@CAD_Las

كلية التصاميم والفنون (لاس)

Ask me anything Follow
Ask @CAD_Las

Sort by:

LatestTop

Previous

انا تخصصي دبلوم تسويق ومبيعات وطبعا طلبت تحويل لكليتكم واختبرت اختبار الرسم ، وانا درست سلم ١ والتحرير الكتابي وإنجليزي ١ هل تعادلون المواد ولالا

ايه خلاص مايحتاج تاخذينهم مره ثانيه لانهم متطلبات اجباريه على كل الجامعه مو بس كليتكم ..
مشاعل🌀

متى تطلع نتائج تحديد المسار لطالبات التأسيسي للترم الثاني تاريخ بالضبط بليز؟

ماعندنا خبر كل اللي عليك انك تنتظرين لما تنزل اسماء قبول الطالبات..
مشاعل🌀

لو معدلي ٤ والترم الثاني اخذت ٤.٥ قولتك يمديني ادخل تصميم داخلي ؟؟

مانقدر نجاوبك للأسف لان القبول بيكون على حسب معدل بنات دفعتك وعلى حسب كم طالبه بتنقبل في القسم ..
مشاعل🌀

Related users

jan99jan99jan99jan
hazdesi
Ahd F. Abdallah
Razan
noraxo2012’s Profile Photo noraxo2012
reham
rawan_bafail’s Profile Photo raw
Sultanah saleh
Lubna
Renad
montaha1356’s Profile Photo Montaha

طلعت نتائج تحديد المسار لطالبات التأسيسي ؟

للترم الثاني ؟ لا
العنود 🍃

اذا حولت من كلية الى كليتكم يعادلون المواد ولالا ، مثل سلم 1 وزي كذا ؟

الا يعادلون
العنود 🍃

متى تطلع نتائج المقبولات بكليتكم ؟ وكيف اعرف اني انقبلت ، علماً اني اليوم خلصت اخر اختبار لي .

ماعرف متى بالضبط بس طولوا نسبياً
تعرفينها من معلوماتك بالنظام الأكاديمي .. لما تروحين تشيكين تلقين مكتوب اسم الكلية اللي انقبلتي فيها
العنود 🍃

وش اصعب الترم الاول او الثاني؟

الصعوبة تختلف على حسب البنت وهي وش تشوف بس الترم الثاني فيه ٤ مواد عملية .. والاول ٣ مواد عملية ، يعني الشغل أكثر بالثاني
العنود 🍃

يقولون صار تصميم الجرافيك هو اللي يبون فيه نسبه اعلى من تصميم داخلي جد ولا الداخلي اعلى؟

مافي شي كذا هو على حسب مستوى البنات .. وكل وحدة ورغبتها
لو كل اللي معدلاتهم مرة عالية دخلوا جرافيك واللي اقل بشوي بس دخلوا داخلي هذا مو معناته الجرافيك يبون نسبه اعلى ! البنات اللي نسبهم عالية هم اللي بغوا الجرافيك
يعني على حسب بنات الدفعة وشطارتهم وميولهم يتحدد الموضوع
العنود 🍃

رسم ٢ الرقمي يحتاج اكون متمرسه بالرسم الرقمي او هم بعلموني حبه حبه ؟؟

راح تبدون تمارين .. بعدين تشتغلون عالمشروع ، يعني بالتدريج
العنود 🍃

ممكن خطة السنة التأسيسية؟

يسار للترم الاول ويمين للترم الثاني ..
مشاعل🌀

رسم ٢ كل الدروس رقمي او كم درس بالعدد ؟؟

أنا درسته العام الماضي كلّه رقمي .. واللي بعدي بسمستر أخذوا شي يدوي ، السمستر الجاي ما نعرف بس هو غالباً رقمي أهم شي فيه
العنود 🍃

تعرفين النسبه الي وصلوها العام بتخصص تصميم داخلي وتصميم جرافيك ؟؟

الجرافيك ، 4.61
التصميم الداخلي ، 4.64
العنود 🍃

انا امنيتي ادخل الفنون و التصاميم بس اخاف اجيب معدل نازل بالتأسيس ويحطوني نسيج او شي انا مابيه وأتحطم ، لأن لاحظت الاغلبيه مايبون نسيج او التشكيلي😢

ليش تفكرين بالمستقبل بصورة سوداوية كذا ؟ لسا ما دخلتي الكلية وحكمتي على معدلك ؟ بعدين كثير يبون فاشن وتشكيلي بالعكس لكن يمكن ما تعرفين أحد منهم
اذا شديتي حيلك بالتأسيسي بتتخصصين اللي تبين
العنود 🍃

لو انقبلت تصميم داخلي وانا ابي نسيج اقدر احول ولا لا مايمديني؟؟

الا تقدرين .. تدرسين ترم بعدين تحولين ، او على حسب وضعك يعني
العنود 🍃

انقلش الترم الجاي حق تصاميم و فنون؟ وش بيكون عن يعني؟

كل تشابتر تتكلم عن تخصص .. يعني التصميم الداخلي والفاشن والتشكيلي وذولي ، بحيث تكتسبين مصطلحات انقليزية تخص تخصصك بالمستقبل إن شاء الله
العنود 🍃

الفنون و التصاميم يعتبر علمي و لا ادبي يعني كم حقتهم المكافاءة ١٠٠٠؟؟

المكافأة ٩٩٠
العنود 🍃

السلام عليكم انا ببداء ترم ثاني بالسنه التاسيسي يعني مستوى ٢ اقدر اغير شعبتي ع حسب شعب صحباتي ولا ؟؟

وعليكم السلام .. تقدرين تغيرينها بس موب شرط تصيرين مع صحباتك ، يمكن تكون شعبتهم مليانة ويحطونك بشعبة ثانية
العنود 🍃

التطبيق يكون مع رجال او مع قسم نسائي فقط وهل يكون في قطاع حكومي او خاص ؟؟؟

اتوقع يختلف من كل بنت وش تختار .. اذا جا وقت التطبيق راح تعرفين التفاصيل
العنود 🍃

تخصصات كلية التصاميم فيها ترم تطبيق مثل باقي تخصصات ولا لا وين ممكن نطبق لو فيه ؟

ايه فيه ، لو تشوفين خطة التخصصات بتحصلين ترم صيفي تدريب ميداني
مكان التطبيق يختلف على حسب التخصص ، شركات غالباً
العنود 🍃

فيه اوراق مطلوبه مننا نأخذها للمرشده ويقولون انها سجل الطالب بس انا مو لاقيته بالموقع ممكن مساعده؟

تروحين للنظام الاكاديمي
بعدين (الطالب) - (سجلات الطالب) - (عرض معلومات عن الطالب) - وتختارين الفصل الدراسي اللي أنتي فيه الحين ، وخلاص يطلع لك مكتوب فوق "سجل الطالب العام"
العنود 🍃

انا بتخصص الترم الجاي و مره خايفه من اختبار الرسم انه مايخليني ادخل الكلية بحاول اللحين أدرب نفسي بس مع ذلك خايفه منه يعني لو جبت معدل كويس ادخل الكلية حتى لو رسمي ماكان ذاك الزود☹

كثير جاوبنا على ذا السؤال .. ان شاء الله يقبلونك
أنا شخصياً ماقد مرت علي وحدة حطت رغبتها تصاميم وفنون وما انقبلت ، سواء مستواها بالرسم كويس أو لا
العنود 🍃

ولازم اكون شاطرة بالرسم عشان امشي ؟؟

الموهبة موب كل شي .. اذا تعبتي على نفسك بتمشين
العنود 🍃

سلام لوسمحت انا ضاق صدري مواد العملي انا اول مستوى درجاتي شينه اخاف مااجيب معدل وحول لي هركته تعبت منه فيه امل اجيب معدل

أكيد في أمل .. لسا قدامك سمستر ثاني بس شدّي حيلك 💪🏻✨
وركزي عالنظري بعد
العنود 🍃

اذا انا ما اعرف ارسم بس ابي مرره ادخل تصاميم وفنون ايش تنصحيني اسوي ؟ ترا لسى باقيلي ٣ سنين عليها بس ابغا اشتغل على نفسي من الحين😁

شوفي مقاطع رسم باليوتيوب وجربي تمشين معاهم ، او جربي ترسمين من نفسك وتطورين رسمك بالممارسة عموماً
بالتوفيق ، العنود 🍃

Next

Language: English

4.1

1,266,418 reviews
© Ask.fm 2024