من فوايد المرض والتعب والإبتلاء إننا بنشوف الامور على حقيقتها بنقدر نعرف معادن الناس و احنا بعيد ومن الحاجات الجميلة بقي عندنا قدرة على التاقلم مع اي ظروف نتحط فيها عامة كُل الامور خير ✋🙂
يا أيتها الجميلة ماهذا القلق؟ أوّ ليس ربُك قد تكفل ماخَلق؟ أوُ ليسَ'بعدً العُسر يسرً مِثلما! بعدَ' اللَيالي دائمًا يأتِي الفَلَـق!أريد أن اخبركِ بأن لا تظلمي ملامحكِ الجميله بالعبوس ولا تحزني لأي سبب كان فكل مر سيمر وكل بقعه جافه بقلبك سيزهر الله مكانها زهراً ، ثم تأتي لحظة يجبُر الله فيها بخاطرك , لحظة تشفى فيها كسورك لحظة تنسيكِ ماعانيتِ لحظة يعوضك عمّا كان ، لأن عوض الله قادمٌ لا محالة فقط ثقِ بالله..
الزعل مالوش عِلاقة إذا كان مُخّي كبير وناضج ولا لأ، عادي جدًا أكون شخص عقلاني وواعي لأبعد الحدود بس زعلان وواخد على خاطري عشان الشخص اللي بحبّه تجاهلني، أو زعلني بأي شكل من الأشكال، ما ينفعش وقتها تقول لي إنتَ عقلك كبير ماتزعلش! لأ أنا هزعل .. وبعدين مال العقل بإنّي شخص حساس وبتأثّر بالمواقف اللي بتحصل؟ أنا في الأول وفي الأخر بني آدم مش تمثال.
لو ماما كانت جابتلي زيت البرهان وانا محبيتش ريحته وحقيقي بيجبلي صداع من كتر ما مش مستحمله ريحته وهي فرحانه انها جابتهولي ازاي استخدم زيت او كريم تاني من غير ما اجرح ماما او تحس انه مش عاجبني واتخلص من زيت البرهان دا ازاي واستخدم اي اصلا لعلاج التساقط الشديد
والاهم بالله شعور ماما بس
إنتَ بسيط ومُتواضع في نظر ناس ورخم ومغرور في نظر ناس تانية، جدع ومُضحّي في نظر ناس وأناني وما بتحبّش غير نفسك في نظر ناس تانية، وإنتَ أصلًا نفس الشخص! بس القِصّة كُلها في المحبّة، العين اللي بتحبّك هتشوفك أجمل حد ومَفيش منّك حتى لو كُلك عيوب، والعين اللي ما بتحبّكش عُمرها ما هتشوف فيك حاجة حلوة حتى لو عندك كُل الصِفات الجميلة اللي في الدُنيا.
إمشي لما تحس إنّك مهما عملت وضحيت برضو مش متشاف وطول الوقت بتتقارن بغيرك.إمشي لما تلاقي الشخص اللي معاك ناكر؛ ناكر للخير، ناكر للجميل، وناكر لكُل حاجة حلوة عملتها عشانه.إمشي لو اللي قُدّامك بيسيب الـ10 حاجات الحلوين اللي بتعملهم وبيحاسبك على الحاجة الوحشة الوحيدة اللي عملتها.إمشي لما تبقى مُساء الفهم طول الوقت وكلامك وأفعالك بيتفسروا عكس نيّتك وتبقى مُطالب تبرر عفويتك وتشرح إنّك شخص كويس ومش وحش زي ما هما فاكرين.الله الغني عن الناس دي وعن العِلاقات اللي من النوع دا.
نفسي بعد نهاية رحلتي في الدُنيا ألاقي اللي يفتكرني بالخير ويدعيلي بالرحمة، ولما سيرتي تيجي في مكان الناس تذكر المحاسن اللي عملتها ويترحموا عليا، ودي هتبقى أحسن حاجة مُمكن يعملوها عشاني .. ربنا يحسن خاتمتنا جميعًا ويحنن قلوب الناس علينا وما ينسوناش من دُعائهم بعد وفاتنا.