انا نفسي حد يرد عليا ويواسيني فضلت ٩ سنين ونص بدعي دعوه وحصل العكس تماما كنت بدعي ف كل وقت مكانش بيعدي يوم غير وانا بدعي وبإلحاح ومتحققتش انا زعلانه اوي ومش عارفه اتخطي الفكره كنت متعشمه انها تتحقق 💔
عقلي مش مستوعب والله خالص ان مش هتحصل 💔💔💔💔💔
مخنوقه اوي وخاطري مكسور
مش كل الدعوات اللي بندعيها بتكون خير لينا والله ساعات ربنا بيصرف عننا الشر ب جهلنا بنكون فاكرينه هو دا الخير أنا عن نفسي ف دعوه دايما كنت بدعيها بإلحاح دايما دلوقت والله بحمد ربنا انها مستجبتش وشايفه أن ربنا عملي الاحسن وهو حطني ف المكان اللي استاهله متزعليش اكيد ربنا شايلك الاحسن
ربنا مش بيكسر خاطر حد اكيد مكانتش خير
حاسه بيكي لاني جربت نفس الاحساس و كان النتيجه اي غير اني تعبت جسديا و نفسيا
بس هقولك حاجه تحطيها ف بالك دايما ان رب الخير لا يأتي الا بالخير ❤️
بجد و الله العظيم ربنا دا كبير اوي و عارف الأنسب لينا و بيعمله و احنا كل اللي علينا نصبر و اكيد هيراضينا لانه الوحيد اللي عارف نيتنا كانت خير 🥺
كوني متأكدة ان اللي حصل هو الخير
يمكن ده الخير ليكي
اتعودي تدعي ربنا بالخير ليكي بس اوقات بيكون الوحش اللي شايفينه قدامنا دلوقتي ده الخير لينا بعدين واحنا نظرتنا محدوده جدا
ثقي دايما أن رب الخير لا يأتي إلا بالخير ♥️
سبحان مصحح خطأ الدعاء بأن لا يجيب..
ربنا اللي خلقك وأعلم منك بيكي..
لو الدعوة دي خير لكي أكيد كانت هتحصل..
يبقي اكيد الطريق دا كان اخره هلاكك وربنا نجاكى منه
طب اقولك ع حاجه انا حصل معايا حاجه زي كده بس اكتشفت بعدها ان الي انا كنت بدعي بيه كان عبارة عن عذاب دنيوي ليس إلا.. الموضوع مش هين وهو ابتلاء في حد ذاته لكن اعرفي ان ربنا بيخار الخير لعبيده.. و لله الحمد.. مع الوقت هتدركي ان كان في شر ف الموضوع أو في حاجه وحشه ممكن كانت تترتب ع الموضوع ده قدام.. و وبعد كده لما تدعي احسني الظن بالله اولا ومن إحسان الظن ان عدم تحقيق لرغبتك هي ف حد ذاتها رحمة منه فهو وحده العالم بالغيب
يمكن لو الدعوه اتحققت كان زمانك حزينه اكتر ربنا مخلقناش عشان يعاندنا ربنا عارف الخير لينا ودايما بيعمله احمدي ربنا انه اخترلك الخير ماخترلكيش اللي انتِ عوزاه مايمكن اللي انتِ عوزاه مش هيريحك
خليكي دايماً عارفه إن
"رب الخير لا يأتي الا بالخير﮼
هتزعلي ودا طبيعي بس لو وقفتي لحظه وفكرتي ازاي فضلتي الوقت دا كله تدعي ومستجابش هتلاقي أنه اكيد كان شر ليكي وربنا استجاب وبعدك عن الحاجه دي. واكيد هيعوضك بحاجه افضل منها ودا بناء ع تجربتي الحمد لله عوضني
