لو سمحتي انا ماخذه ماده حره ف كليتكم ومو مكتوب رقم الكلاس وين وين اروح اسال؟
روحي للشؤون من a8 الدور الثاني اول سيب على اليسار.. آخر السيب بتلقينهم على يسارك ..
صار فيه خبر عن اللقاء التعريفي للكلية ؟
للآن مابدوا النشاطات بس أعرف انهم بينزلونكم للمسرح وقت المحاضرات لحضور اللقاء التعريفي سواء كان الأسبوع هذا أو الي بعده ..
وش نسوي مع تاريخ الفن لهجة الاستاذة ونطقها للكلام غلط مايفهم
للأسف مو بيدي أسوي شي حاولوا تجمعون نفسكم وتكلمون الشؤون بالهخصوص عشان يشوفون لكم الموضوع .. أو ممكن تجمعون توقيعات البنات وترفعونها لهم بارقامكم الجامعية عشان يعيدون النظر في لغة تدريس المادة ..
ايش كان اسم استاذتك ف نظريات اللون ؟
تيتشر سميرة البابطين
اهلاً ساره .. الحين التيتشر ف نظريات اللون طلبت انو نرسم ٤ مربعات٢٠*٢٠ وجوا كل مربع شكل هندسي .. انا كنت غايبه بس البنات قالوا لي . استغربت انو مو زيك كلها نفس الشكل بس غيرتي الالوان
هلا فيك .. لا هو كان متاح لنا خيارين .. الأول نفس التصميم بألوان مختلفة .. والثاني يكون كل مربع تصميم تجمعينهم في النهاية ..
لو سمحتِ حبيبتي أنتِ أو أي وحدة من البنات إذا عارفين وين نحصل لوح القص ( المات بورد ) ؟
موجودة على هاشتاق #تطبيقات_من_كلية_التصاميم بس انزلي تحت بتشوفين صور من يوميات البنات ومشاريعهم في الكلية حلو تضيفونهم وتطلعون على بروفايلاتهم تشوفون ايش المشاكل الي واجهتهم وكيف حلوها وكيف قدموا مشاريعهم وهكذا ...
طيب اذا بالانقلش كذا بيكون اصعب
الله يعين ياختي ربي ييسره و يسهله علينا
اهلاً يا جميلة .. وصلك خبر عن تاريخ الفن ؟
اهلاً انا مو ساره بس انا ادرس تأسيسي و اخذت اليوم تاريخ الفن و الكلام صحيح الماده صارت بالانجلش و اللي تدرسنا مصريه ، مع انه كان بالجدول كانت أ. نسرين الخويطر
لا ما أذكر انها قالت لنا .. ابحثي عن ليوناردو دافنشي بتلاقين معلومات كثير عنه بس حاولي تصيغينها بطريقتك لأن كثير ينسخونها من ويكيبيديا بس لما تكون بأسلوبك بتكون مميزة جدا
+ حرام وش فيكم على تاريخ الفن ..جداً سهل وممتع :) ممتع لدرجة ودك ترجعين قرون وتعيشين مع الناس المبدعين اللي جالسه تدرسين عنهم ✨✨
ما اختلفنا بس المعلومات دسمة صعبة تكون بالانجليزي لاسيما ان مستويات البنات مو وحده ()*
اممم إذا عندك صورة للعربية بالكفرات الكبيرة ممكن صورتها ؟ أنا اشتريت من جرير الصغيرة وودي أشوف الكبيرة :)
+ الأكياس القماشية نفس جرير وغيرها ..عندك أو البنات خبر وين اقدر احصلها بدون كتابة أو طباعة عليها ؟ ( سادة ) .
وَ شكرًا (f)
نفسها ما تفرق ابداً اللهم الكفر أكبر بششوي .. الأكياس لا والله ماعندي علم ولا أذكر اني شفتها عند البنات بدون طباعة ..