الفكرة بالراحة اللي بعد التعب .. طعمها أحلى وقيمتها غالية لأنو منعرف قديه تعبنا حتى وصلنالها .. منحس أنو نحنا جديرين فيها فعلا 👌 والطموح والأمل هنن الوقود والطاقة اللي بتخلينا نكمل أي طريق وهنن وقود الحياة بشكل عام
انا مابدي مقارنة برا وجوا
انا بدي تغيرت نظرتك للدراسة للاحسن او الاسوء
الدراسة ما بينندم عليها والعلم أحسن من الجهل وين ما كان .. العلم المتوافر أمامك تعلمو واستخدم عقلك على طول .. وإياك بيوم تقول ياريتني ما درست وندمت واللي ما درس عايش أحسن مني .. العلم مو بس شهادة مشان ما نظلم ويصير أي انسان ما معو شهادة جاهل .. لا أبداً .. العلم بحث وقراية واهتمامات بتنمي العقل والتفكير والبصيرة
جد انو لسا في قيمة لشخص دارس والمتعلم
او خلص الدراسة صارت ثانوية بالمجتمع
شو تغير بنظرتكون بعد دخولكون جامعة عن دراسة
تغيرت للاحسن او الاسوء
رأيكون
خارج البلاد العربية في قيمة لكل شي .. للعلم وللدراسة وللهوايات وللمواهب وللعمل الحر .. بالبلاد العربية القيمة بس للمصاري والواسطة .. وأرخص الأشياء قيمة في البلاد العربية هي الإنسان .. كمل جامعة ودروس وفكر انو أي شي بتعملو بحياتك هو طريقك خارج جدران البلد العربي..
لا أفهم كيف يستطيع الناس الكذب في العلاقات الغرامية والإدّعاء بالحب، أنا لا أستطيع أن أقولَ مرحباً لشخصٍ لا أستلطفه .!💙
الحب والعلاقة الغرامية هي مرحلة استكشاف الطرفين لبعضهم .. ممكن يصير نفور وعدم استلطاف وكراهية كمان وخوف وتغيير مسارات وخطط قسري أو اختياري .. بس الطرف المجروح عاطفياً بيشوف الموضوع من زاوية الكذب والخيانة وقلة الأصل وبيرفض يتقبل الواقع والحقيقة .
شو اكتر كتاب اثر فيك؟
واذا مو كتاب شو اكتر اقتباس او مقولة؟
واذا مابتقرا شو اكتر غنية او فلم؟
كتاب : رواية ساق البامبو ورواية عداء الطائرة الورقية ورواية يوتوبيا (أحمد خالد توفيق) الاقتباسات كتيرة بس أهمها اقتباس من نجيب محفوظ بيقول : غرباء ثم أصدقاء ثم أحاديث طويلة ثم أحبة ثم حديث قليل ثم عادوا غرباء ، لا تتعلقوا بالناس ، أحبوا بقدر واعتدال رحمة بكم وبهم .. مع العلم أنا لسا ما قريت الكتاب المأخوذ منه هاد الاقتباس .. فيلم Stepmom 1998 بطولة Julia Roberts .. Susan Sarandon .. Ed Harris ما رح قول أغاني رح قول اسماء فنانين .. محمد منير .. أدهم سليمان .. وغنية بحار (بلاك تيما-فرقة مصرية) وما بسمع أجنبي 😌
لماتغترب عن اهلك شهور، وتتمنى تحكي مع اخوك او ابوك ومابتقدر ..
لماتكتم الدمعه بضحكه قدام العالم ..
لما رفقاتك واللي حواليك يظلموك و يظلمو نيتك و يطلعوك شو ماعملت غلطان
لماتلاقي الانسان الي رح يفهمك تتمنى انك تحط راسك بهمومه ع كتفه طوال خمس سنين مابتقدر حتى تشكيله همك اوتكون اتصال معه..
شو بتعمل..
كمغترب سوري .. بقلك أنو اللي أنت فيه ناس كتير حاسدتك عليه وفي ناس كتير عم تقتل حالها لتسافر وتطلع من ربوع الوطن المعطاء اللي ما بيعرف شي عن العطاء .. شعور الغربة كتير صعب كتيييير بس بيضل أهون لما تحكي مع أبوك عالنت وهو بيعرف أنك بخير وعايش ببلد بتحترمك وبتحترم إنسانيتك بدال ما تدقلو شي يوم تقلو سحبوني احتياط ويبلش يعدلك السنين اللي رح ينسرقو من عمرك في حال ما انسرق عمرك بالجملة لا سمح الله .. بالنسبة للأشخاص اللي عم تتمنى تتواصل معهم وما عم تقدر بحب قلك أنو الأمتال اللي بتقول البعد جفا والبعيد عن العين بعيد عن القلب هي مجرد أمتال اخترعناها لنبرر للآخرين الجفا والطناش وهو حقيقة شيء لا يبرر .. عيش حياتك كمغترب دروس اشتغل ولا تعيش عالمساعدات .. حصل لغة البلد اللي أنت فيه وطور نفسك .. تواصل مع أهلك وحبابك بالوسائل الاجتماعية المتاحة وقول يارب ولا تتذكر حدا مو متذكرك ولا تبكي عحدا ما بيستاهل