انا اعرف ناس بيعملوا ذنوب فظيعه انا طبعا بذنب بس الحمدلله مش بعمل زيهم اللى مضايقنى ان ربنا كارمهم اخر كرم وانا حياتى مليئه بالابتلاءات تفتكروا ربنا بيحبهم اكتر منى 💔
انا حاسة بيكي وساعات التفكير الزائد والحزن بيخليكي تفكرى كده بس اللى بيعمل ذنوب ده انت متعرفيش ممكن يكون بيتوب وبيحاول يستغفر ويقرب من ربنا بطرق كتير علشان ربنا يغفرله متحكميش على حد لان محدش فينا ملاك أو معصوم من الغلط ادعى ربنا ميختبركيش فى مبادئك وكونك فى ابتلاء ده نعمه من ربنا لكن مش معناه أن ربنا مش بيحبك الابتلاء بيخليكي تعيدي حساباتك مع نفسك وتقربي من ربنا اكتر مش علشان تقارنى نفسك بغيرك اعرفى ان كل حاجه بتحصلك فى حكمه وخير منها حتى لو مش شايفاها ومش شرط كل واحد بيعمل ذنب ودنيته ماشية معاه دى حاجه كويسة ده بيكون اكبر ابتلاء مش كرم من ربنا ادعى ربنا كتير وربنا يفك كربك ويزيل همك ❤️
