مفيش حاجة بتسعدني غير الsuccess بحب اي حد ناجح وبيحقق جولز نفسي ابقي شخص ناجح بقى منشن مهم اخدت ليسانس آداب انجلش مش عشان ابقى ميس ومدرسة لا انا مبحبش التعقيد فيها ايه لو كنت من مشاهير التيك توك والله مكانش هيحصل حاجة.
هو ليه لازم نحس بالذنب لُمجرد اننا مش عارفين نحب الناس ال بتحبنا او ليه هما اللي بيحسسونا بالذنب ؟ يعني المفروض نحب حد مبنحبهوش ازاي طب ما احنا مبنحبهوش ؟ مش ضروري يعني اللي نحبه يطلع بيحبنا يجماعه و مش ضروري عشان متحبناش من حد مُعين يبقي خلاص احنا وحشين و الشخص دا مؤذي ما عادي يعني كل واحد بيدور على راحته.
ماتزعلش علىٰ إللي فات، ولا تزعل علىٰ أيِّ حاجة راحت منَّك وكنت متعشِّم فيها، إللي ليك نصيب فيه هتحصَّله وهيحصَّلك وهيقابلك حتَّىٰ لو إنت هربت منُّه، وإللي مالكش نصيب فيه مش هتُّطُوله حتَّىٰ لو لفِّيت الدنيا وراه، ماتعرفش يمكن ربِّنا خد منَّك نجمة علشان يدِّيك بدالها القمر، إللي عليك بس إنَّك تصدَّق بكل ما فيك إن كل إللي هيجيبه ربِّنا ليك وهيكتبلك فيه نصيب هيكون خير؛ لإنه ربِّ الخير ولا يأتي إلَّا بالخير، وتصدَّق كمان إن صبرك كل ما طال كل ما زاد العوض جمال، وكل ما تلاقي نفسك تعبت قول يا رب أنا أهو راضي ومستنِّي وعشمان وظنِّي فيك عمره ما خاب ولا هيخيب؛ واتفرَّج علىٰ قلبك والسعادة إللي هيشوفها والرزق إللي هينزل عليك والفرح إللي هيحتل قلبك بسبب يقينك ده، قلقان من بكره ليه، هو ربِّنا قصَّر معاك إمبارح.؟!!!