بحب كُل أنواع العلوم المقبولة عقليا، أهمها الفيزياء والكوزموس بشكل خاص وده لأنها هتساعدك تُلم بالعالم اللي خارجك" ، والطب هيساعدك تغوص في عالمك الداخلي، تدخل جواك، ولما يكون عندك علم من الاتنين.. إنت كدة عارف عن الكون بأسره تقريبا.
هل لازم يكون لينا حد يشجعنا ويقف معانا ويفهمنا وكده ولا الأفضل نعتمد ع نفسنا عشان في أوقات الشخص ده مش موجود فالوضع بيكون رخم
أوقات وأوقات، الشخص اللي ممكن نثق فيه فعليّا واللي لو اختفى هتكون ظروف أجبرته هو الشخص اللي نستنى منه ولو كلمة كويسة، إنما في جميع الأحوال اللي يجي من ناحية أي شخص أحسن منه شخصيا,, ماستفيد باللي أقدر أستفيده منه حتى لو هو كارهني أصلا وأنا عارف وبعدها هو حُر.
أهي ياسطا تحب أكلم لك أختها.؟.... جدعان اكبروا بقى :"D
حدثني عن أندروميدا
أندروميدا اسم لامرأة إغريقية جميلة جدًا، لدرجة إن فينوس إلهة الحُب والجمال غارت منها.. وعلى اسمها اتسمت أقرب مجرة لينا على بُعد أكبر من 2 مليون سنة ضوئية، معنى اسمها هو المرأة المسلسلة،، وصراحة مُعجب بالاسم ده جدًا .
اللي بيكتب عمره ما هينجح لو بيكتب عشان الشهرة، لما بتعب نفسي يومين أو تلاتة أجهز بوست او مقال عن فكرة جات في دماغي عشان ابسطها بستمتع بالحرية، بكتب اللي بيعجبني في الوقت اللي بيعجبني والمكان اللي بيعجبني، ده غير إني بغير لما بلاقي أصغر عيل من أوروبا وأمريكا وروسيا حتى في تل أبيب بيعرف حاجات أبو شنب عندنا مسمعش عنها، ولو سمع فهو كسّل يعرف عشان مش مُبسطة أو أعلى من مستوى تفكيره.... لما بكتب ببقى عايز أتكلم مع اللي بكتب له وأقوله العلم مش كُخة ولا شيء صعب حتى لو إنت مش معاك غير دبلوم.. هحاول أفهمك يعني هحاول أفهمك.