إنت ما إلك شبيه ، لا بضحكتك ولا بعفويتك ولطافتك ، إنت النسخه الوحيده يلي ما بتتكرر من بين مليارات البشر والتحفه النادره صعبه الوصول ، ومهما اقنعوك إنك شخص عادي ابهرهم بتجاهلك ، كون قوي بعيونهم أحسن ما شفقتهم تكسرك ❤️
صاحبي بسألني وبحكيلي .. هو انا ليش ما عمري كُنت الخيار الأول عند الناس وبعض مرات ما بكون خيار أصلاً مع انه الكل بحبني وأنا مش سيء . .رديت بحكيله .. إحنا من النوع اللي انكتب عليهم لما الناس تُقعد معهم بتنبهر فيهم وبتنعجب بشخصيتهم وبشكلهم وبشوفوهم إنهم مناسبين وما فيهم ولا غلطة بس عمرهم ما بيختارونا، بضلهم يختاروا ناس غيرنا زي ما تحكي بكونوا مستخسرينا في نفسهم، غالبًا هذا اللي بصير معنا، ولا احنّا ع سلامتنا فش مثلنا .
ما كنت بعرف انه تخرجت من الجامعه بعرف انه كتير عانيت ل وصلت لهون وتعبت وتحملت كتير وهالشي بعنيلك
الف مبروك والله وان شاء الله عقبال الدكتوراه ي رب انت حد بتجنن خليك متل ما انت راحت علي وهبلنا انه خسرت حد متلك للصراحه ف حياتي معرفتك مكسب والله مع ذلك الله يوفقك وين ما تروح وبكل خطوه
بالتوفيق
اللهم إجعل لأهل فلسطين النصرة و العزة و الغلبة و القوة و الهيبة في قلوب أعدائهم ، اللهم اشفي جراحهم و أطلق أسر أسراهم ، اللهم أنصر مجاهديهم في سبيلك في برك و بحرك و جوك يا رب العالمين ، اللهم أستودعناك فلسطين شعبها و سمائها و أرضها و بحرها 🇵🇸 ~
عُمرها ما كانت قيمة الشخص بِلبسه أو مظهرُه ومصاريه القيمة الحقيقية للإنسان هي بمستوى تفكيره وبمُعاملته مع الناس وبكمية اللطافة الي يقدر يقدمها للي حواليه .. شو لازمة كُل ماديات الدنيا إذا ما كنت بتعرف تحكي كلمة حلوة إذا كان اسلوبك سيّء ومحدش بطيق يشوفك اصلا ! القُبول مرهون بروحك العفوية وبأنسانيّتك وعطفك أمّا الماده عمرها ما بتُجبر حدّ يتحملك لو ثانية 🤍
"اذا فكرت تدخل في علاقة مع احد سواء حُب او صداقة اختار شخص ناضج فِكرياً، فاهم إن المشاكل والجدال شيء طبيعي مو معناه نهاية اللي بينكم، يظل معاك، مايطلعك غلطان، مايطلع سِرَك، ويفهم انها فترة قلق وكل شي يرجع طبيعي. ابعد عن قليلين النُضج علشان صحتك النفسية."
غايتي الوحيدة إني أترك أثر عظيم بأي علاقة بدخلها وبطلع منها، عارِف إنه بالآخر مش هضل موجود، سواء أنا الي رحت أو الطّرف الثاني، لازم أي قعدة ينذكِر فيها إسمي، تنجاب سيرتي بالخير، بحاول دايما ما أخلّي حد يشيل بقلبه علي ولا بعرَف حتى كيف اكسَب اعداء. مستعد اجبُر مية خاطِر ولا اكسِر خاطر واحد، عشان بالنّهاية ما انامش وخطيّة بني آدم بتلاحقني.🖤
مش دايمًا القصّة قصة بدايات، في ناس نظيفة عنجد ونفسيتهم الحِلوة ما بتتغير مع مرور الوقت، ممكن لو غُبت عنه شهور وسنين ترجع تلاقيه مثل ما هو، بلطافته وبروحه العفويّة وأسلوبه المرتّب، هاي النّاس ما بتعرف كيف تكون خبيثة ولا عندها القُدرة إنها تتسبب بأذى نفسي للأشخاص الي حوليها. ولمّا يدخلوا على حياتَك بكونوا خفاف وإذا طلعوا مِنها ما بتتذكرهم إلا بالخير. 🖤✨
أنا شخص غير اجتماعي، لكن لو حطيتني بأي لمّة هتلاقيني أكثر واحد بفتح مواضيع وبحكي وبضحك، وأنا بطبيعتي بارد ولا مُبالي، لكن لو حسيت إنه في انسان بستاهل اهتمامي، بكون أقرب إله من اهله، بعرف منيح كيف اترك انطباع كويّس وبعرف كيف اكون الشخص الصح بالوقت الصح، لكن للأسف مش كلشي بستاهل مجهودي.
_ الشغلة يلي بتحكيها للناس قبل "ماتعملها ، " بتخرب " لدرجة أنه بتحس في حدا متوضّي بضمير ومصلي بقمة الخشوع وقاعد بدعي بلهفة عليك، يارب ما تحققله يلي بباله! مشان هيك استعينوا على قضاء حوائجكم بالكتمان فإن كل ذي نعمة محسود.🖤"
يومًا ما هتمِل من كونك إنسان لطيف، هتتعب من محاولة ارضاء الكُل وهتوصل لمرحلة تحسب فيها ألف حساب قبل ما تبادر بمشاعرك، ولو وصلت هون ما تلومش حالك ولا تزعل لإنك ما صرت الشّخص يلي الكُل بحبّه، احنا بفترة الشاطر فيها الي يعرف يكسب راحة باله وطمأنينة قلبه، اترك لطافتك لنفسك هي اولى فيها. 🖤
بدعي ربنا بهالشّهر إنه يصفّيلي روحي ويجعلني شخص جديد ويغسل جميع أخطائي، يمكن طول هالفترة ما كنت واعي وكان الطرّيق قدامي مش واضح، قصّرت بحق ربّي وعملت ذنوب كثيرة بس صحيت عحالي وبحمد الله إنه بلغت رمضان لأقدر أعدل من نفسي واصلح علاقتي مع ربّي.فعليًا أنا داخل هالشّهر بقلب تائب وروح مؤمنة، اللهم اقبل ندمي وتوبتي واهدني إليك.