لا عادي ما بخوف ... بس انتي لازم ترجعي تاخذي الدواء ... احنا منحب انو نعمل نزيف منتظم عشان نحمي بطانة الرحم ... يعني حتى لو انك مو متزوجة او ما بدك تحملي لازم تاخذي الدواء ... سلامات ❤️❤️
لو بسألك سؤال نسائية بتردي ؟
اه طبعا
ما هو سر العلاقات التي تصمد لفترة طويلة؟!
الدعم نفسي من الطرفين و يكونوا الاتنين عارفسن عيوب بعض و عاملين استراتجبات للتعامل معها يعني اذا كانت الوحدة مرتبطة برجل محترم وكريم كتير و بتحبو بس عنده عيب انو عصبي هي لازم تتحمل عصيبته و تعرف تتعامل معها ....و مثال آخر لو الواحد مرتبط بوحدة منيحة كتير و بتحبو بس عندها عيب انها حساسة زيادة هو لازم يتحملها و زي هيك بتمشي الحياة .... بالنهاية ما في اي شخص ما عنده عيوب وما في علاقة ما بدها تقدملها من عندك جهد و صبر عشان تستمر ... كتبت كتير لاني فاتحة من اللابتوب بحس باخد راحتي لو بدك مساعدة انا جاهزة
3 اشياء بتخليك تبعد عن الشخص يلي معك ؟
١التجاهل حتى لو مرة وحدة ٢ يكون ما الي قيمة عنده ٣ وجودي و غيابي واحد ** بس هلأ ما معي حدا اصلا يعني هاد لو كان معي حدا ??
أحيانا بتقدم كتير حب و اهتمام و أشياء حلوة عندك للصديق او حبيب او حتى اي حدا بالدنيا و بتكتشف بعد فترة انو هاد الشخص ما قدّر اي اشي حلو انت قدمتو ... فبتدخل انت في حالة اكتئاب و حزن لأنو حاولت تطلع كل اشي حلو عندك لشخص هو مو شايفك اصلا ... هون لازم أبدا ما تحط هاي الفكرة في بالك ، لازم تنظر الموضوع من نظرة تانية انو أنت قدمت الحب و الخير لانك قادر و جواتك حب و خير و لازم تكون فخور و مبسوط لأنو الي جواتك هو اشي نقي ... و تكون مستعد كمان انك ترجع تقدم نفس الحب و الخير لأي شخص بجي بعدين او حتى نفس الشخص ... القدرة على الحب و الاهتمام هي مدعاة للفخر و ليس للندم ..
نعم عندي ، اعرف في السكن بنات عراقيات و سوريات و احسن صحبة في الدنيا ❤️❤️ وباي ذا واي ولا عمري دققت او حتى سألت عن جنسية الي قبالي ?
هل يمكن للمرأة ان تغير طبع الرجل ؟
ممكن هو ازا عنجد بحبها يغيير اشي و يكون هو مبسوط يعني مو غصب عنه ، تغيير عن حب ... وممكن كمان العكس الرجل الي يغير ... بحس الحب بقدر يغير كتير ??
عادي توثق بشخص تعرفت عليه من النت ؟.
لا طبعا
سألت نفسك سؤالاً ولم تعرف إجابته ؟
آه كتير ?
كم نسبة العناد فيك؟
أنا مو عنيدة بالمرة ??
دكتورة ممكن مساعدة ؟ اختي حامل بالشهر الرابع و عندها انخفاض ضغط ١٠٨/٥٠ و بتدوخ كثير و بتستفرغ كثير ايش العلاج الها وهادا اول حمل الها
أهلا ، نزول الضغط خلال الحمل امر طبيعي و لكن ليس الى هذا الحد على افتراض ان القراءات صحيحة ، الاستفراغ أيضا من التغيرات الطبيعة خلال الحمل و لكن يجب مراجعة طبيب مختص للتأكد من سلامتها لأنو يصعب التشخيص من دون اخد هيستوري و اجراء فحص سريري ...والف سلامة عليها يا رب ❤️