@CAD_Las

كلية التصاميم والفنون (لاس)

Ask me anything Follow
Ask @CAD_Las

Sort by:

LatestTop

Previous

بالاختبار طلبوا نجيب كراسه كانسون A3 والكراسه كبيره بزياده لازم تكون الرسمه كبيره على حجم الكراسه ولا عادي تكون وسط ؟

أفضل لك تجيبين نفس اللي طالبينه، بعدين الA3 ما تعتبر كبيرة وأغلب أعمالك في السنة التأسيسية عليها.
دعاء 🌸

السلام عليكم .. ابغى اعرف وش الادوات الي اجيبها معي لاختبار الموهبه ؟؟ شكراً 💕

السلام عليكم ابغى اعرف وش الادوات الي اجيبها معي لاختبار الموهبه شكرا

السلام عليكم انا من طالبات السنه التأسيسيه وطلعت التخصصات من يومين بس انا مو طالع لي انا انقبلت ب اي تخصص ولما ادخل ع حسابي كاتب لي(ليس لديك تذكرة وقت التسجيل) ومو عارفه ايش المشكله وايش اسوي

hdeExa’s Profile PhotoHa
وعليكم السلام
تواصلي مع مرشدتگ وان شاءالله اهي تشوف لك الموضوع وبتوفيق
___
وفاء

Related users

jan99jan99jan99jan
hazdesi
Ahd F. Abdallah
Razan
noraxo2012’s Profile Photo noraxo2012
reham
rawan_bafail’s Profile Photo raw
Sultanah saleh
Lubna
Renad
montaha1356’s Profile Photo Montaha

حابه اسال اختبار الموهبه متى يكون بعد الترشيح للجامعه والا نهايه السنه التاسيسيه ؟؟ وكيف يكون الاختبار يعني رسم والا ايش بالضبط وهل يكون عن جميع اقسام كليه الفنون والا بس التخصص الي نا ابيه الي هو تصميم ازياء والله يسعدك حبيبتي 🌸✨

الاختبار يكون بعد ترشيحگ للقبول بالجامعه ويكون الاختبار رسم عن جميع الاقسام وبعد ماتدرسين التأسيسي معدلگ هو اللي يحدد دخولگ للقسم الازياء وبتوفيق
___
وفاء

وش طبيعة الاسئلة في اختبار موهبة؟ انا ابدا ما اعرف ارسم كيف ممكن انجح فيه؟

عبارة عن رسم تكوين يكون امامگ فقط اللي عليك تجيبين اداواتگ معاك وبس
وللمعلوميه فيه بنات كثير دخلو مايعرفون يرسمون لكن نجحو في الاختبار لان كان عندهم استعداد يبدعون ومع التدريب والممارسه تطور رسمهم بتاسيسي
___
وفاء

ماهو اختبار الموهبه وهل يشترط تكون عندي لغه انجليزيه عشان ادخل القسم

Shahad
اختبار الموهبه هو عبارة عن رسم تكوينات من الأدوات مثل الفخار او فازه او كتب او ورد الى اخر يحطونها قدامكم وأنتو ترسمون وله يوم محدد طبعن .
لا مو ضروري يكون عندگ لغه معا الأيام ان شاءالله راح تطور لغتگ في التخصص.
____
وفاء

السلام عليكم بنات حبيت أسئل تخصص تصميم ازياء بجامعة نورة يدرسون بالإنجليزي او هل في مواد انجليزي معهم بالتخصص يعني اخلص التخصص وانا معي لغة كويسة ولا مايدرسونهازمن اساسه وكيف تنصحوني ادخل التصميم او لا

وعليكم السلام
فيه مواد عربيه ومواد انقلش بسيطه مثل العملي فيه كلمات ومصطلحات زي كذا.
من ناحية ننصحگ او لا اذا انتي حابه تخصص تصميم الازياء وعندگ القدره اللي تخليگ تطورين من نفسگ بهذا المجال وتبدعين انا اقول لگ توكلي على الله
___
وفاء

كل الأسئلة اللي متعلقة بالقبول في الكلية 🔴🔴🔴

كثير يجينا أسئلة عن القبول والقبول اليدوي وكيف نظام التحويل والنسب اللي وقفوا عليها.
أعرف إنه الموضوع ضروري مرة ومصيري ويمكن تكون نفسياتكم سيئة في حالة إنكم ما انقبلتوا.
بس بكل أمانة حتى لو بقولك بتجارب بنات أعرفهم يمكن يضرك أكثر من إنه بيفيدك لأن النظام يتغير ومو كل وحدة يمشي الموضوع معها. والمعلومات اللي عندنا ماهي أكيدة فصعب إننا نتهور ونورطكم.
الأفضل إنكم تسألون حساب عمادة القبول والتسجيل 🔴🔴🔴
وفي الأخير الله يكتب لكم اللي في الخير.
دعاء 🌸
كل الأسئلة اللي متعلقة بالقبول في الكلية

في الاختبار يحطون لنا اضاءه عشان الظل وكذا ولا نرسمها من عندنا

مو متأكدة من النظام الحين بس قبل ما كان فيه، بس كان تكفي الشمس.
دعاء 🌸

انا درست سنه تاسيسيه بكلية التصاميم والفنون وجبت معدل عالي ودخلوني تخصص غير اللي ابيه معدلي ٤،٦٢ واللي اعلى مني بشوي دخلوا التخصص اللي يبونه ودخلوني التخصص اللي فيه بنات معدلاتهم ٣ دخلوهم فيه فاابغى احد يساعدني خصوصا ان معدلي يعتبر عالي 😢 دخلوني فاشن وانا ابي جرافيك وش اسوي ماني عارفه كيف اتصرف

متأكدة إنه فيه بنات داخلين ومعدلاتهم أقل من 4.70؟
انا درست سنه تاسيسيه بكلية التصاميم والفنون وجبت معدل عالي ودخلوني تخصص غير اللي

يطلبون لابتوبات معينه ولا عادي اشتري اللي ابي

على حسب التخصص ، السنة التأسيسية مافي نوع معين بس يطلبو منك تنزلي برامج معينة عادي تركب على اي جهاز ، الداخلي يحتاج له ويندوز والقرافيك يحتاج له ماك .

اختبار الموهبه طالبين نجيب قلم رصاص B4 بس انتم كاتبين تحت اننا نجيب كل انواع الرصاص ف وش الافضل اسويه؟

انك تجيبي جميع الدرجات لأن اذا جيتي تظللي صعب تتحكمي باللون بدرجة وحدة بس

السلام عليكم سألتكم ولا لقيت جواب شكله راح ولا انتبهتو .. عموما بكره الي رغبتها تصاميم وفنون ولا طلعت من ظمن المرشحين ايش تسوي تروح تقدم يدوي ؟ وممكن تقبل ولا لا؟ وانا من خارج الرياض

وعليكم السلام..
ما عندنا علم والله جربي كل اللي تقدرين عليه، وتأكدي من حساب القبول والتسجيل على تويتر. والله يكتب لك اللي فيه الخير.
دعاء 🌸
السلام عليكم سألتكم ولا لقيت جواب شكله راح ولا انتبهتو عموما بكره الي رغبتها

السلام عليكم , كم النسبه الموزونه المطلوبه للكليه؟

ما نقدر نحدد، على حسب الدفعة ومستواها. العام وقفت حوالي الثمانين.
دعاء 🌸

السنه التأسيسيه مع التخصص كلها ٤سنوات ؟؟

أيوة، أربع سنوات، سنة تأسيسية وثلاث سنوات تخصص.
دعاء 🌸

السلام عليكم ، انا خريجة ثانوي وحابه ادخل تخصص تصميم داخلي وابي اعرف اذا فيه اشياء مطلوبه مني قبل ادخل ، مثل اختبار موهبه هذا مادري ايش ، معليش ممكن توضحون لي ، واكون شاكره لكم 💜💜💜

فيه اختبار موهبة يقاس فيه رسمك وابداعك بالتفكير وبعدها فيه سنة تأسيسية تدرسي فيها مواد عامة خاصة بالقسم نفسه اضافةً لللانجليزي والعرب والسلم ، بعد كذا تتخصصي على حسب معدلك ورغبتك
شهد.

كم معدل القبول في الجرافيك ديزاين هالسنه او اللي قبلها

هالسنة معدل القبول في القرافيك هو ٤،٥
شهد.

السنه التأسيسيه هل ادرسه ثم اختار اي تخصص حسب المعدل ؟؟

ايه ، بس هالسنة ٩٠٪ عالمعدل و١٠٪ على ملف اعمال الطالبة ، هذا ملف تصميمه في مادة القرافيك ويضم اعمالك طول هالسنة.
شهد.

لو سمحتي كليه التصميم و الفنون فيها سنه تحضيري ؟؟غير التأسيسي

التأسيسي هو يعد التحضيري حق التصاميم والفنون ، تدرسي فيه مواد عامة بدون تخصص ، أول كان النظام تدرسي سنة تحضيري بعدين سنة تأسيسي بس لمن انشال التحضيري صار بس تأسيسي.
شهد.

وش طبيعه الاسئلة في اختبار موهبه؟

مافي اسئلة ، هم في الاختبار يبغون يقيسون هل رسمك يتطور ولا لا ويبغون يقيسون مستوى الابداع والابتكار عندك ، عشان كذا الاختبار قسمين
القسم الاول : يعطوك اوراق فيها رسمات غير كاملة ويقولو لك كمليها على اساس بيشوفو كيف راح تبدعي
القسم الثاني : ترسمي طبيعة صامتة تكون قدامك ، هم يحطو لك جرة كوب فواكه دلة انتي تختاري تجلسي وترسمي اللي قدامك ، طبعاً هو المطلوب منك قلم حبر وقلم رصاص وورق ، بس انتي عشان يشوفو انك جادة وصدق تبغي القسم احسن شي يكون معاك كراسة فبريانو او كانسون ودرجات اقلام الرصاص من H ل9B تلقيهم في جرير ، طبعاً الطبيعة الصامتة اللي بترسميها بتظلليها بالظل والنور يعني تفتحي مناطق النور وتغمقي مناطق الظل ، واهم شي عندهم ان تكون الاجزاء متماثلة ، يعني نص الجرة اليمين نفس النص اليسار ، وايضاً خط الارض لازم ترسميه
شهد.
2
Liked by: Lubna

اهلا 👋🏻 ابي اسألكم اذا كلية التصاميم والفنون يدخلونها علمي ؟ 😩

طبعا هي للعلمي والأدبي.
دعاء 🌸

وش المواد اللي باللغة العربية في السنة التحضيرية والتأسيسية؟

ما عندنا سنة تحضيرية، بس سنة تأسيسية.
في السنة التأسيسية أغلب المواد عملية وعربية.
بالنسبة للمواد النظرية كلها باللغة العرب. عندك التحرير الكتابي "عرب" والثقافة الإسلامية "سلم" وتاريخ الفن 1 و2.
دعاء 🌸

Next

Language: English

4.1

1,266,418 reviews
© Ask.fm 2024