجليزي ويكون على الموبايل عشان نسمع نطق الكلمات.
أما قاموس عربي انجليزي موجود منه كتير مثلا جوجل أو u dictionary أو قواميس كبيرة زي اكسفورد.
.....
نصيحة صغيرة: الكتب انهاردة مش هي المصدر الأول لتعلم اللغات فيه مصادر زي ڤيديوهات وكورسات كاملة ع النت + podcasts ومواقع وحاجات كتير.
الكتب ما هي إلا مصدر للمعلومة فقط، لكن لو أنصح بالكتب للقراءة زي قصص وروايات وممكن جرامر وكلمات لو بتحب.

+ 5 💬 messages

read all

People you may like

T A I K.. 🧡🦋

nadaels8nna’s Profile Photoسندريلا❤️
بيوصلني اكتر من منشن بس ده فرحني كتير والله .. ❤️
يارب اجعلني على صراطك المستقيم، واستر عيوبي واغفر ذنوبي. لولا سترك ما ظن الناس أني على خير أبدا.
T A I K

نبدا ف الانجليزى من اين

llhrb30’s Profile PhotoNourhan
اتكلمت عن نفس السؤال وقولت أن أهم خطوة نحدد المستوى وبعدين نختار الهدف ونحدد الوقت.
بعد كدة سواء نشتغل self study أو ناخد كورس ونستمر عليه.
تحديد المستوى يفضل من مكان كويس
ده لينك ممكن نحدد المستوى اونلاين
https://ihworld.com/learn/ih-english-language-level-test/
ممكن نقرأ السؤال اللي قبل الاخير؟
ولو في حاجة مش واضحة اشرح تاني ان شاء الله ☑️☑️

بإذن الله هتابع حضرتك هو انا لو انا بعرف اترجم وبعرف افهم اللي بيتكلم قدامي بالانجليزي على قدي طبعا بس النطق عندي تقيل اوي عليا مش صعب بس تقيل اعمل اي

asmaaadel9760’s Profile PhotoAsmaa
جميل اوي انك تفهمي اللى قدامك لأن ده أهم خطوة للتواصل. ☑️
مشكلة النطق هنا بسيطة وهي مسألة وقت وتدريب فقط، ممكن نعمل ايه بقى؟ 🤔
1. محتاجين نختار texts سهلة للقراءة بس هنقرأ بصوت عالي .. كل يوم ربع ساعة قراءة فقط. الهدف من ده ناخد احساس النطق بطريقة سهلة.
ده لينك هيساعدك جدا أجانب بيتكلموا ف مواضيع مختلفة ومعاها ال text نسمع ونحاول نقرأ زيهم.
https://www.manythings.org/voa/scripts/
2. مهم جدا نتمرن على ال phonetics ونعرف ازاى ننطق كل صوت لوحده.
في مصادر كتير بس اختار لحضرتك كورس أ. إبراهيم عادل للصوتيات موجود على يوتيوب. نتفرج عليه كويس ونتمرن كتير.

3. مهم اوي أن النطق يكون تلقائي .. ممكن بعد أسبوعين تلاتة من التدريب نحاول نتكلم ونعمل محادثات.. طب ازاي؟ 🤔
نفتح اللينك ده https://www.eslconversationquestions.com/english-conversation-questions/topics/
هتلاقي مواضيع كتيرة جدا لو كل يوم ١٠ دقائق نختار موضوع عاجلنا ونشوف الاسئلة اللي عليه ونحاول نجاوب عليها بالكلام .. ده هيكون أفضل لأننا هنتكلم بصوت مسموع ويا سلام لو نسجل صوتنا ونسمع بنتكلم ازاي ونشجع نفسنا 💙💙
بالتوفيق ان شاء الله

View more

ياريت تقولنا نتعلم ونتطور اللغه ازاي ، بحيث تفيدنا اكتر ف مجال الشغل

لو محتاج اللغة عشان الشغل يبقى لازم تمشي على الخطوات دي ☑️
1. اعرف مستواك: لازم تعمل تحديد مستوى ويفضل في مكان كويس عشان تعرف تبدأ منين بالظبط.
2. حدد المستوى اللي عاوز توصله: هل محتاج لهجة ولا مش لازم؟ هل التواصل بالكتابة عن طريق ايميلات ورسائل ولا كله محادثات ولا الاتنين؟👍
3. اعرف هدفك من اللغة:
محتاج general English علشان أعرف الحاجات الأساسية ده كفاية ولا لسة محتاج Business English كمان؟ 🤔
4. شوف المناسب ليك تذاكر لوحدك ولا تاخد كورس أفضل؟
ده يرجع لأسباب مختلفة سواء قدرتك ووقتك وفلوسك. ☑️
5. حدد وقت تحقق فيه المطلوب:
يكون وقت كافي فعلا وبرضه على حسب يومك ماشي ازاى.
........
عرفت هتمشي ازاي؟
الباقي كله مذاكرة وتدريب وتكرار ومع الوقت هتوصل .. أهم نصيحة انك تحدد عاوز ايه وتبدأ من المستوى اللي انت واقف عنده. 🧡
ببساطة تركز قوتك كلها على اللي انت محتاجه. مش تبقى عاوز business English وتروح تتفرج على افلام وتسمع اغاني وتقولي انا كدة بذاكر انجلش عشان شغل! 🙄
.....
إن شاء الله في نصائح كتيرة هقولها الفترة القادمة .. تابعوني 💙💙

View more

^^

airo1921’s Profile Photoأمـل ^^
عندي فكرة:
إن شاء الله هنزل نصائح لتعلم اللغة والمشاكل اللي بنواجهها وايه الحلول وهرد على كل الأسئلة لأن ده من باب زكاة العلم.
أسأل الله التوفيق.

+ 3 💬 messages

read all

لا شيء في الدنيا كأيام رمضان! والله ليت السنة كلها رمضان :( الطاقة اللي كانت مالية الدنيا إيمان ، الهوا اللي بنتنفسه غير في رمضان والرجوع لروتين الحياة العادية مؤلم شعور فقد وافتقاد. لا أوحش الله منك يا شهر الصيام . اللهم هون علينا فراقه وأعده علينا ونحن بصحة وستر .

flowerslove6189’s Profile PhotoHemat Ahmed (بنت أبوها) ❤️
"كم أهواك يا شهر الصيام
أنا لن أنساك فأنت في قلبي دائما
تمضي الأيام، ودعائي كل عام
ربي تقبلنا، يا ربي بلغنا
بلغنا رمضان
رمضان رمضان رمضان يا حبيب
رمضان رمضان ليتك دوما قريب"

أنت مش هتقدر تعاند القدر، فحاول تتفهمه، حاول تحبه، حاول ترضى بيه، حاول تخلي القدر في صالحك لما تسلم أمرك لله هيكون القدر في صالحك .. لأن ساعتها بس هتتكشفلك الحكمة، ولو متكشفتش في وقتها، فطول مانت راضي ربنا هيراضيك وهيعوضك، الرضا بالقدر راحة بال ودي من أعظم النعم.

esraaelsayed735’s Profile Photoموجود علشان أسمعك (':
🧡🧡

Next

Language: English