الاختبار حق القبول بالكلية خاص للي بيتخصصون الترم الثاني ؟
ايهالعنود 🍃
ليه ما تنزلون في انستقرام شرح للمقررات و مشاريعها مثل قبل ؟؟ كانت مفيده😢
المقررات ومشاريعها تغيّرت عن وقتنا :( + احنا مشغولين مرة .. اللي عندها قدرة تمدّنا بمعلومات مدعمة بالصور عن دراستهم للمقررات تتواصل معانا وما راح نقصر ان شاء الله ✨العنود 🍃
لو سمحتوا اختبار الرسم ١ ألفاينل كيف طريقته ؟ يعني بتجيب لنا الاستاذة التكوينات و حنا نرسمها و لا حنا نشكلها و لا كيف ؟
أنتي تجيبين التكوينات وترسمينها .. كذا كان العام الماضي ما عندي خبر إذا بيغيرون الطريقة هذي السنةالعنود 🍃
شوؤن كلية التصاميم ! .. في الدور الثاني من جهة A8 في نهاية اول ممر تجييك مكاتبهم على اليسار .. مشاعل🌀
الو سمحتي هل فيه تنزيل برامج فب كلية التصاميم ؟؟انا تأسيسي
لا للأسفالعنود 🍃
تم تحديد موعد الاختبار للقبول في كلية التصاميم والفنون وهو يوم ٧ و ١١ و ١٩ صفر من ٨:٣٠ إلو ١٢:٣٠ وبالنسبة للقاعات ما تحددت بس تروحين للشؤون بيوم الاختبار ويوجّهونك.. وبالتوفيق
قصدك التصميم الداخلي ؟ لا ما يتطلب ليفلالليفل ممكن يشوفونه بالمفاضلة عشان تدخلين الكليةالعنود 🍃
نسبة الرياضيات بتخصصاتكم كم من ١٠٠٪؟
إذا قصدك كمادة متعلقة بالرياضيات تقريباً مافيه إلا احصاء وهو مادة عامة تدرسينها بكل التخصصاتلكن أكيد راح تستخدمين الحسابات بشغلك عموماً ، مدري كيف أطلع لك النسبة من ١٠٠٪ صراحة xD العنود 🍃
متى يحددون مكان الاختبار و تعرفين وين بيحددونه ؟
ماعرف متى بالضبط ، لكن بيكون بكلية التصاميم والفنون يختارون كلاس تختبرون فيهالعنود 🍃
اسجل للاختبار ولا اروح كذا بدون تسجيل ؟
بدون تسجيل العنود 🍃
بسالكك يصبح احذف مواد في السنه التاسيسيه الترم الثاني 😿؟
يصلح بس بتتأخرين بالتخصصالعنود 🍃
دراسه التصاميم والفنون ٤ سنين صح؟ بدون التحضيري؟؟
ايهالعنود 🍃
مشاعل انتي درستي سنه تأسيسيه ؟
اذا ايه لما تخصصتي تصميم داخلي كرف زي التأسيسي او اخف او نفس الكرف ؟
اتمنى تقولين الصراحه 💕
ايه نعم درست تأسيسي .. الصراحة من ناحية الكرف والضغط السنه التأسيسية تعتبر اكثر بسبب كثرة المواد العملية وتنوعها وكثرة المشاريع .. يعني انا توني في بداية التخصص بس فيه وقت اسوي شغلي .. لكن لو جينا للتخصص يكرفونك من ناحية الدقة وتحسين ان الشغل بشكل جاد اكثر من التأسيسي.. مشاعل🌀
انا ابي ادخل تخصص تصميم داخلي وانا لسه تحضيري ايش ممكن اسوي عشان ادخله وانا ما اعرف ارسم على اساس السنه التاسيسيه بتعلمني وانا لسه مستوى ٣ وبصير ٤ وفيه اختبار لدخول الكليه ايش اقدر ادرس عشان ادخله
لاتتخوفين ابد السنه التأسيسية بتعطيك الاساسات للرسم وانتي كل اللي عليك التطبيق والتدريب ومع الوقت بتنحسنين .. ووضعك بيكون بالسليم ان شاء الله .. وبالنسبة للاختبار ووش تحتاجين تعرفين شوفي جوابي على السؤال اللي قبل وترا مو لازم يكون رسمك بيرفكت مشاعل🌀
ودي اتدرب عالرسم قبل يوم الاختبار بس مادري اتدرب على ايش بالضبط ايش تنصحوني؟؟
تدربي على اخذ الابعاد الصحيحة وطريقة توزيع الظل والنور وكيف رسم الملامس.. مشاعل🌀
يهتم برسم اللوحات باستخدام الوان مختلفه وعمل الاعمال التشكيلية من مجسمات فنية وغيرها .. مشاعل🌀
ايش هي الاعمال والمقررات اللي متطلبة منك في تصميم داخلي كيف طبيعة الدراسة و الشغل
في اول سنه تدرسين المواد والخامات اللي تستخدم في التصميم الداخلي والمخططات ترسمينها بشكل يدوي وبالسنوات اللي بعدها يكون شغلك على برامج بالكمبيوتر وطبعا فيه مواد تدرسين فيها الاضاءة وستايلات التصميم وطبعا فيه مواد تطلب منك تصممين قطع اثاث او تعيدين تدوير بعض القطع .. مشاعل🌀
تصميم داخلي يتعلق بالهندسة اكثر صح ؟
ايه نعم يرتبط فيها وببعض المواد تكون هندسية .. مشاعل🌀
مشاعل وش تخصصك ؟
انا تصميم داخلي .. اذا حابه تسألين عن الجرافيك لاتترددين فيه ساره والعنود تخصصهم جرافيك .. مشاعل🌀
كلية التصميم و الفنون اي ستيشن ؟
7 & 8 مشاعل🌀
انا ليفل ٥ سنه تحضيري و السمستر الجاي ببدا تخصص اقدر ادخل تصميم جرافيك ؟ ويعني أسوي الاختبار السمستر الجاي
لا تختبرين هذا السمستر .. الإختبار يكون قبل التخصص بترموأول شي تختبرين عشان تدخلين الكلية .. وبتدرسين سنة كاملة سنة تأسيسية عن الفنون ، زي التحضيري بس لكلية التصاميم والفنونوبناء على معدلك في هذي السنة يتحدد أيش تتخصصين .. جرافيك أو داخلي أو فاشن أو تشكيليالعنود 🍃
كيف يعني تكوين ؟
التكوين غالباً يكون فيه ثلاث عناصر .. مثل مبخرة وصندوق وڤازا ، هذي ثلاث أشياء مع بعض اسمها تكوينالمبخرة لحالها اسمها عنصر ^^العنود 🍃
يعني يجيبون لي ثلاث اشياء وانا اختار شي واحد وارسمه واظلله ؟
ايه .. تختارين تكوين موب عنصر ، يعني ترسمين اللي على الطاولة كله الثلاث أشياء موب تختارين شي واحد منهم وتخلين الباقيإذا رحتي تختبرين تأكدي أكثر من المشرفة اللي بتكون موجودة بالكلاس لأن ماعرف كيف بتصير طريقة الاختبار هذي المرةالعنود 🍃