أول خطوة في أي علاقة في الدنيا بتبدأ بالقبول سواء شكل او روح أو طباع و لو ده محصلش يبقي مفيش حب التقبل ده ضروري جداً و بلاش فكرة أنه ممكن يتغير عشان خاطري و كده لأنها فاشلة.. كل اللي ممكن يحصل لو الشخص اللي بحبه بادلني نفس مشاعري هيحاول يحسن من نفسه و يأخد باله من تصروفاته حفاظا علي مشاعري مش أكتر.. طالما حبيت حد بتحبه زي ماهو 💜
أكتر شعور مؤذي ممكن الإنسان يحسه و يعيشه لما يروح بكل مشاعره لشخص مش بيبادله حتي و لو جزء منها.. منتهي الوجع لما تحس أن اللي بيقرق بيبنك و بين شخصك المفضل مش بس مسافات و بعد و غياب لأ لامبالاة و صمت و رد سريع و مختصر .. تشتاق و تتعذب و هو مش مدرك صعوبة تجربتك معاه .. بتبقي عايز تشاركه كل حاجة الحلو و المر و الدموع و الكلام و الحكايات و المواقف اللي بتحصل معاك بس هو مش في العالم بتاعك أصلا فبتحس أنك هتبقي تقيل عليه و أن وجودك شيء سخيف عند أكتر شخص تتمني وجوده طول الوقت بدون ملل .. الحب من طرف واحد ده قتل مش شعور 💔
احنا منعرفش بعض بس بحب ردودك علي الاسئله اللي بتتبعتلك ودماغك انا بحب حد اووي بس هو ميعرفش اصلا واوقات بحس انه معجب بيا بس نفس الوقت متقدملي عريس كويس من كل حاجه اوافق عليه ولا استني علي امل ممكن الشخص اللي بحبه ده يتقدملي انا معنديش صحاب ف ممكن تساعديني؟
الجواز و الاستقرار شيء عظيم و نعمة كبيرة ربنا يكتبلك الخير بس هتبقي الخطوة دي حلوة و أحلي مع شخص بنحبه هتفرق كتير في كل التفاصيل .. لو الشخص اللي أنتي معجبة بيه ده بتربطك بيه حتي لو صداقة و عندك القدرة تعترفي بمشاعرك له و هو يستاهل استني و حاولي تلمحي حتي .. لكن لو مشاعرك مش قوية و العريس اللي جايلك كويس و يستاهل يبقي شريك حياتك اتوكلي علي الله و قبل كل ده صلاة استخارة كل يوم و ادعي كتير ربنا يعملك الخير بإذن الله 🙏🏻💜