ازاى ترد على حد بيقول على الصيدلى بياع و بيقلل من مهنتوا
متردش اصلا
ما هو الدعاء الذي تردده عندما تضيق بك الحياة؟
رب إني لما أنزلت إلي من خير فقير
اكثركم عليا صلاة اقربكم مني منزلة يوم القيامة ❤️صلوا عليه
اللهم صل وسلم على نبينا محمد وعلى آله وصحبه أجمعين 🌿
هو لو أنا ووحده صحبتي ساكنين في نفس السكن هي كانت مقضياها طول السنه من غير مزاكر وعايزه تيجي في الاخر تاخد مجهودي
لو جات سألتني علي حاجه إزاي اقولها مش عارفه مع العلم ان كنت ناويه اساعدها بس عرفت بعدين أنها اتكلمت عليا من ورايا
محدش بياخد رزق وتعب ومجهود حد اطمني... والله في عون العبد ما دام العبد في عون اخيه.. حطي ده في دماغك وجددي نيتك تجاه زميلتك.. بالنسبه انك زعلانه منها عندك حاجتين لا تعاتبيها بالللي اتقال وتسمعي منها لاما تعفو وتصفحي لله
انا 22 سنة ومش قادة اصلي وحتي لو بدأت هعمل ايه في الي فاتني من صلوات
ابدأي المهم تبدأي.. دايما اول ما تسمعي الاذان قومي اتوضي وصلي ع طول عشان متكسليش.. اللي فاتك من صلاه لو تقدري جنب كل فرض تصلي من اللي فاتك اعملي ده وربنا يغفرلك ويتقبل منك باذن الله ♥️
لو الواحد بيعمل ذنب معين وكل ما يبعد عنه يرجعله يعمل اى
يتوب تاني وتالت وعاشر لحد ما هيتحرر َمنه في يوم باذن الله وده معني نعم العبد انه اواب
الوِرد 💙🦋
الصلاة على النبي ﷺ ١٠٠ مرة، وإن زدت فهو خيرٌ لك.
ما يمنعك أن تُصلي على النبي ﷺ مِئة مرة فيصلي عليك الله ألفًا؟ 💙
اللهم صل وسلم على نبينا محمد وعلى آله وصحبه أجمعين 🌿
أولي خطوات السلام النفسي هي ؟!
الرضا
اعمل ايه ف الطريق يسليني غير اني اسمع اغاني عشان مش عاوزه
اقرأي كتب.. شوفي فيديوهات قصيره مفيده لدكتور عمر عبد الكافي مثلا او شوفي فيديوهات تعلم لغه
هو عيب في البنت انها تبقي لابسه نضاره؟🤦🏻♀️
لا مش عيب طالما هي حابه نفسها بيها.. لكن لو بتتكلمي ع نظره الناس فطبيعي انه تلاقي اللي حابب ده واللي مش حابب
بثق فى رأيك جدا .. هل الحياه ممكن تقف على حد حبيته ومشى ؟
الحياه لن تقف بتاتا علي اي شئ عامله زي المفرمه كدا هتقف شويه تتفرم مش هتاخد جايزه الدوله التشجعيه ولا هيطبطب عليك نهائي وهتكون بتضيع عمرك ووقتك وغيره الواحد يتوكل على الله في كل امور حياته ويعلم انه ربنا رايد له الخير يقيناا ❤️
اللهُم أحسن عاقبتنا في الأمور كلّها، وأجرنا من خزي الدُنيا وعذاب الآخرة، اللهُم أحينا مُسلمين، وتوفنا مُسلمين، وألحقنا بالصالحين.
امين يارب العالمين 🙏
اللهم يا عفو اعف عني🤲
اللهم انك عفو كريم تحب العفو عنا يارب العالمين ♥️
صورة حلوة .. 📷💙
ممكن حد يرد عليا و يفيدني و يقولي ايه اللي انا بمر بيه ده .. لو انا كل ما بنام و اصحي ببقا عايز انام تاني اكني منمتش خالص و لما بقوم بلاقي جسمي كله سايب و مكسر و ديما عندي خمول و لما بتعامل مع اي حد بحس اني عايز افضل ساكت و متكلمش مع حد خالص و ابقا ف حالي .. ده ممكن يبقي اي ؟؟
ممكن يكون اكتئاب طبعا
إذا حكمت العالم فماذا سيتغير ؟؟
احكم العالم! 😂😂لأ انا بمشي يومي بالعافية والله
هو مش انا كده صح ؟ لما فضلت 23 سنة محافظة على نفسى ودينى وبتعلم علوم شرعية وختمت القرآن واخدت عهد على نفسى ما ادخلش في علاقة مش شرعية بفضل ربنا وكان كل تركيزي على نفسى وتعليمى ووصلت لكلية طبية رغم صعوبة ظروف أهلى ! ولبسى الواسع دايما رغم ان ربنا رزقنى الجمال والقبول ؟ انا كده فعلا معقدة 💔
انتي جميله والله العظيم ربنا يحفظك ويبارك فيكي يا حبيبه قلبي
Pizza or kfc?
🍕
النقاب بيمنع الجواز ؟
لأ
عندي ٢٦ سنة و غالبا كل صحابي البنات اتجوزو أو اتخطبوا، أنا اتخطبت قبل كدة مرتين و ماحصلش نصيب، ليا صاحبة النهاردة كلمتني وبتعزمني ع خطوبتها، غصب عني كنت حزينة أوي ع نفسي، مش حقد عليها خالص والله العظيم بس غصب عني سألت نفسي وإنتي هتفرحي إمتى يا حزينة 💔 انا مش معترضة ع قضاء ربنا و دي أرزاق بس تعبت💔
حبيبتي ربنا يبعد عنك كل شر حاسه وفاهمه كلامك طبعا.. بس والله يمكن باب من ابواب الرزق انك تحبه الخير لصاحبتك دي يمكن لما تفرحي لفرحتها يجيلك اضعافها مش زيها وبعدين نصيبك موجود وليه توقيته والله متقلقيش ابدا ٢٦ صغننه محدش يحسسك إنك مسنه 😁💕
هو أنا لو مكنتش بدخل في علاقات غير رسمية عشان أرضي ربنا و عمري بقى ٢٦ سنة و محدش بيتقدم 😔 ، فيه أمل حد يحبني و يتجوزني و يبقى مبسوط انه اختارني ؟!