جدا ، في هرمون اسمه السيروتونين دا تقريبا شبه هرمون الدوبامين * هرمون السعادة * بيدخل ف أدوية الاكتئاب والصداع وحاجات تانية مش فاكراها كنت عملت ريسيرش قبل كدا عنه عشان افهم ازاي اعليه عندي طبيعي وكانت أكتر الحاجات اللي بتخلي الجسم يفرزه هي الرياضة ، لما بنمارس الرياضة ويبدأ الجسم يستجم ويرتاح من الإجهاد النفسي والعضلي بيحصل توازن في مستوى هرمونات الجسم وبيزيد افراز هرمون السيروتونين ف بيخلينا نحس براحة وهدوء ، ابقى سيرش ع الهرمون دا أكتر واعرف ازاى تخلي جسمك يفرزه طبيعي وعلى كل التأثيرات الإيجابية دي على الجسم ف اه بتظبط المود اكيد .
كنت بتكلم أنا وصاحبتي من يومين في المحاضرة ف كانت بتتريق عليا عشان عاملة الأسايمنت ف الكشكول اللي بشخبط فيه وبنقله ف البيت بخط منظم أكتر عشان بحب كل حاجة تكون منظمة وفي هايلايترز وستيكرز وكنت بعلق على خط صاحبتي اللي مش فاهمة منه حاجة وبقلها تكتب كتير عشان خطها يتحسن والسينسي سمعتنا وقالت انه أصلا كل اليابانيين خطهم وحش ومش مفهوم عشان مش بيتكلوا على ورق تقريبا وكله ع الكيبورد ، وأنا بقالي سنتين بكتب بس عشان يبقى الخط منظم وحاسة انه حياتي كانت عبارة عن كدبة