لو تكرمتي مادة جماليات المسكن من قسم التصميم الداخلي اوﻻ؟
وممكن لوتكرمتي تعطيني خطة هذا القسم وايش المواد الحرة فيه ؟
عشان تعرفين كل شي عن هالقسم روحي لموقع الجامعة - البرامج الأكاديمية - كلية التصاميم والفنون - الأقسام الأكاديمية - التصميم الدخلي - الخطة الدراسية .. وهناك بتلقين كل شي يفيدك 👍🏼.. مشاعل🌀
حابه اسالكك نداوم اول اسبوع في السنة التاسيسيه ، انا ما اقدر اداوم بسبب المواصلات وخايفه اجي مايصير فيه شي وخايفه ما اجي يحسبون علي الساعات وتصير فيه اشياء مهمه 💔💔💔
زي ماقلتي احتمال يكون فيه واحتمال لا .. مستحيل اقول لك لاتداومين لان انا نفسي ما ادري ومحد يدري غير التيتشر الي بتدرسكسارة✨
انا سنه تأسيسيه ترم اول
متى راح نستخدم برنامج الفوتوشوب ؟ هذا الترم وﻻ الترم الثاني ؟
غالبا راح يستخدم ﻷي ماده ؟
ﻷني لسى ما لعد نزلته على لابتوبي بس حابه اعرف متى عشان انزله
شكرا 🌹
راح تستخدمينه ان شاء الله في نهاية هالترم في مادة رسم ١ بس عشان يعطونك فكرة اولية عنه والترم الثاني بإذن الله راح يكون كل شغلك عليه في مادة رسم ٢ وبتحتاجينه للتصوير الفوتغرافي بعد .. مشاعل🌀
لو سمحتي انتوا يوم كنتوا تأسيسي اخذتوا محاظرات اول اسبوع؟ ولا بس اول كم دقيقه؟ و حبيت اسال الحين عندي كلاس لمن ١:٢٠ بتخليني التيشر لمن ١:٢٠ ولا تطلعني وحده؟ لان الاحضيري يطلعونا قبل عادي
اول اسبوع كانوا يعطونا نبذة عن طبيعة الماده ووش راح نسوي فيها وممكن يبدون بمقدمة وتعطينا الطلبات والاغراض المطلوبة مننا .. وبالنسبة اذا بتطلعك قبل او لا هذا شي راجع للتيتشر مانقدر نجاوبك عليه .. مشاعل🌀
مافيه طريقه معينه .. انتي اشتغلي وجمعي اعمالك في صفحه وانشريها للي حولك أولاً وبعدين توسعي وانشريها تويتر وانستقرام و و و 😁سارة✨
لو سمحتي هل تعرفون بنات تخرجو من كلية التصاميم والفنون وتوظفو ولا لا ؟؟
بنات التصاميم الي اشوفه حولي اننا واحنا ندرس قاعدين نشتغل لعملاء برا .. فالوظيفه تقدرين تجيبينها وانتي في بيتك المجال مفتوح بس لازم نتعلم كيف نسوق لشغلنا والزباين موجودين 😉✨سارة
قبل رحت لمرشدتي تقول انا ماني مرشدتك، كيف اعرف مين مرشدتي، ودخلت المعلومات الطالب ، نفس المرشده، كيف اعرف مين هي ؟
كلمي الشؤون عندهم جدول باسامي البنات سارة✨
تحطمت يوم عرفت انهم ماقبلوا غير 27 طالبه بالتصميم الداخلي 😭 وهذا وانا تحضيري ومادخلت لنورة إلا ع شان ها القسم ، والله احس حماسي خف يوم عرفت الخبر وانا كنت متحمسه له بحثت ودورت وعرفت الفرص الوظيفيه له وعلمت الكل اني بدخل تصميم داخلي ان شاء الله ، حسافه اقسم بالله
تتحطمين ليش .. الي انصدموا هم الي توهم تخصصوا الحين .. انتي لسه حتى مادرستي السنه التاسيسية .. الترم الي قبله قبلوا ٦٠ على فكره ..اذا قبلوا الحين هذا العدد القليل لظرف اكيييييد هم اخبر فيه هذا لايعني انه خلاص الطريق قدامك تسكر .. المفروظ تشدين حيلك اكثر لما عرفتي ان هالترم ٢٧ وتحاولين تصيرين منهم .. يجيني كثير كلام سلبي في موضوع احنا مالنا يد فيه .. اي كلام يجيني بخصوص هالموضوع اعتذر بس مابنزله لانه فضفضه لاغير مانقدر نغير الواقع .. هالترم تقرر ان هذا العدد فقط هم الي تخصصوا هذا لايعني ان المشكله بتستمر للترم الثاني .. لازم تعرفون ان موكل شي نبيه بيصير حتى لو تعبنا عليه لاسباب لربما انها خيره .. وعلى فكره فيه ناس داخلين جرافيك وبيجيبون معدل عشان يحولون للداخلي .. وفيه ناس من الازياء والتشكيلي بيجيبون معدل عشان يحولون للجرافيك كل واحد موعاجبه الي هو فيه .. اعرف ان الي صار يقهر بس خلاص صار الموضوع لازم نوقف ونركز على الجاي ونضمن ان الترم الجاي بيكون لنا مكان .. يكفي سلبيه انتم لكم القرار يا تشوفون قدام او تناظرون الي ورا وتتحسرون عليه .. سارة✨
السنة التأسيسية كم تبي معدل؟ يعني بالتحضيري كم اجيب عشان ادخل للسنة التأسيسية للتصاميم والفنون ؟
ومادة الرسم وش تدرسون فيها؟ ومين التيتشرات اللي يدرسونها .. اذا ماتعرفين مين التيتشرات قولي اسماء اللي درسوكم انتم !
يختلف حسب البنات الي بيقدمون للتخصص ياخذون من الاعلى للاقل ..مادة الرسم ندرس فيها اساسيات الرسم من القلم والورق المستخدم الى رسم التكوينات الواقعية .. التيتشرات كلهم زينات .. تيتشرتي مو موجوده حاليا ()* سارة✨
انا حذفه ماده رسم٢ الترم اللي فات والحين نزلي جدولي بس اهي ماده وحده اقدر انزل ماده معاها الفن الحديث ؟ ومواد عامه ولا مايصلح ؟ ساعاتي الحين ٣ بس
راجعي مرشدتك الاكاديميه سارة✨
لوسمحتي انا حملت مادتين في قسمي اللي الازياء قبل وطلبت تحويل وحولت وقبلوني في جرافيك، يوم افتح الجدول مو موجود المادين ليش؟
راجعي مرشدتك الاكاديميه سارة✨
وش تنصحون شنطه كتف ولا ظهر ؟
الي ترتاحين له سارة✨
هل لو اروح الاحد فيه مجال يعدولن بجدولي
ايه فيه تعديل هالاسبوع سارة✨
فيه أمل يفتح قسم الابتكار على السنة الجاية ؟؟
ماعندنا خبر سارة✨
متى يسوون لنا اللي بدايه كل سنه حق المستجدات ف الكليه ؟ نسيت اسمه😂
اللقاء التعريفي 😂 ماعندي خبر بس اذا صار بيقولون لكم قبل ويلغون الكلاسات وتنزلون للمسرح اجباري 😉💕 سارة✨