شوف شنو اكثر شي تعطيه انتباهك، واهتمامك، هني طاقتك قاعد تتجه، اذا شفتها رايحة على الآخرين، وملاحظة عيوبهم، وادعاء الرغبة في مساعدتهم لاصلاحها، اعكس التركيز، ارجع لنفسك، صححها، نقها من الظنون والعدائية، اغفر لها، وطيب قلبك. هذه هي الحالة اللي يكون فيها الخارج معين لفهم الداخل. البقية كلها حالات داخلية.
فأهمه عليك آموره بس عرفت من صلاح الرأشد آنو نقدر نجذب شخص معين وكمان انأ أحب هالشخص ؤهو يحبني بس ابتعد لخوفه من المستقبل وأبغى يكون لي فهمتي عليا أموره أنا سعوديه وماعرف كيف أخذ دوره عند الأستاذ زياد وكيف أتعلم فن التجلي تكفين ساعديني
العالم يساعد اللي يساعد نفسه. اهم شي في التجلي... التسليم، اللي هو فك التعلق بالرغبة، يعينك في هذا تركيزك على حياتك، على وعيك.
اميرة انا بنت حلوة وصغيرة تزوجت من رجل مطلق والحين ندمانه جدا لعدة اسباب منها وهو ان حسيت من بعض الامور ان طليقته كانت حلوه ويمكن احلى مني مالحل برايك ساعديني لاني متضاية لاني حطيت نفسي في هذا الموقف وكنت اقدر اخذ شخص اكون انا اول زواج بحياته مثل ماهو اول زواج بحياتي مالحل؟
خلك من هالكلام، هي الماضي، والماضي غير موجود الآن. هل عندك حياة، اشياء تبين تسوينها، مواضيع تبين تتعلمين فيها أكثر؟ روحي اشتغلي على حياتك.
مافي شي يمنع بمعنى المنع الجبري. في اشياء نتعلق فيها وبالتالي نمنع انفسنا باختيارنا من انها تعبر عن ذاتها بحرية وصدق. مثل تعلقنا برأي الناس اللي نحبهم فينا، تعلقنا بالعالم الظاهر، تعلقنا بقيم ما نؤمن فيها.. بس عشان يقبلنا المجتمع نمثلها، عدم ترتيبنا لمصفوفة القيم الخاصة بنا، عدم فهمنا لحقيقة انتمائنا لعالم أكبر من العالم اللي فارضينه على انفسنا، الجهل بحقيقة ذاتنا.. واللي يدفعنا للبحث عنها في عيون الآخرين واعتماداتهم لنا، ويخلينا نعطيها قيمة أقل.