في ناس صارت معايا ومعاهم سوء تفاهم ً
انقطعنا
انا ابتدئ بالبدايه انتقام
بعد ما إهداء تحسف تأنيب
انه مش لازم كذا
يجيني شعور أني أسامح
ولما أروح أماكن مناسبات وأشوفهم
ودي نسلم ع بعض ونسولف
والحين انا عطيت نفسي قرار أني حال اي خطأ راح أتعلم منه وراح اكثم الغيط
ممكن تساعديني؟
ودي اساعد والله، بس بشنو بالضبط؟ اذا تقصد انك ترجع علاقتك معاهم، سهلة، ارفع التلفون ودق عليهم الحين، لا تعقدها.
فيه رجل في تويتر احببته جداً كل ما يكتبه جميل وانساني
كيف عرفت اني احبه لاني دائم افكر فيه ودايم اتخيله وارقب كل شي يكتبه
ما اعرف عنه اي شي وحتى ما عنده حساب ف الاسك حتى اسئله
ودي اقوله اني احبه بس متردده وما متصورة ايش بتكون اجابته لي
اقوله ولا لا؟
حب من أول تويتته <3 أنا اقترح قبل لا تسوين شي، طلعي وجربي تجارب حقيقية مختلفة.. بعدين سوي اللي تشعرين بأنه صحيح.
اشعر بحاجه شديده للحب لأن اجد رجلاً احبه واكتب له مشاعري
واشتاق أليه واحتضنه ....وكل الطرق الى هذا مغلقه ..مالحل..؟
ياحياتي.. ثقي ما في حاجة لأي شي، وكل ما تحتاجينه بالفعل عندك الآن في هذه اللحظة، إلى أن تتخلين عن اعتقادك بالحاجة ستبقى الطرق في أغلب الأحوال مغلقة.
اميرة..لك ذكرى حلوة في قلبي واحبك من الله..انا قبل فترة استشرتك في موضوع و كانت توجيهاتك لي..اهم محاضرة غيرت لي حياتي ..الله يوفقك و يسعدك..و يرزقك كل ما تتمني و اكثر..♥♡
الللله❤️ ولك يارب .. بس ترا هذا انتي مش انا ؛)
ماانسى كلامك لما كتبت في تويتر انك في لحظة تسامح عميييقة مع كل من دخل حياتك شلون اسامح هالتسامح العميق تسامحي هش أو أنه مو تسامح يعني أحب أكسر عين الشخص أو أنتقم وأفهمه انه أخطأ
ياكثر ما جاني احساس الانتقام، وسوالف كامل الاوصاف اللي يخوف ولا يخاف، لما تدركين انها رغبة ايجو، تتخلين عنها بسهولة، مو طالعلك شي من احد، ولا احد! ولو شلتي عليه انتي اللي بتزعلين، وتتأذين، وشوووله؟ لما يزيد رفقك بذاتك يزيد رفقك مع الناس، حتى اللي تظنين انهم مو كفو رفق.
شلون انسى حبيبي السابق وايد احلم فيه وكله اتعب وابجي طول الليل ماانام وافز وابيه يكلمني بس تركني لسبب تافه وكله يتركني شهرين ويرد تعبت بنساه شلون اقدر اجذب ريال احسن ويحبني صج
عادي، هذي كلها برمجة الأفلام الهندية اللي كنّا نشوفها، الحب عذب، اذا ما حسيتي بعذوبته، في كذب في الموضوع. Wake up! استكشفي مصادر القوة بداخلك، اوقفي بصفك، احيانا السؤال مو شنو نبي، احيانا السؤال شنو نستحق. اذا شايفة انج تستحقين جذي، استمري. اذا شايفة انج تستحقين شي أفضل، هذه انطلاقتك!
احب ريال وتركني قبل شهرين حاولت انساه وتعبت ورد بس سبني وجرحني ورد تركني شلون انساه شلون اطلعه من حياتي ابي احب شخص ثاني احسن منه
شوفي هذا ما تسألين شلون انساه هذا المفروض انج معطيته بلوك ديليت من زمان وموضوعج خالص. لكن على كل حال انا أشوف سؤالج هذا بداية جيدة مع نفسج، وبداية احتمال جديد، قبل لا تقولين احب احد ثاني، تصافي مع نفسج اول شي.
في حياتي تدمير ذاتي فظيع. أنا ادرس في الاكاديمية للدكتور صلاح وأيضا أخذت دورات عند دكتورة مشهورة في الامارات. مشكلتي اني تطبيقي قليل ولما اطبق اكثر يحصل تدمير فظيع.بالأخص في مناسبات مثل العيد ورمضان وأيام فرح .وش فيني وش أسوي أحس اني تائهة
لا تضغطين ع نفسج، انتي تتعلمين عشان المتعة، المتعة هنا والآن، بسطيها، كل ما شفتي الامور معقدة اتركيها، حتى لو كانت علم، لا تسوين شي معقد، الاصل السلاسة، والبساطة.
بتحكولي حياتك الخارجية انعكاس للداخلية.... صلحي جوة بتصلح برة !! طيب كيف ؟ كل مرة باجي احاول اكشف الخطا وين مشاكل بزواجي فجاة ظهرت وكبرت كتير وصلت للطلاق ومش عارفة شو المشكلة كيف احدد وين !! هلا فجاة زوجي بطل يعرفني ويعرف شو بدي وصارت تصرفاتي غريبة وهو متوقع مني الطاعه والتضحية ! شو الحل ؟!!
احيانا مو مهم تعرفين ليش يصير معاج جذي، ركزي فقط ع اللي تبين، وهذا بحد ذاته حل لما في الداخل، قد يكون تركيزج عالمشكلة هو اللي يخليها تكبر وتتعقد، اسألي صح بدل ليش وكيف ولماذا، قولي ماذا اريد؟ مستقبل زواجك كيف ودك يكون؟ وركزي عليه.