متقدملي واحد تفكيره حلو اوي وأخلاقه عالية وبيحبني من زمان ومهندس بس شكله علي قده و آسفة بس شكله مش مقبول بالنسبالي شوية وكذلك حالته المادية علي قدها بردو لانه لسه في بداية حياته مش عارفة افكر ازاي وتايهة اوي خايفة اوافق اندم وخايفة ارفض ملقيش حد بيحبني كده تاني
اذا جاءكم من ترضون دينه وخلقه ف زوجوه 😊😊
خليكي لغاية ما ياجي الغني الوسيم اللي يعيشك مبسوطة
بصي في شكل ممكن تشوفيه مقبول إلى حدما بس مش جميل آوى ولا واو ودا مع الوقت هتتعودى عليه وممكن بالعكس تشوفيه جميل لو حبيتيه
وفي شكل مش مقبول خالص ليكى ولا تقدري حتى تبصي شويه ليه ولو بصيتي هتحسي إنك مش قادرة تفضلي باصه أو متضايقه ودا تحسمى أمرك من أولها بالرفض
بالنسبه لمستواه النادى انتى بتقولي ف بداية حياته ،لو شايفه مش هتعرفي تتأقلمى مع مستواه المادى ماتكمليش
بما انك شايفه كل العيوب دي يبقي ارفضي احسن متبهدليش الراجل معاكي
والله مش عارفه اقولك ايه بس اقعدي معاه واتكلمي معاه شوفي طموحه وشوفي تفكيره مش كل حاجه الشكل شوفيه شخص تعرفي تعيشي معاه ولا لا شخص محترم وحنين ولا لا يعني كلنا فينا عيوب اكيد مش هتلاقي حد كامل بس اقعدي معاه وشوفيه وحاولي تعرفيه كويس وفي الاول والاخر هو لو نصيبك هتاخديه حتي لو ايه حصل ف فكري كويس وصلي وادعي ربنا يعملك الخير،🌹
كل شخص بيتقدم وهايتقدم ليكى عنده مميزات وعيوب الفكرة هنا هل هتقدرى تتعاملى مع العيوب دى وتتقبليها ولا لأ !؟ وكمان عيوبه طاغيه على مميزاته ولا العكس !؟
ع الاستخاره اجري
كل واحد بيدور علي اهتماماته.
من وجهة نظري الرجاله مبيتقيموش بالشكل ده اولا. اما بالنسبة للحاله الماديه دى ترجعلك انتى عايزه تعيشي في حالة مرفهه.
باقي مواصفاته كويسه جدا.
نقطة الشكل مش مقياس علفكرا فكرى فيها كويس ولو متقبلتيهاش عادى مش اجبار ولا حرام ... وربنا الى بيرزق فاخليكى مع ربنا ...
الحياة الماديه مفيش حد فى بداية حياتة بيبقى ملياردير كلو بيبقى عالبلاطه فدى حاجه عاديه
بدام شكله مش مقبول بالنسبه ليكي خلاص متوفقيش. بس متبقيش انانيه وتقبلي لمجرد انك ممكن متلاقيش حد يحبك هو مش ذنبه حاجه عشان يرتبط بواحدة مش قبلاه ومبتفكرش غير ف نفسها!!!!