ميدو عرف إني هقابله وكدا جابلي دي وقاللي عارف إنك بتحبيها واستني عديتك مني بقى زي كُل سنة وأكيد هتزيد ما أنتِ كبرتي ودي ألطف حاجة حصلت النهاردة حقيقي 🥰❤️❤️❤️❤️❤️❤️❤️
في لحظة هدوء وأنا بشغل أغاني وقاعدة رايقة فجأة لقيت دماغي شدتني لمشهد جميل وذكرى لطيفة مع حد مبقاش موجود أو بقى موجود شكليًا بس وفكرتني بكُل حاجة ودعيتني للعياط، عياط هستيري بقالي كتير بحوشه جوايا ومش عاوزه أخرجو وأضعف، ورجعت أسأل نفسي أنا ليه بقيت كدا؟، ليه ممكن شخصية تكون مفهمانا إننا أهم حاجة وفجأة نكتشف إننا ولا حاجة واننا بنهون عادي؟، ليه أنا اللي أتإذي بالشكل دا وأبقى لوحدي بالطريقة دي؟، كُل اللي أقدر أقوله إني مبقتش أندم على خسارتي لحد، آه بشتاق وبتعب بس ببقى خرجت من حاجة جايز لو فضلت فيها أكتر تسحب من روحي أكتر وأكتر وأنا فعليًا كُل تعب العالم في قلبي🖤
وصلت لمرحلة سلام نفسي رهيبة، مش هعاتب ولو اتكلمت فأنا هتكلم وهبق زي الفل وحلوة جدًا بس مكانتك فقلبي مبقتش زي الأول، مبقتش عاوزة أعاتب ولا أحكي ولا أعمل أي حاجة، بقت حياتي عبارة عن نوم وتقضية يومي عشان أستنى يومي التاني ونا بتمنى إن يحصل حاجة تفرحني، والحمدلله بقيت أفرحني جدًا وأجيبلي حاجات حلوة وأخرج وأحب نفسي ومبقتش مستنية دا من حد وبقت حاجة سُكر كُوني لوحدي🥰🤍