@CAD_Las

كلية التصاميم والفنون (لاس)

Ask me anything Follow
Ask @CAD_Las

Sort by:

LatestTop

Previous

كيف الغه الانجليزيه معكم في السنه التأسيسيه ؟ لازم تكون كويسه والا عادي ؟

مواد التصاميم والفنون في السنة التأسيسية كلها عربي -أو أغلبها-. فما تحتاجينها كثير، بس أساسا راح تدرسينها أربع ساعات في كل يوم فالأفضل تكون كويسة.
دعاء 🌸

بسأل عن المكافأه تنزل من اول شهر والالا ؟ وكم تكون مكافأة تصاميم وفنون ؟ وهل صحيح اللي سمعته انه كلها تروح بالمصاريف وطلبات المواد والا لا ؟؟؟؟

أحيانا تتأخر عن المستجدات شهرين أو ثلاث وتنزل كلها دفعة وحدة.
أول الترم بيعطونكم الطلبات مرة وحدة فتقريبا يكون من 700 إلى 900 على حسب من وين تشترين والكمية، نصيحة خذي أقل كمية. والباقي مو مرة من 50 إلى 200 كل شهر على حسب مشاريعكم وقتها. وطلعي بطاقات خصم جرير لأنك راح تحتاجيهم كثير فتفرق معك.
دعاء 🌸

Related users

jan99jan99jan99jan
hazdesi
Ahd F. Abdallah
Razan
noraxo2012’s Profile Photo noraxo2012
reham
rawan_bafail’s Profile Photo raw
Sultanah saleh
Lubna
Renad
montaha1356’s Profile Photo Montaha

يوه زين وحدة قالت لي ليترلي شنطة سفر🙄🤔

شكلها من النوع اللي تاخذ كل شي معها، هو لما تشترين كل الأغراض بتعرفين الي يناسبك.
دعاء 🌸

هاي بيبول ، الحين اعرف انو لازم نأخذ شنطة سفر عشان الاغراض كثيرة وكذا بس كم تكون تقريبًا ابعاد الشنطة اللي اخذها

مافي حجم محدد، على حسب أغراضك.
بس ما راح توصل لشنطة سفر 😂
إنتي بعدين تحددين بنفسك إذا تكفيك شنطة وعربية أو شنطة وكيس أو شنطة كبيرة.
ولا إذا إنتي من النوع اللي ياخذ معه كل شي ولا بس تاخذين أغراض تحتاجيها لليوم. فصعب إني أحدد لك طريقة غير إني أحدد مقاس. بس الأغلب ياخذون العربية والبوكس من جرير وهي مقاس واحد.
دعاء 🌸

الجرافيك يعتمد على الرسم او البرامج الفوتوشب؟؟

عليهم كلهم، الرسم مهم صح ما راح ترسمين لوحات ومو مطلوب تكونين محترفة. بس مهارة الرسم لازم تكون جيدة عندك بحيث لما تخططين وتشرحين أفكارك تكون واضحة ومرتبة.
دعاء 🌸

انقبلت بتخصص غير الي ابيه كيف اقدر احول ؟

إذا قصدك داخل الكلية فلازم تدرسين ترم من تخصصك وتجيبين عالي مرة وتطلبين تحويل، بعض البنات يقولون ممكن يشوفون أشغالك في التخصص اللي تبغيه.
إذا برا الكلية لازم تدرسين ترم وتحاولين تجيبن عالي، وبعدها تختبرين الاختبار الخاص بالمحولات.
طبعا لازم أأكد إنه النظام ممكن يتغير فلازم تتأكدين بنفسك كيف.
دعاء 🌸

انا انقبلت واكدت قبولي لكن مستغربه ليش ماطلبوا منا صور الوثيقه ؟

صار الكتروني خلاص.
دعاء 🌸

تابع نصائح للسنة التأسيسية:

CAD_Las’s Profile Photoكلية التصاميم والفنون (لاس)
*استغلي وقت الفراغ، ولما نقول وقت فراغ مو معناته أربع خمس ساعات راح تكونين فاضية "لأن الشي هذا ما راح يكون موجود 😂".
أتكلم مثلا لما تنتظرين السواق أو الباص، أحيانا تداومين بدري أو تطلعين متأخر أو الاستاذة تتأخر، هذي الربع أو الثلث ساعة حرام تضعيها وإنتي عندك أشغال كثيرة. "وصراحة أكثر شي ساعدني هو إني أداوم بالباص فأوقات الخروج تكون موحدة، حتى لو طلعتنا بدري راح أنتظر وأكمل شغلي".
*بشكل عام تحتاجين تدربين عالرسم والتصميم لازم يدك تصير خفيفة وهالشي ما راح تكتسبينه إلا بالرسم الكثييييير من الحين حاولي تدربين نفسك على تصاميم بسيطة، تطلعين أفكار مميزة، ابحثي وشوفي مشاريع غيرك. حملي بيهانس "مرة ملهم لما تشوفين شغل غيرك ويحمسك عالشغل".
افتحي الفوتوشوب والاليستريتور "طبعا بتحتاجيهم الترم الثاني كثييييير، الأول مو مرة كان الأغلب الشغل يدوي".
*حاولي تعودين نفسك إنك تشوفين التفاصيل في كل مكان، النبات الحيوان السماء الجدران البوابات حتى السيارات والمباني كل شي ممكن يكون ملهم لك، وهذي نصيحة للفن بشكل عام مو بس دراسة.
*نصيحة نوعا ما خارج السنة التأسيسية: حاولي تتعمقين في فهم الفن والتصميم، اقري كتب عن الفن، راح تحبينه أكثر وتقدرين نفسك لما تقرين عن الفنون والحضارات.
*من الحين ما راح أقنعك إنه الحياة وردية بكليتنا، أكيد في ضغوط نفسية وكرف وتعب وأحيانا تنسين الأكل ونومك يقل وأيام راح تلومين نفسك ليش دخلتي هذي الكلية وراح تتسائلين عن أهمية المستبقل والحياة والوجود 😂😂
بس صدقيني كلها فترة وتعدي، صعب أقولك راح تكونين مرتاحة 100% لأن حتى لو كنتي مرتبة مرة إلا تنضغطين. بس التعب هذا كله راح يروح لما تشوفين نتيجته.
---------
*المواد: الترم الأول ثلاث مواد عملية:
نظريات اللون "من اسمها تتكلم عن الألوان وعلاقتها ببعضها"
الرسم "تتعلمين التظليل بالرصاص والفحم رسم الأشكال الهندسية، الطبيعة الصامتة، الإنسان والمنظور.
التكوين "بتدرسين فيها أسس وعناصر التصميم"
من الحين ابحثي عنهم خلي عندك خلفية حتى ما تحسين إنك ضايعة.
النظري: تاريخ الفن - الثقافة الإسلامية - التحرير الكتابي.
بالنسبة للترم الثاني راح تدرسين مقرر عن كل تخصص "أساسياته ومجالاته" وتاريخ الفن 2.
دعاء 🌸

View more

4
3
Liked by: Ahd F. Abdallah raw Lubna Anoud 雨

ممكن تتكلمون عن تجربتكم في السنه التأسيسيه، ايش اصعب شئ واجهتيه ؟ وايش المواد المكثفه وكذا عشان ناخذ احتياطنا 💓💓

هذي تجارب البنات القديمة:
https://ask.fm/CAD_Las/answer/131514557096?utm_source=copy_link&utm_medium=android
https://ask.fm/CAD_Las/answer/132994270120?utm_source=copy_link&utm_medium=android
بالنسبة لتجربتي الخاصة:
*أهم شي لازم تسوين إنك تبعدين عن كلام البنات السلبي، أوقات كنت أحس إنه يمديني أخلص شغلي بس لما أسمع كلامهم يصير أستثقل الشغل وأحس مافي فايدة لأنه كثير مرة ولازم أرتاح إلى لما أبدا وأندمج بالشغل أستخف بنفسي لأني خليتهم يأثرون علي. فعلا لا تقولين أنا قوية وما راح أتأثر بكلامك مجرد تسمعين كلامهم راح يخليك مهمومة. وبالذات هالفترة لو تسألين أي وحدة ما انقبلت في التخصص اللي تبغاه راح تحسسك إنه هالكلية جحيم -شطحت شوي لكن هذا اللي قاعد يصير وألاحظه في البنات-.
*الشغل وقت الكلاس، راح تحسين كلامي بديهي لكن لما تجربين بتلقين النظام ساعة -أو بالكثير ساعتين- محاضرة والباقي وقت عملي، فأغلب البنات يشوفون العملي = راحة وسوالف، لين تتراكم عليها الأشغال ولا تلوم نفسها. أنا كنت منعزلة تماما عنهم فأخلص شغلي بوقته وأحيانا يزعجون الباقين بسوالفهم فكنت مضطرة ألبس سماعات "مع إنه ممنوع أظن" -هم أكيد يشتغلون بس مع السوالف تركيزهم يصير أقل وياخذون وقت طويل-.
النتيجة إنه بعد شهر بتلقينك خلصتي شغل كل محاضرة بوقتها أو تقريبا أغلبه، طبعا أكيد يحتاج تعديل يحتاج إضافات بس فرق بين اللي لسا باقي لها نص الشغل.
*احترمي خبرة الاستاذة، خاصة لو كانت تنتقد كثير، حتى لو كان ذوقها مو عاجبك في الأخير الدرجات بيدها وما راح توزعها على مزاجها -زي ما يقولون البنات-، هي راح تعطي اللي تشوفها مهتمة وحريصة وتاخذ بكلامها. مو البنت اللي تسفه كلامها وتسوي الشغل على ذوقها. بتقولين وحريتي وابداعي؟ بكل بساطة إنتي طالبة ومهارة إنك تتعاملين مع النقد تحتاجيها مهما كان مجالك، لا تسمعين اللي يقول الفنان يكون حر، خطأ. الفنان وراه جمهور ولا كيف بيلقى التقدير؟ المصمم يحتاج عميل كيف راح يتقبله العميل لما المصمم يسفه ويسوي الشغل اللي يشوفه؟ بالأخير الشغل له.
نفس المهارة هذي لازم تكتسبيها، وشخصيا أشوفها أهم حاجة تعلمتها في الكلية، أهم من كل النظريات والتطبيقات. لازم تتعلمين كيف تمشين مع آراء وأذواق غيرك حتى لو كرهتيها. بالنهاية فنك مو لك لوحدك، العناد ما راح ينفعك.
^ يتبع < باقي كثير 😂
دعاء 🌸

View more

6
Liked by: Ahd F. Abdallah Razan raw Lubna ameera ✖ Anoud 雨

طيب بسألكم بخصوص التحويل من تخصص لتخصصكم تصاميم وفنون كيف يتم؟ وهل فيه تخصصات معينه تقبلونها للتحويل لكم ولا كل التخصصات والاساس بالدرجه الي يتم تحديدها اذا تعديتها وقدمت ممكن انقبل؟

هو لازم تدرسين ترم وتجيبين درجة عالية -مو متأكدة إذا يحددونها ولا لا-. وبعدها تختبرين لما يعلنون عن الاختبار للي يبغون يحولون.
ونفس الكلام أعيده تأكدوا من حساباتهم لأن أحيانا النظام يتغير فما عندما علم أكيد.
دعاء 🌸

اللي اختبرت موهبه ومانقبلت بالكليه لازم تدرس ترم وبعدين تحول تصاميم وترجع تختبر موهبه

إذا قصدك عشان تحولين أيوة لازم تدرسين ترم وتختبرين مرة ثانية، أعرف بنت سوت كذا وحولت، بس كلامي مافي فايدة منه، يمكن النظام تغير، فالأفضل إنك تتأكدين من العمادة نفسها.
حساب عمادة القبول والتسجيل على تويتر:
@Admission_pnu
حساب كلية التصاميم والفنون:
@CADatPNU
الله يكتب لك اللي فيه الخير.
دعاء🌸

تعرفون وش الاسئلة اللتي تطرح بمقابلة التحويل من تخصص لاخر "بكلية التصاميم" ؟مو مهم اي تخصص بس ابغى اعرف نوعيه الاسئلة للي جربوا يحولون

مو متأكدة والله، أتوقع بالمعدل وأعمالك ما أعرف إذا فيه مقابلة ولا لا.
بس بنزل سؤالك بحيث اللي جربوا يعلمون.
دعاء 🌸

لوسمحتي ابي اسأل طلعت نتائج القبول بعد القبول بعد المقابلة الشخصية ولالا لان انا طلع لي لم يتم ترشيحك في التخصصات التي تتطلب مقابلة شخصيه على أني رشحت لكلية التصاميم وفنون ورحت المقابلة

أعتذر ما فهمتك مرة، يعني قصدك إنه تم ترشيحك قبل واختبرتي بس الحين لقيتي في الموقع لم يتم ترشيحك؟ أظن المفروض النتائج النهائية تكون مع باقي التخصصات، عموما هذا الجدول الزمني وما أعرف إذا اللي صار لك لخبطة ولا لا. شوفي مع النتائج النهائية.
دعاء 🌸
لوسمحتي ابي اسأل طلعت نتائج القبول بعد القبول بعد المقابلة الشخصية ولالا لان انا

السلام عليكم انا قدمت على تصاميم وفنون اول رغبه لكن ماطلع اسمي بالترشيح للمقابلات هل فيه امكانيه لفرصه ثانيه لو قدمت يدوي؟ ولا انتظر القبول لباقي التخصصات واقدر احول بعدين؟

وعليكم السلام للاسف ماعندي خلفيه عن هذا الموضوع لكن تواصلي معا حساب الجامعه او عمادة القبول والتسجيل في التويتر واهم راح يفيدونگ ان شاءالله اكثر والله يكتب لگ اللي فيه الخير
___
وفاء

انا اختبرت اليوم وجابو ثلاث صور مختلفة ( ساعة منبه - كوب - تفاحه ) وطلبوا منا ندمجهم بطريقة ابداعية مع مراعاة الظل والنور والابداع ومع امكانية اضافة اي طبيعة سواء حية او صامتة

.
2
Liked by: Lubna F

انا مكتوب بالموقع عندي الاختبار الاحد يعني محدد لي اجي بس الاحد ولاعادي اجي باقي الايام؟؟

لا لازم اللي محدد.
دعاء 🌸

السلام عليكم ، انا عندي مقابلة بكرة ان شاء الله و ابي استفسر اذا ماعندك مانع ، هل بيسألوني اسئلة معينة ولا بس ارسم ؟ 💋وشكراً

وعليكم السلام، لا مافي أسئلة بس رسم.
دعاء 🌸

اختبار موهبه يوم الاحد بس?

لا أكثر من يوم، هم يوزعون الطالبات بالأيام حتى ما يصير لخبطة.

انا تخصصت فنون بصرية ، ودي اسأل اول ترم فالتخصص وش تكون مواده ؟ وهل بيكون ضغط مثل السنه التأسيسية ، وفيه مواد نظريه ؟

تغيرت الخطط مرة وما أعلنوا عنها للحين.
بس قالوا في بداية السنة بيصير فيه لقاء يوضحون فيه النظام الجديد للبنات.
دعاء 🌸

اذا جبت كراسه غير كانسون في اختبار الموهبه هل راح يرفضون ؟؟

قصدك نوعية الورق؟ ما أظن تفرق بس هم حددوا الأفضل لك واللي تعطيك نتيجة كويسة، أهم شي التزمي بالمقاس.
ونصيحة لا تستخسرون أي شي لأنكم بتحتاجونها في السنة التأسيسية إذا انقبلتوا بإذن الله.
دعاء 🌸
1
Liked by: Lubna

كم اقل موزونه رشحت للفنون والتصاميم؟

لحد الآن ما أعلنوا بشكل رسمي.
دعاء 🌸

اهلين طالبين مني علبة اقلام رصاص بدرجات مختلفه من اجل التضليل والرسم اذا ممكن احد يفيدني 😭 الدرجات الي شفتها متقاربه H,H2,H3

عادي مو لازم تستخدمينهم كلهم، ممكن تستخدمين درجتين بس وتعطيك نتيجة ممتازة على حسب ضغطك للقلم. بس تعودي إنك تشوفين الفرق مو عشان الاختبار بس، عموما الفكرة هي الB الأغمق وكل ما زاد رقمها صار غامق أكثر. والH أفتح وكل ما زاد رقمها صار أفتح.
فأظن إنه ضغطك عالقلم قوي فما وضح الفرق.
دعاء 🌸

Next

Language: English

4.1

1,266,418 reviews
© Ask.fm 2024