اميرة ، كيف اتخلص من الخوف من الرفض ، احيانا حتى ارفض اصواتي الدااخلية و في احساس عالي من الخجل
انا ساعدني الزهد في اعتماد الناس لي، بالتدريب، او بلحظة وعي واحدة، تدركين انه محد يقدر يعتمدك غيرك، لأن الناس غالبا ما يعرفون، وأبدًا لا يعرفونك في العمق. اما بخصوص الخجل، يعينك الدخول في مجموعات حوارية، ابدي بمجموعات صغيرة.. وكل شوي كبريها، مع الوقت تلاحظين انك اكثر جرأة.
اميره
اذاصديقتي حصلت على شي اناابيه وفرحت لها لكن زعلت لان هالشي كنا من كم يوم نتكلم فيه وهي ماقالت لي
المشكله لماجلست مع نفسي بالعمق اكتشفت ان انا مابي يصيرلهاشي اناابيه وهي تاخذه قبلي
٢-اشفقت على نفسي لاني كنت انااحكي لهاعن هالامر وهي ماقالت انهامخططه له
بليز ايش الرساله لي من هالموقف وكيف اتخطاه
شوفي معظم مشاكلنا ترى تجي من مقارنتنا مع الناس، مو الناس المشكلة، المشكلة فينا احنا لما نعقد المقارنات معاهم، انا لما اشوف نفسي دشيت في معمعة التفاصيل، اسحب نفسي، واشوف الصورة الكاملة لسيناريو حياتي، تصير التفاصيل تافهة نسبيا، وألقى ان الموضوع عادي انها تحصل عاللي ابيه، لا وتصوره وتحطه بانستغرام قبلي! أبدأ أركز على الأهم، والأهم مو أنا، الأهم كيف أحب؟ كيف أغفر؟ كيف استمتع؟ كيف أضحك؟ هذه الرسالة الحقيقية.
شلون اتحرر من ترسبات تعليقات الطفوله بمقارنة جمالي شعري لوني بأختي الي خلاني ارغب ان اصاحب واتعرف واتزوج شخصيات الكل يتمنى يوصل لها واتحرر من رغبتي بأن انحب واتزوج باختيار رجل لي ولا حتى تقليدي نتيجة خلافات العلنيه لنساء بأن كل وحده بتخطب اختي لولدها وكل وحده تقول اخذي اختها يقولون لا هذي احلى
قريت سؤالك اول ما وصلني، فكرت فيه، جميل وعيك بجذور حاصل معاك، لكن ما اعرف كيف اجيبك، اذا حاسة انه الموضوع معيق حقيقي انصحك باستشارة مختص. اما اذا كان عادي وهذا اللي اعتقده، يساعدك انك تشتغلين ع موضوع الوعي أكثر. بعدين تلقين الاجابات.
انا احب الشي الي يجي بسهوله استمتع به اكثر من الي احققه بجهدي وتعبي احس في حاجز بيني وبينه بينما الي بسهوله اشعر اتجاهه بالحب واتذكر الفرح كل مره اشوفه واحس ان ملكي اكثر من الي تعبت حتى حصلت عليه شو السبب وهل هذا جيد او سيء ؟اغلب الناس يقدرون الشي الي يتعبون عليه
رائع، ماشي صح مع نظام الكون، الأصل انه كل شي يجي بسهولة، بس الغالبية يعقدونها.
اميره وشلونك ؟. بقولك شي غريب جالس يحصل معاي اناصراحه تعرفت على شخص مو من جنسيتي ومره مبسوطه معاه وهو كذلك واحبه ولكن انا على يقين انه ماراح اكمل معه يعني مرح ارتبط فيه لاسباب كثيره و اخاف اكون لاعبه بمشاعره كذا او جالسه اسوي شي يغضب الله ، وعندي سوال هالشي يؤثر على جذب شريك الحياة ولالا؟؟؟ تايهه
والله مادري اذا له علاقة بالشريك ولا لا، هي تعتمد على قناعاتك، اما بخصوص خايفة ع مشاعره.. مهم توضحين رأيك في الموضوع له. مو شي التوهان.