في خطوه عايزه اعملها وعايزه رايكم أنا كان ف حد ف حياتي والحد ده توكسيك وبتاع بنات وعايزه اقفله مني وأحط حد وهو سافر بره مصر فمبقاش ف فرصه يشوفني أو يعرف حاجه عني فبفكر أعلن اني اتخطبت أو اتقرت فاتحتي وكدا هو يعرف فياخد جنب ويشوف حاله ايه رايكم وايه عواقب الحركه دي
يبنات إنتوا بتعذبوا نفسكم ليه كده بجد! حببتي ليه تقفليه منك و تخليه يكرهك و إنتي المتضررة أساسًا منه! و بعدها يقلب الترابيزة عليكي و تبقي إنتي الغلطانة و تتحملي بدل الأذى إتنين، بكل وضوح و صراحة.. أمشي! و قوليله إنك مش عايزة تتعاملي معاه لأنه بيأذيكي و من غير حوارات و لا كذب، أي حد يأذيكي إنسحبي فورًا من حياته متخافيش على مشاعر حد بيستنزف مشاعرك كل لحظة، أرجوكم قدروا قيمة نفسكم.. متخلوش الوصول ليكم سهل.. اقتنعوا إنكم تستاهلوا الأفضل.. إياكم تقبلوا بأي حد و خلاص! و بلاش لو سمحتوا بلاش تستنزفوا نفسكم في العلاقات المؤذية دي، محدش بيموت من غير الحب و الإرتباط.
