يا جماعه انا نفسيتي تعبانه كتير ومخنوقه بس ما ببين لحدا محتاجه حدا يكون معي تعبت والله احكولي شو اعمل تعبت💔💔💔
اقرأيها مليح طيب عصّبت كثير ، صرّخت ، سبيت على الناس وعلى حالك ، حكيت عن حالك فاشل وتافه ، قررت تصير لحالك ، قررت تبطل تتقرب من حدا ، قررت تكره حالك ! ماشي ، وبعدين ! يعني برأيك هيك في حدا راح يهتم ؟ برأيك إذا توحدت وانفردت مع حالك راح ترتاح ! برأيك إذا كرهت الناس راح تستقر بحياتك ! طيب إنت بتفكر إذا ما حكيت مع حدا راح يرتاح بالك وشايف إنه حياتك راح تمشي عادي إذا مكانش فيها ناس ! لا صدقني ، إنت بتعالج الغلط يلي صار بغلط أكبر منه . خلينا نحكي بواقعية أكثر ، بعد فترة الناس يلي حاولوا يزرعوا حياة جديدة فيك ومقدروش راح يزهقوا منك وراح يتركوك لحالك ، عشان كل واحد عنده الهم يلي مكفيه . راح تكابر وتعمل حالك مش مهتم وإنه عادي محدش مهم بحياتك هالحكي راح تحكيه قدام الناس بس . بس تصير لحالك راح تلعن وتكسر وتشيل وتحط وتعصب بعدين راح تحس حالك طفل صغير وما حدا فاهم عليك شو بدك وبهالوقت راح تبكي وتحس دموعك قاعدة بتعصر بروحك عصر . من الآخر راح تنخنق وهيك بتقدر تحكي إنك قتلت حالك بحالك . صدقني شعور سيء بس تعيش وتحمل هم كبير وما تلاقي حدا يسمعك ، عشانك بتكابر على حالك ومفكر حالك قوي ، القوة عمرها ما كانت هيك ، ولو كانت هاي قوة الله يبعدها عني وعن الناس يلي بحبهم . #بفرجها_ربك :-)