شايف وزير اتقلب *** مع ثورة المساطيل وخطف رئيس البلد*** ورقى نفسه مشير بلدى يابلد العجب *** والفرح فيكى أسير للحزن أكبر نايب *** ودموعى نهر النيل يحزن عليكى الغايب** ويبكى طول الليل أما اللى حاضر شاهد** داق العذاب والويل بلدى يا بلد العجب *** والندل فيكى أمير شويه فيكى فلول *** وشخص تانى عميل والباقى شاب وشايب** تايه فى هم كبير ما الدنيا حالها اتقلب** م الكدب والتضليل الشهم فيكى انحبس *** ونهاره أصبح ليل وأحسن مافيكى اتهان**على ايد خسيس وذليل والندل فيكى اتصان ** مع ان أصله عميل بلدى يا بلد العجب *** والرقص والتطبيل شايف وزير اتقلب *** مع ثورة المساطيل وخطف رئيس البلد*** ورقى نفسه مشير وجاب معاه طرطور** وشويه م الدلاديل واعلام بينطق زور ** ويصدقه المهابيل وكل شخص اعترض**مسجون يا إما قتيل