بوست واحد على جروب طلاب الجامعة كفيل ينكد لحظيًا؟ ايوه كفيل.. لما تكون تعليق أحد الطلاب: (الحرية أول بعدين بتيجي تعاليم الدين) طب لو يسمع سيدنا عمر بن الخطاب استخدامك لعبارة"متى استعبدتم الناس وقد ولدتهم أمهاتهم أحرارًا؟" هون بهالموضوع لتذلل تعليقك بأولوية الحرية الشخصية على الدين شو رح يعمل؟ لما تعلّق طالبة: (المفروض تعاملك مع الشخص ما يفرف سواءً كان شب أو بنت.ليش الدراما الأوفر؟ عادي أنا بصاحب شباب ومحترمين وما صار أي مشكلة.) يعني بتستني المشكلة مثلًا؟ بأسلوب هجومي بجاهروا بأخطائهم! الله يرحمنا..الله يلطف فينا. بس لما نفكر أنهم هدول آباء المستقبل..إذًا كيف رح يكونوا الأبناء؟ مع أنه كان في تعليقات إيجابية لا بأس فيها،لكن وجود مثل تلك التعليقات بسبب غصة لحظية! *ما أخذت التعليقات حرفيًا وإنما فكرتها. بالنهاية احنا مقصرين..مقصرين.
قطعًا لا يمكنني الحصول على كل شيء. "ومَن عرف اغترف".
??
أنا شخص لما انعجق/ أنلخم ما بعرف أعبّر،أو بعبّر بطريقة غير متوقعة،أو بس بضل أضحك،أو بس بضل صافنة. نفسي كل اللي بعرفوني يعرفوا هالشي اللي أنا أساسًا مش عارفيته.? خلص بدأت أخبص بالكلام :)
-
بالطبع،أنا لا أكتب لأجل أن تنبهر،أنا أكتب لأجل أن أنبهر. نعم سأقرأ بعد فترة من الزمن،وسأنبهر! أو هذا ما أظنه على الأقل.
طالما اعتبرت أن انتشار التكنولوجيا على النحو الشخصي-كما الحال-شيء يؤول بنا إلى أمور لا تُحمد عقباها. *انتشار التكنولوجيا وليس وجودها. كثيرًا ما أفكر لو كنا في الباص،والجميع لا يمتلك هاتفًا ما كنا لنفعل؟لو كان تواصلنا أكثر واقعية سيكون الحال أفضل،صح؟ سيطرة الهواتف وعدم تقبلنا بواقعية هذه السيطرة شيء يعطيني شعورًا سيئًا لا أدري ما هو. *هذا لا يعني الإستغناء عنها أكيد.
أهلًا نور. دائمًا ما أتخيل نفسي ألتقط الصور وألتقط الفيديوهات-بعينيّ- وأنا أمشي:بالشارع أو بالمنزل.في ازدحام البشر،في فسحة المكان. لا أدري،لكن تخيلوا أنه يمكن نقل كل ما تراه العين لعين أخرى؟
هو بالأساس..لازم تكون الدراسة ماخذة جرء كبير من حياة البني آدم؟ لازم يربط دراسته بباقي أمور حياته؟ -احكيلي عنك؟ -اسمي صفاء وبدرس فيزياء. طب زمان كان الوضع هيك؟ تعظيم الدراسة والمدرسة والجامعة والعلامات طغى على أمور أهم. -ايوا شو دارس العريس؟ -انجليزي. -ييي معلّم؟ انسي انسي. بذكر مرة واحد تقدم لأختي وسألوا عن معدلها التوجيهي! حرفيًا عم بضحك عالفكرة وأنا بكتب. -تخصصك كم بجيب مصاري مستقبلًا؟ أكيد نختار التخصص الأكثر إدرارًا للنقود!أحيانًا بكون نفسي بتخصص بجمع أكثر من تخصص.فهمتوا علي؟ ما أعتقد حد فاهم فكرتي فعليًا،سيبكم من هالكلام وادرسوا?وبالتوفيق.
بمَ تشعر تجاه الأشياء عندما تكون أمامك؟ وكيف يكون الشعور وعندما تكون خلفك؟
أشعر بالخوف حين تكون الأشياء أمامي،أو لا أشعر بشيء. وأشعر بالراحة وأتنفس الصعداء حين تصبح خلفي،أو أشعر بالندم لخسارتها. *الأشياء تتضمن الكثير،والكثير لا يمكن حَصره،والشعور لا يمكن وصفه.