بنت اصول ،، يا جماعة والله الموضوع سهل وبسيط الجواز مش واحد ساحب معزة وربنا انا شايف ان الجواز عبارة عن دولة صغيرة من عمودين بين زوجين كل واحد له دوره و أهميته و لو واحد اختل الدولة هتقعانا شايف انه الشاب طالما مستعد نفسيا واجتماعيا وجسديا وعقليا أنه يتجوز ف اهلا وسهلاً انا شايف نفسي مؤهل وعارف دوري كويس جدا جدا هبني بيت جديد مع بنت ناس واخدها معززة مكرمة من بيت ابوها ليها عندي كل تقدير واحترام نبني سوا بيت او دولة صغيرة هي عارفة دورها وانا عارف دوري نحل مشاكلنا سوا نشيل بعض نساعد بعض نقوي بعض نجمل بعض مش سباق بين راجل وست انا عاوز واحدة تقدر شغلي وتعبي ارجع من الشغل الاقي ابتسامة و صدر حنين يحتويني مش واحدة اقولها مخنوق شوية من الشغل تقولي طيب اقفل ولما تفك كلمني ! ده ينفع؟ دي تصلح زوجة؟ عاوز واحدة تقدر ظروفي المادية مش مهما جبت وعملت تقولي معملتش حاجة انت اللي جبته مش قيمتي ،،، ايه الهدية البيئة دي؟؟ ده ينفع؟ دي تصلح تكون زوجة؟؟؟عاوزها بنت اصول عينها مليانة مقدرة بشوشة والله لو فيها عيوب للدنيا هستحملها بس متبقاش جشعة و أنانية و مادية وتطلب و ببجاحة كمان كأنه حق مكتسب! واحدة تكون عارفة دورها ايه في العلاقة الزوجية مش مجرد واحدة جاية بيتي تاكل وتشرب وتنام … دي زوجة؟إن مكنتش تشاركني احزاني مين هيشاركني؟ إذا مكنتش تطمن عليا وانا في الطريق للشغل مين هيطمن؟ إذا مكنتش تتابعني في شغلي مين هيتابعني؟ إذا مكنتش تهون عليا مين يهون ؟ إذا مكنتش اقولها ده صح ده غلط مين هيقولها؟ اومال انا هتجوز ليه ؟ حقيقي دورك ايه في العلاقة ؟ انتي عارفة دورك عشان ترتبطي ولا انت جالك واحد بيقبض خلاص اوافق ؟؟؟ عاوزة تتعلم ؟ اتعلمي،، معاكي لحد ما تحضري دكتوراه عاوزة تشتغل؟ اشتغلي بس متقصريش في واجباتك كزوجةعاوز بنت اصول تعيش معايا علي الحلوة والمرة ،، عارفة دورها كبنت دلوعة و كزوجة شاطرة و كأم مربية جيل انا دوري عارفه كويس جدا جدا جدا جدا واشهد الله اني عمري ما قصرت في حق حد بس انا ملقتش البنت دي لسه ربنا يكتب لك ويكتب لي الخير 💜
من لم يجد سعادة في قربك إعلم أن سعادتك في بعده ،و من يجد كل السعادة في قربك تأكد أن شقاءك في بعده
هي أمور تستحق التأمل والفطنة 👌
السعادة مرتبطة بتعلق قلبك بالله ،، لا تعلق حياتك علي شخص 💙
مايهمكش اتقال ايه ولا مين قال انت عارف نفسك اكتر واللي يقول يقول ما ف داهية
الحمد لله انا عارف نفسي علي ايه ... واللي يقول ما يقول أنا مش همسك لسان حد ... بس اتحدي دكر ينطق بحرف قدامي ويجيب معاه إثبات هو تقريبا عشان الواحد ماشي صح وبما يرضي الله اني بسمع عني و مبرضاش ارد عشان بخاف اتكلم عن خد مش موجود بس لو وقف قدامي راجل لراجل يقولي و يكذبي والحمد لله ثقتي بنفسي تخليني ارد عليه