@mfhp716

Yousef Syad

Ask me anything Follow
Ask @mfhp716

Sort by:

LatestTop

_❣️

moanesanassar’s Profile Photoمــ ؤ مــــ ـن
تقابليني ؟
و نقتل شوقنا بسلاح
يُسَمّى الحضن !
و اشوف نظراتي في عينيكي
و تخرج نظرة من عينك
و تمحي جميع اثار الحُزن..
و حُبي يزيد كمان حبة
و شوقي يزيد عليه أميال
انا جايلك و بترجاكي
تكوني بيتي و مدينتي
تكوني ارضي و سفينتي
و يكون بيننا حياة و عيال
هقول بحبك ف كل وقت و حين
هلازمِك انتي ما هلازم التدخين
انتي نَفَسي و نفسي و عينيا
بمسك ايدين الدنيا دي ف كفي
وقت اما تيجي ايديكي ف ايديا
بشوف عينيكي دي جناين ورد
تطرحلي جنة و فرحة مش سيعاني
يا اجمل بنت رجولها لمست ارض
ابوكي برضو ان غيبتي هيعاني
يابنتي الوحيدة، و سندي طول الوقت
مش جاي اقول ابقيلي فترة و بس
انا عايزك ف قلبي تبقي طول العُمر
و عشمان ف كرمك اتحضن دلوقت !
لعلك تبقي آخر قصة ف روايتي
و اخر كلمة هقولها ف حكايتي
و اول سمكة تسيب بحرها المليان
و تيجي لبرّي انا الفاضي
هكتب قصيدة بلا عنوان
هتكوني انتي مضمونها
و ايه الدنيا سوى إنتي ؟
و ايه الدنيا سوى عيونها !
يا اول حاجة حبيتها
وسط حاجات مُحال تتحب
انا محتاج اكونلِك أب !

View more

تقابليني و نقتل شوقنا بسلاح يسمى الحضن و اشوف نظراتي في عينيكي و تخرج
5
Liked by: Rima⚡ بـــــــيــــــــل safinaz FARAH Yousef Syad

**

aya370082’s Profile PhotoAya Elshabrawy
مين في الدُنيا هيملي مكانك
حتي إن غِبت سنين وسنين
هو الحُب دا حاجه بسيطه
لمّا بيجمع بين قلبين
اللي يحب!! يحب بجد
مهما يعيش في دموع وأنين
وأنا هستني وغصبن عني
هفضل أحبك حُب حزين
مين في الدُنيا هيملي مكانك
حتي إن غبت سنين وسنين 💔
فاكر لمّا زمان حبيتك
كانت بيني وبينك سين
كُنا بنكلم بعضينا
واللي معانا مش فاهمين
ارجع بقا يا حبيبي كفايه
تِعب القلب خلاص مسكين
علي فكره لو عارفه مكانك
كُنت هجيلك لو في الصين
نفسي أعاتبك ع اللي عملتهُ
وأسامحك بعد دقيقتين
كُل الناس حاولت تقنعني
إني إنساك طب يفضل مين
6
Liked by: Rima⚡ ahmad abooazeaz بـــــــيــــــــل FARAH مــ ؤ مــــ ـن Yousef Syad

مسآحٍهـ

AlaaMagdy0’s Profile Photoآلُإآء مـجٍﮃﮯ
بشوفك زى حوريه
وغرقانة في وسط البحر
كمانجه في عزف أغنيه
بتهرب للجمال والسحر
بشوفك من زمان يمكن
نصيبي معاكي مش ممكن
لكنك زي فرحه عيد
في أحلامي يجوز يمكن
بحبك وإنتي مش ليا
وعارف إنِ يوم هبعد
بصارع روحي ومشاعري
وخوفي عليكي بيأكد
بإنِ إذا كُنت حبيتك "
عِشقتك وسط ليل سهران
هداري دموعي جوايا
وترتاحى وأعيش حَيران
بحبك حُب كالأساطير
بدون أسباب ولا تفسير
بحبك مهما عدا الوقت
أنا أسف علي التأخير 😢
10
Liked by: Rima⚡ safinaz bad boy آلُإآء مـجٍﮃﮯ EsraaAli FARAH حـمـص.(وَاغْفِرْ لِأَبِي) Emy مــ ؤ مــــ ـن Yousef Syad

Related users

RimaRG’s Profile Photo Rima⚡
ahmad_abooazeaz6’s Profile Photo ahmad abooazeaz
safinazagmy’s Profile Photo safinaz
abeer92839’s Profile Photo بـــــــيــــــــل
fm4284482’s Profile Photo FARAH
mfhp716’s Profile Photo Yousef Syad
MostafaReda603’s Profile Photo bad boy
moanesanassar’s Profile Photo مــ ؤ مــــ ـن
AlaaMagdy0’s Profile Photo آلُإآء مـجٍﮃﮯ
AkAhlawea’s Profile Photo EsraaAli

^^

nadafouda602’s Profile PhotoDrunk text me
قهوة سادة في مج أبيض
بنت زي النسمه طايرة
مهما تقسي حاجات عليها
قادرة جداً علي المقاومه
ياما عشقوا جمالها ياما
والطريق مليان ديابه
بس هي وللأمانه
فاهمه يعني وفاهمه جدا
فيها طيبه وفيها قسوة
إسترونج بشكل واضح
قادرة تعمل أي حاجه
بس بردة عليها خايف
أصلها حلوة ورقيقه
بنت م الزمن الجميل
زي فيلم عظيم في سينما
ولا غنوة بصوت حليم
موجه طايحه بشكل سافر
في الصخور يمكن تلين
توصفك حبه مشاعر
تفهمك من كلمتين
لو حاولت تشوف جمالها
تجذبك نظرة عنين
شعر أسود لون عنيها
صوتها زي الناي أنين 🎼
بنت فعلا مش عاديه
رافضه كل المستحيل
وردة حمرا في الصبايا
بس ضمن المجروحين
التجارب ليها خبرة
والدموع مش مسموحين
بنت حبت يوم أبوها
بس سابها من سنين
هي مش محتاجه غنوة
هي عايزة الطيبين
مخلصه وضميرها صاحي
علمت قلبي الحنين
الطريق قدامها واضح
فاكرة أخر كلمتين✍️
🔙إفتحي البيبان لقلبك
🔙المشاعر مسجونين
🔙نفسها تنطق بحبك
🔙 يا إبن قلبي كنت فين♥

View more

8
Liked by: Rima⚡ Yousef Syad EsraaAli FARAH يقين || Rose q || Ali Ramadan safinaz

لُِهـذَآ آلُِصبَآحٍ 🕊️

AlaaMagdy0’s Profile Photoآلُإآء مـجٍﮃﮯ
ويرتاح قلبي ياربي وأنا وياك
ويرتاح قلبي لمّا أدعي بصدق معاك
بغيب وأرجع وتقبلني
ذنوب ياما وترحمني
انا بسأل تجاوبني
ولا بتقفل في وشي الباب
رحيم جداً... عظيم جداً
ومن لينا يارب سواك ❤️
برغم إنك بتعطينا
بفضلك للحياة جينا
هجرنا الصِدق ونسينا
رساله الخير
في تُوهه من الحياه عايشين
بِنتمرد ومش راضيين
في كُل صلاة نُرد أمين
لكن جوانا مش راضي♥♥
8
Liked by: Rima⚡ EsraaAli FARAH يقين آلُإآء مـجٍﮃﮯ ʟᴇǫᴀᴀ ǫᴀsᴇᴍ safinaz Yousef Syad

Space

ayamahmoud8501’s Profile Photoayooz
هي غير كُل البنات
بنت حلوه جميله جدا
تشبه الليل والسُكات
موجه زرقه في بحر هادي
لو تعاند مش تعادي
مهما بقسي كتير عليها
طيبه وتقولي عادي
حاجه زي المُعجزات
ذكريات من عمر فات
هي فعلا حاجه تانيه
وإسمها ست البنات
ياما زعلت مني ياما
بس كانت صابره تدعي
إن يوم أرجع لعقلي
فجأه سمعت صوت أذان
دعوه حلوه في فجر صافي
قلت ليها بلاش تخافي
يا حبيبتي تعالي نحلم
قبل ما يفوت الأوان
بنت م الزمن الجميل
حاجه تشبه صوت حليم
طفله لسه بريئه جدا
إستحاله ومستحيل
تلقي يوم حد في جمالها
عايشه راضيه كتير بحالها
واما تزعل مره فجأه
حاجه بتزود جمالها
بعشق الضعف اللي فيها
لما بزعل يوم عليها
تبقي بتداري في عنيها
خايفه تفضح حاجه فيها
الصراحه مفيش كلام
يوصف الإحساس تمام
إنتي سحر وصوت كمانجه
عزف عود لفريد زمان
في النهايه سلامي ليكي
لسه باقي كتير كلام
لسه في مليون قصيده
للمحبه والسلام♥♥
12
Liked by: Rima⚡ EsraaAli يقين Esmail Marym ʟᴇǫᴀᴀ ǫᴀsᴇᴍ Abdullah Gad آلُإآء مـجٍﮃﮯ Amany Abd Elfattah safinaz

••🦋

nouraonly47’s Profile Photonorhan nasr``
معرفش ليه أوقات كدا
بسرح وأفكر بالساعات
وبحس حاله من الألم
عاشت سنين وسط الأهات
وبخاف قوي إن إنجرح
وبخاف كمان م الذكريات
وأفرح ساعات
وأحزن ساعات
وسنين بطيب دمعتي
وقت السكات
وبعيش في يوم واحد
بمليون الحالات
معرفش ليه أوقات كدا
بسرح وأفكر بالساعات
معرفش ليه قلبي الضعيف
أوقات يعيش في شعور سخيف
ويحس لون الكون ربيع
وفجأه يرجع للخريف
قلبي الخفيف !!!
أحلامه جايزه وممكنه
مكنتش أبدا معجزه
كان يشقي علشان الرغيف
معرفش ليه أوقات كدا
بسرح وأفكر. بالساعات
معرفش ليه شكل القمر
بيكون جميل وقت السهر
وفي عز حاله من الفرح
يشعر بحاله من الخطر
ويحب أشياء مزعجه
لون قهوه ساده مأكسدة
وصحرا فاضيه ومؤلمه
و خاليه من كل البشر!!
معرفش ليه أوقات كدا !!!
بعشق أنا صوت الطيور
وأتمني أعيش علي مركبه
في وسط البحور
طول عمري عاشق للحياه
ولون السما
وأرتاح قوي إذا يوم
ذهبت إلي القبور
معرفش ليه أوقات كدا
بسرح وأفكر بالساعات
وبحب لون الورد الأبيض وأعشقه
علشان بيشبه روح حبيبتي الملهمه
وحاجات كتيره ملخبطه
متخبطه بمليون شعور .

View more

13
Liked by: Rima⚡ يقين safinaz Esmail Marym ʟᴇǫᴀᴀ ǫᴀsᴇᴍ Abdullah Gad آلُإآء مـجٍﮃﮯ Amany Abd Elfattah Elizabeth

♥

mfhp716’s Profile PhotoYousef Syad
من غير تفاصيل..
انا عمري ما كنت استاهل احس
ان انا انسان منبوذ وتقيل
انا كل جريمتي ان انا صدّقت
احساس جوايا انا بتمنّاه
ورغم الخوف اللي ماليني
صدقت الحلم وعيشت معاه
انا عمري ما كنت بهذا الشكل
ولا عمري جريت على شئ اصلا
ولا قلبي اتعلق و إتألّمت
و اديني وقعت و بتألم
و قلبي اتكسّر.. و إتعلمت ♥
11
Liked by: Esmail Marym ʟᴇǫᴀᴀ ǫᴀsᴇᴍ Abdullah Gad آلُإآء مـجٍﮃﮯ Amany Abd Elfattah safinaz يقين FaTmA♥️ EsraaAli

_❣️

moanesanassar’s Profile Photoمــ ؤ مــــ ـن
قلبي اللي خاف مِنك
بقي نفسه يوم يرضيكي
كان نفسي يوم بُعدك
إن أجي وأشرح ليكي
مليون سلام م القلب
من روح مشعلقه فيكي
جايز في يوم هقدر
وأوصل في يوم أراضيكي
مسافات ما بينا بلاد
احزان وصمت رهيب
صوت النايات قلقان
مراسيل بدون مكاتيب
يوم الرجوع قرب
لكن مصمم أغيب
أحوالنا حالها غريب
فينا العبر طباطيب
أحوال مهيش ع البال
والحال يقولي محال
إنسان مع الأيام
أصبح كما التمثال
فكرت ليه بعقلك
وطرحت ألف سؤال
كانت في يوم جنبك
واخترت ليه الترحال
متلومش غير نفسك
كُل اللي فيك دا خيال
لا في يوم هترجعلك
ولا جيت في يوم ع البال
16
Liked by: Esmail Marym ʟᴇǫᴀᴀ ǫᴀsᴇᴍ Abdullah Gad آلُإآء مـجٍﮃﮯ Amany Abd Elfattah يقين FaTmA♥️ مورو (+١٠٠) EsraaAli

🦋"

bisan187’s Profile Photoتُــقَــىٰ
كُنت زمان معرفش بيوت
ماشي بغني بعلو الصوت
وأكتب كُل كلامي بفرحه
جنب البحر وشجر التوت
كُنت بحب أشوف في السينما
راجل شهم معاه نابوت
لمٌا يدافع عن أصحابهُ
أو يفتح للحِب بيبانهُ
يعشق بنت جمالها بيسحر
لمٌا للحظه في عينهُ تفوت
كُنت بخاف جداً م الدُنيا
وأهرب منها بكام أغُنيه
كنت بعيش دايماً في الغيه
وأقعد وسط حمام في سُكوت
كُنت بحب الشاي من صُغري
وأشرب قهوة كمان مظبوط
عاش الشعر صديقي الأقرب
وأما أتغرب راح للموت
ياما في القلب كلام ومشاعر
بس إتخنقت جوه تابوت
أكل العيش والناس والغُربه
حفرت حفره كإنها تُربه
خلت قلبي يعيش مكبوت
بين الذكري اللي انا بحكيها
وبين اللحظه اللي بعيش فيها
في إحساس كدا مش مظبوط
12
Liked by: Esmail Marym ʟᴇǫᴀᴀ ǫᴀsᴇᴍ Abdullah Gad آلُإآء مـجٍﮃﮯ Amany Abd Elfattah يقين FaTmA♥️ EsraaAli Yousef Syad

َ

aya370082’s Profile PhotoAya Elshabrawy
هو الرجوله والحياء
إنسان معندوش كبرياء
بيعامل الناس من ضميره
معجون بحاله من الوفاء
عدت عليا حاجات كتير وناس كتير
ومشيت ساعات في طريق طويل
كان كُله ليل
صنفت ياما من البشر
اول وغيرهم كان اخير
ولكنه شخص مُختلف
وأنا قلبي لازم يعترف
إن اللي عارف ربنا
وكريم بدرجه تخضنا
قادر بإنه يلمنا
حواليه عشان قلبهُ الكبير
إنسان وحاله من الجمال
وخفيف مهوش زي التُقال
متربي بين ناس طيبين
أخلاقهُ حاجه من الخيال
حقيقي دا صاحب جدع
واضح معندوش إحتيال
واقف في ظهرك من سنين
تحزن يكون أول سؤال،❤️
تكون في غُربه يقربك
تغلط وهو يقدرك
تزهق فيجي يصبرك
طيب ومليان بالحنين
9
Liked by: Marym ʟᴇǫᴀᴀ ǫᴀsᴇᴍ Abdullah Gad آلُإآء مـجٍﮃﮯ Amany Abd Elfattah يقين FaTmA♥️ EsraaAli Yousef Syad

♡

nadafouda602’s Profile PhotoDrunk text me
جوه منك سر غامض
كُل مرة تقول هقولهُ
حلم متشعلق في روحك
من زمان نفسك تطولهُ
جوة منك ألف كلمه
وألف معني
وألف حاجه
جوة منك حد طيب
بس مش قد القواله
في حاجات بتموت وتصحي
فكرة جايز تبقي بُكرة
بس إعلانها إستحاله♥
9
Liked by: Marym ʟᴇǫᴀᴀ ǫᴀsᴇᴍ Abdullah Gad آلُإآء مـجٍﮃﮯ Amany Abd Elfattah يقين FaTmA♥️ EsraaAli Yousef Syad

🌚💙

تخيل لمٌا هتقابل في يوم إنسان
كلامهُ جميل ،
وشكلهُ جميل،
وطبعهُ جميل،
وعارف ربنا جداً ولهُ تأثير
دى أجمل نعمه تحصلك
تعاشر حد فيه الخير ❤️
تخيل لمٌا تتكلم معاه في حاجات
تفضفض وإنتَ مش خايف
من الحكايات!!
تخيل روح بتسند روح
طبيب بيداوي اي جروح
تخيل لما ليه هتبوح
في عز الحاجه والأزمات
تخيل حد بيشاركك وبيسامحك
ويوصل كُل شئ مقطوع
تخيل بابهُ مفتوحلك بدون إحراج ولا ممنوع
تخيل حد ترتاحلهُ فيبقي الحلم صوت مسموع
تخيل لمٌا هتقابل في يوم إنسان
كلامهُ جميل ،
وشكلهُ جميل،
وطبعهُ جميل،
وعارف ربنا جداً ولهُ تأثير
دى أجمل نعمه تحصلك
تعاشر حد فيه الخير ❤️
10
Liked by: Abdullah Gad آلُإآء مـجٍﮃﮯ Amany Abd Elfattah يقين هلہوسہاتــ مخہتہلــ FaTmA♥️ EsraaAli روضــــة. مــ ؤ مــــ ـن Yousef Syad

♡

nadafouda602’s Profile PhotoDrunk text me
حلوة لكن!!
طبعها دايما حزين
زي زهرة البنفسج ليها طله ولون وشكل
بس جوة الروح أنين 💔
تسمحيلي بلحظه يعني
نفسي اقولك كلمتين
إنتي حلوة برغم حُزنك
أحلي حاجه في السنين
ريحي روحي وقلبك
إنتي مين في الدنيا زيك
إنتي نظرة واحدة منك
رجعت تاني الحنين
حلوة لكن !!
طبعها دايما حزين
19
200
Liked by: Abdullah Gad آلُإآء مـجٍﮃﮯ Ahmedalwatani47154 Amany Abd Elfattah يقين هلہوسہاتــ مخہتہلــ FaTmA♥️ EsraaAli Abdelrahman Essa

Space 🖤

amirakhaled6759’s Profile PhotoMira
أنا اللى بالدم اشتريت
أرض فى وطن وبيت
لا فى يوم عشقت غيره
ولا للفراق حنيت !!
طلب الوطن ابنى
رغم الوجع لبّيت
طلب كمان روحى
لأجل الوطن ضحيت!!
سرقو الوطن منى
داسو على حلمى
رشو الشوارع دم
لما نزلت اشتكيت ^_^ !!
فلسطين
3
Liked by: يقين safinaz Yousef Syad

Space..✨

الحب مش كلمتين حلوين ينضحك بيهم عالقلوب .. ولا هو كلام شات و تليفونات ليل ونهار . ولا حتي هدايا و فلوس ..
الحب أكبر و أعمق من كدة بكتير ... الحب أمان و سند و اهتمام .. الحب مواقف ... لما بتعدي بيها بتخليك تتاكد يااما انك اختارت صح و اللي انت عايشه حب بجد ..
يااما يعرفك انك اختارت غلط وان اللي انت فيه و عايشه وهم و كدبة كبيرة انت مش واخد بالك منها ..
الحب انك تكون مطمن و حاسس بالامان .. انك تلاقي اللي يصدقك ومتكونش مضطر انك كل شوية تقدم ف اعذار و مبررات لكل تصرف وكل كلمة تقولها ... الحب احساس مافيش احلي و لا اجمل منه لما يكون مع الاشخاص الصح ..
انك تلاقي اللي يفهمك و يحس بيك من غير ما تتكلم ..
اللي يهون عليك و يتحملك في اسوء ظروفك من غير
مايمل ولا يتعب .. انك تتصرف بطبيعتك في كل شيء وف كل وقت .. تتكلم من غير ماتخاف انك تتفهم غلط ..
تضحك من قلبك .. تبكي وتعيش لحظات ضعفك من غير
ما تتكسف منه ولا تكون خايف انه يستغل ضعفك دا
الحب من وجهه نظرى عامل زي الزرعة ... محتاجه اللي يهتم بيها و يرويها ويراعيها عشان تكبر و تخضر وتضلل
علي صاحبها .. و لو أهملها هتدبل و تنشف و تموت ..
ربنا يرزقكم الحب الحقيقي الحلال
ويجعل من نصيبكم الناس الحلوة اللي قلوبها نضيفة
اللي بتعرف تحب بجد وتحافظ بجد ع العهد ...❤

View more

6
10
Liked by: ʚɞ ϻαࢪίάм Άşħࢪάғ Yousef Syad Abdallah روح safinaz

Space 🌙

amirakhaled6759’s Profile PhotoMira
ما بين الفرحه والأحلام
وبين الدمعه والأحزان
وبين قَلبك وبين قلبي
بلاد وجبال وناس وزمان
ودعوه حلوه بنقولها
وضِحكه نِفسنا نطولها
وتفاصيل في البِعاد بتبان
ما بين الخوف من الماضي
وبين حاضر تِعب إنسان
بشوفك في السما نجمه
حكايه حُب فيها سلام
بِنتعاهد ونِتواعد
وبِنقرب ونِتباعِد
ومين محتاج ومين ساعد
مبنفرقش في الأحزان
يا روحك يااااااااه يا تأثيرك❤️
فقير القلب من غيرك
أنا فاكرك وبدعيلك
تشوف الُدنيا بالألوان
حياه مقسومه بين إتنين
وحلم جميل ما بين قلبين
ودُنيا تشيل وبتطوح
ودمعه حزينه ساكنه العين
يا من قولتوا إننا مجانين
شباب تافه عيال طايشين
بنبني حياتنا بقلوبنا
وبنزيد حُب شوق وحنين
وهكتب إسمها في قلبي
ومُش هكدب ولا هخبي
كفايه إنها جنبي!!
أصيله وعايشه ليها سنين
ما بين إتنين وبين روحهم
وبين أحلام بتوصِلهُم
وبين اسرار في بير مقفول
ما يعرف حد إيه بينهم
طريق بالصبر راح يكمل
ولازم في الحياه نحلم
قِدرنا ولا مقدرناش
تعيشي الأحلي والأجمل ❤️

View more

5
Liked by: safinaz Ahmed Fadel Yousef Syad مــ ؤ مــــ ـن

♥️"

norhaan2019’s Profile Photoنـُـورهـٰان⁦⁦❤️
سلم أمورك كُلها لله وعيش
الحُزن مش مُمكن يدوم
ولكنه برده مَينتهيش
حياتنا بين ضحك ودموع
أوقات سفر أوقات رجوع
والفرح دا زي الشاويش
قَرب تنفذ الكلام
يِبعد تقول تعظيم سلام
مش كل شىء مظبوط تمام
في حاجات كدا مَبتتشريش
إياك في وقت الحزن تزعل
اوجاع كتيرة وبعد وقت من الزمن
تصبح مفيش!!
سلم أمورك كُلها لله وعيش ❤️
أرجع معايا بالساعات والذكريات
فكر شويه هتلقي حلم وأمنيات
إكسر بقلبك اي يوم في إحباطات
إياك تكون يائس في يوم
غرقان في بحر من الهموم
إذا يوم وقعت أو أتصدمت
كمل وقوم
خلي الحياه دايما أمل
عيش بين يجوز والمُحتمل
سجن المشاعر شئ فظيع
سلم أمورك كُلها لله وعيش
5
Liked by: safinaz Yousef Syad Abdallah مــ ؤ مــــ ـن

••🦋

nouraonly47’s Profile Photonorhan nasr``
نُص المحبه الونس والباقي كُله أمان
الحُب مش مُعضله أو حقل للألغام
الحُب يعني تحس روحك في روح إنسان
وصفوا المشاعر غلط وإتحولت أفلام
الحُب أمر بسيط وإسمعها م الفنان
صوت القلوب واضح زي النهار بيبان
13
Liked by: safinaz ~Esraa norhan nasr`` رَهَــف أبـو جَـمَـآل ..♡εïз Yousef Syad بـــــــيــــــــل يقين مـحمد إبـراهـيـم,, ⲞⲘⲚⲒⲀ مــ ؤ مــــ ـن

ـــــ🖤

hayah_rady’s Profile PhotoH A Y A H
من وقت للتانى!!
القلب بيعاني .. من بعض الذكريات
فتموت وتصحي حاجات
نفرح ونبكي ساعات
نستنى م الغايبين
مُكالمه أو جوابات
بين الُلقا والبُعد بتزيد كتير مسافات
بين الكلام والصمت أيام من الغيابات
بين الأمل والحلم عاش العسل في السم
بين البنين دايماً مدفون كتير حكايات
من وقت للتانى
القلب بيعاني... من بعض الذكريات
9
5
Liked by: يقين مــ ؤ مــــ ـن safinaz H A Y A H روح Yousef Syad حسام الدين فلسطيني. •°`♤

space... 🤍

إتوضي وصَلي إيه شاغلك يعني!!
متقولش بَفكر في حياتي
وخايف علي رزقي وأوقاتي
أو عندي مُحاضرة وهتفوتني
أتوبيس الجامعه يادوب يمشي
او عندي مُقابله وشُغل جديد
ربنا عالم وهيرحمني!
دا أذان ربنا أعلي وأكبر
ومشاغلك لو تكبر تِصغر
ازاي قلبك لسه بيقدر
ويقول للصلاه يوم إستني
والله حياتنا دي أكذوبه
كام سنه وتفوت مش محسوبه
وحكايه مهيش مُمتعه يعني
فبلاش تتصورها كبيرة
وبلاش تعشقها وصدقني
ياما ناس قبلينا كتير مشيوا 😥
والباقي في يوم هيودعنا
ربنا مش محتاج صلواتك
ع الجامع روح يالا أسبقني
الدُنيا مهيش ابداً دايمه
ولا دايم شئ غير وجه الله
حافظ علي أوقات صلواتك
وإعلنها خلاص دا صلاتي حياه
رددها كتير خليك فاكر
الجنه هناك في رحاب الله❤️
10
25
Liked by: يقين مــ ؤ مــــ ـن چـيـمـــــــي .. روح Yousef Syad ⌯ ﮼ٲنــۅۅ ، Aya Eldeeb

Space 💎

OR_66_’s Profile Photo✨Omaima || O.R ✨
هيَ مش فكرة حلاوة
ولا شاب روش وموز
بُكره يكبر يبقا شايب
وفي ثواني يكون عجوز
المُهم القلب طيب
يبقي شخص جميل حنين
لمّا يزعل مرة منك
يحكي عادي يكون مِبين
يقسم الأيام ما بينكم
حُب في رحمه ومودة
الحياة مش شاب يهبل
الجواز محتاج مُساندة
مش فقير فنقول دا كُخه
أو غني فنقولها واو
عادي جداً يبقا مُلفِت
واللي جوه القلب نار
ياما ناس في حياتنا غلطت
لما بَصت ع المظاهر
الوشوش اوقات بتخدع
للي ناسي واللي فاكر
مين مودع!!
مين مسافر!!
مين بيكدب إنهُ شاعر
كان رقيق وعنيه بتلمع
بس سابك في المواجع
قبل ما تهديلهُ قلبك
وتقوليها الحُب شاطر
إعرفي إذا كان يصلي
وإن جوه القلب طاهر
الحنين والرقيق
والجدع لو يوم تضيق
واللي يبقا اخوكي وإبنك
في الوجع يصبح صديق
الشهامه والمرؤه
والرجوله والحياء
واللي يبقا عظيم ولين
لو هتحكي في يوم معاه
اللي يحكي بصدق دايما
وإللي معطيكي إهتمام
واللي يجبر يوم بخاطرك
عنده أسلوب في الكلام
الجواز قِسمه ونصيب
سهم مُمكن يوم يصيب
الخطأ في الحُب وارد
عادي يعني مكنش عيب
بس فكر في الكلام
وأعطي بعض الإهتمام
في رساله في كُل جمله
مش قصيدة والسلام

View more

8
10
Liked by: GeDoO'S ツ يقين مــ ؤ مــــ ـن safinaz Yousef Syad ʟᴇǫᴀᴀ ǫᴀsᴇᴍ

✮࿐

soos369ss’s Profile Photo♪♥ نـقـاء (s) الـقـلـب ♥♪
كُل شخص وعندهُ حاجه
وكل حاجه في ١٠٠ طريق
الصديق يصبح عدوك
والعدو يكون صديق
ربنا كاتب حياتك
يوم ميلادك يوم وفاتك
يوم بتبقي الدُنيا حلوه
ويوم بتفرج ويوم تضيق
عاش مراكبي طول حياتهُ
يوم وفاتهُ مات غريق
ستر ربك نعمه غاليه
والحياه عايزه المُحايله
أي حاجه حقيقي زايله
كنت لسه يادوب راح اوصل
توهت أنا في اخر الطريق
6
Liked by: يقين مــ ؤ مــــ ـن ʟᴇǫᴀᴀ ǫᴀsᴇᴍ Yousef Syad

••🌙

nouraonly47’s Profile Photonorhan nasr``
خدي مني ضحكه
وسيبي أحزانك بعيد
أنا ليكي حارس والفرح حقك أكيد!!
وياكي قلبي هيبتدي
والحلم راجع من جديد
خدي من روحي وأكتبي!!
علي قلبي إسمك وأحلمي!!
هنكون في يوم جايز هناك!!
بنزور كمان سيدنا النبي!! (صلي الله عليه وسلم)
هدعي عشانك لما تبقي مئزمه
والدعوة ليكي دا فرض وحاجات مُلزمه
فتعودي حلوة كالقمر
ونقول دى دعوة ربنا
فاكره أما كنتي بتضحكي
أو حتي لما بتزعلي
أو لما كنتي بتطلبي
وبقولها ليكي أطمني
إنتي اللي زيك مش كتير
من حقك إنك تحلمي!!
فاكره المطر وقت السكات
وكلامي ليكي بالساعات
ودعائي ليكي في الصلاة
ووعودي عمري ما حبي مات!!
حلمك هناك!!
وسط الجناين والشجر 🎄
وتنامي علي ضي القمر
وتعودي لبلاد الأمل
محروسة من عين البشر!!
يا جميله يالي بتسحري
أزاي في يوم تستسلمي
الروح بتضعف في الهروب
تعالي ياله وأرجعي
من حقك إنك تضحكي
وأنا حقي أشوف لون العيون
وأكتب وأقول أجمل فنون
وإذا كان مفيش في الدنيا حب
أنا لسه عاشقك وبجنون

View more

11
Liked by: مــ ؤ مــــ ـن safinaz Rima⚡ Eso Ali Khalaf Nour Elhouda norhan nasr`` Yousef Syad Hebalfqyh

★

AbdallahAhmed894’s Profile PhotoAbdallah
ولمّا أنادي اقول أمي
الاقي حاجه بتقولي
خلاص حسيت !!
عشانها بكيت !!
عرفت إنك كتير ضليت !!
خلاص وحشك رنين صوتها
في قلب البيت
وهي بتدعي ياربي عشانهُ شقيت
يارب احميه عشان خاطري
تعبت عشانهُ ياما قسيت
ولمّا سفرت وأتغربت
في الغُربه هناك حسيت
بمعني القسوة والحرمان
دا يوم الغُربه خلاني
بيوحشني سطوح البيت
وأديني سفرت وأتغربت
وبحمد ربنا ع الحال
وشوفتيني فقولتيلي
ما تتجوز ببنت حلال
بقالي سنين وانا بحلم
أشوف منك يا إبني عيال
وأديني خلاص اهو أتجوزت
وناوي أنهي علي الترحال
هتيجي العُمره وتزوري كمان البيت
وحشني كل حكاويكي
وقولت يا إبني ليه خسيت
ما دام إنتي بتدعيلي
انا حاسس بإني رضيت
جمال الدنيا في عيونك
وأنا عاشق ومجنونك
عظيم الحب ويا الأم
وبدعي ربنا يصونك
يا دعوة من السما ليا
يا غاليه وأغلي ما ليا
إذا إنتي بخير بفرح
كلامي أقل م المفروض
وصعب اعتبرهُ كهديه
يارب يعوضك بالخير
واشوفك وإنتي عايشه بخير
رسالتك كامله وعظيمه
حافظها في قلبي وعنيه

View more

8
10
Liked by: safinaz Rima⚡ Eso Ali Khalaf ʟᴇǫᴀᴀ ǫᴀsᴇᴍ ءُته مخربشه مــ ؤ مــــ ـن Yousef Syad

🖤

mfhp716’s Profile PhotoYousef Syad
اختارى عريس يا بنتى
ميقدرش يعيش من غيرك
دا بجد هيحبك انتى
يخاف عليكى ويصونك
متجريش ورا الجمال
مش هو اللى هيسعدك
جوازنا مفهوش انفصال
تعملى ايه لو عذبك
فاختارى على المهل
وبكل هداوه فكرى
ولو اختارتى بالعقل
يبقى اكيد مش هتخسرى
اصل فيه شاب هوايته
يكلم اكتر من واحده
ومتاكد انه راحته
مع اتنين مش واحده
وفيه شاب ابن ناس
بس اى كلمه تزحزحوا
ودا زى القلم الرصاص
اى استيكه تمسحوا
دا يا بنتى مينفعش معانا
لانه ماشى ورا ودانوا
دا غيمه فى سمانا
فاسبيه يروح لحالوا
اوعى تركنى عقلك
وتختارى واحد مليانه جيوبوا
بكرا هايذلك ويقولك
انه اشتراكى بفلوسوا
اختارى واحد معقول
بس جماله من جوا
دا حقيقى ابن اصول
اتمسكى بيه بقوه
الجواز حياه هتعشيها
وعلشان كدا نصحتك
وقولتلك على اللى فيها
وانتى اختارى براحتك
11
Liked by: safinaz Rima⚡ كوكب اللاڤندر Eso Ali Khalaf Nour ءُته مخربشه مــ ؤ مــــ ـن يقين ʟᴇǫᴀᴀ ǫᴀsᴇᴍ

أكتُـب ما تَشَـاء.✒️🤎

هي الونس والضل والضحكه لمّا تِهل ❤️
هي الصديق والخِل ولا عمري منها بٓمل
سند الحياه والخير جذابه في التأثير
وقت ما أخبي حاجات تفتح بيبان السر
وانا مهما أقول في كلام وأوصف حنين وغرام
تعجز مشاعري تمام تُسكت قصائد الشعر
هي الونس والضل والضحكه لمّا تِهل
9
10
Liked by: safinaz Aia Galal آلُإآء مـجٍﮃﮯ مــ ؤ مــــ ـن يقين s MO_GEBRIL ʟᴇǫᴀᴀ ǫᴀsᴇᴍ Yousef Syad

••🦋

nouraonly47’s Profile Photonorhan nasr``
الملامح عجزت قبل الأوان
واللي فاضل منها دمعه من زمان
عِشنا بنداوي في جروحنا
تبكي تصرخ فينا روحنا
واهي عيشه والسلام
الملامح عجزت قبل الأوان
كُنت لسه طفل بلعب
وافضل أجري لحد ما أتعب
وأما كان الليل يغيم
كُنت أروح في سريري أنام
كُنت صوت مزيكا حلوه
كان في قلبي ألف غنوه
عِشت عُمري وكُنت راضي
فجأه ضاع مني السلام
كُنت صوره لشاب صالح
والطموح برجين حمام
كُنت أصلي الفجر حاضر
وأبكي لمّا أسمع أذان
ياما قالي الشيخ محمد
أحفظ القرأن كمان
سيبك إنتَ م الاغاني
عدي من فتن الزمان
نفسي يرجع تاني عُمري
نفسي أعيد بعض الحاجات
أبكي وأمحي الف لحظه
من سجل الذكريات
نفسي تاني تعود ملامحي
تشبه العُمر اللي فات 😥
حاجه ضايعه بقالها مُدة
مش هترجع غير بسجدة
يلا بينا العُمر عدااااا
الف واحد غيرنا مات
الملامح فيها قسوة
الملامح انتيكات!!
لسه روحك حلوة جداً
قادره تصنع مُعجزات
رجع الضحكه الجميله
يرجع القلب اللي مات
16
10
Liked by: شيما Nour victor Davila Rivera سَلسَبِيـلَاا☁️ norhan nasr`` مــ ؤ مــــ ـن يقين Ayosha ♡ s Rewan sabry

Next

Language: English

4.1

1,266,418 reviews
© Ask.fm 2023