ايه هدفك في النهاية ؟ بتستمتع بكونك رياضياتي وفيزيائي فقط ولا عاوز توصل لحاجة معينة ؟

April 14, 2019

اللى عاوز اوصله فالنهايه هو الفهم مش المتعه. فهم الامور .. الكون.. العالم الرياضي.. بالنسبالى الرياضيات عالم حقيقي زي العالم الفيزيائي وانا عاوز افهمه بنفس قدر فهم العالم الطبيعي... زياده الفهم بتجلب المتعه العقليه دا اكيد... لكن الامر فقط مش عشان المتعه... الرغبه فى فهم الامور ومعرفه كنتها هو اكبر دوافعي على الاطلاق.

دا الهدف... الفهم.

Liked by: yara hazem Aya Samir يَارب اهدي نُـسَـيْـبَـه :")) أشرقت راضي Safaa Hamdy

+1 answer Read more

ازاي بقيت شاطر في English واديني نصحيه علشان مليش في الافلام ولا الاغاني الانجلش

April 14, 2019

عامة انا مش شاطر اوى فالانجليزي لكن بقدر اتواصل بيها بشكل جيد مع الناس.

بالنسبالى فانا لا كنت بسمع لا افلام ولا اغانى .. لانى مبحبش الاغانى الانجليزي بشكل عام الا مع استثناءات تتعد عالايد ولان لو هتفرج على فيلم فانا بتفرج بغرض التسليه وبالتالى بفضل يبقي مترجم (حتى لو انا فاهم كل كلمه بتتقال بدون ترجمه)

فمش هقولك اغانى ولا افلام متقلقش.

بالنسبالى اللى طور اللغه عندى كان القرايه الكتير.. سواء من ويكيبيديا او مقالات عالانترنت او كتب دراسيه الخ... فالاول كنت بترجم معظم الكلمات ومع الوقت بدا الامر يقل... ميزه القراءه انك ممكن تقرا الجمله كتير بسهوله و تبحث عن معنى كل كلمه و تلاحظ الجرامر بنفسك... مع كتره القراءه الجرامر بيتظبط لوحده وبتتعلم كلمات كتيره.

مكنتش بحفظ كل كلمه جديده. كنت بكتفي اترجمها وخلاص ولما بتقابلنى تانى لو مفتكرتهاش بترجمها تانى ولما الموضوع بيتكرر مرتين تلاته بتتحفظ لا اراديا من غير قصد منى.

فى المقابل، كنت بتفرج على بعض المحاضرات الاكاديميه بالانجليزي. طبعا دى مكنتش بتترجم والانجليزي فيها اسهل لانه مقتصر عالامور الاكاديميه فدا ساعد برده.

فبعض الفترات كنت تابعت شانالز لمدرسين انجليزي امريكان و كنديين وبريطانيين على اليوتيوب بس مستمرتش كتير لكن اكيد فادتنى.

دى تجربتى... وانا مقتنع ان اكتر حاجه اتعلمت منها هى كثره القراءه ودى اكتر مهاره انا كويس فيها فالانجليزي عامة للسبب دا.. وطبعا بيتحسن الكتابه نتيجه لذلك.

فنصيحتي ليك اقرا كتير فموضوعات مختلفه من ويكيبيديا وترجم.. ولو صعبه فيه نسخه من ويكيبيديا اسمها
wiki simple
بتبقي بكلمات مبسطه اكتر فهتبقي اسهل.

وابقي خدلك جولات ترفيهيه فالقاموس.. ساعات كنت بتعلم كلمات لطيفه منها.. لكن حجم الافاده الاكبر هيجي من القراءه.. هتتعلم كلمات و قواعد و تركيباتمع بعض... ومتقلقش من قديه هي صعبه فالاول.. انا محتفظ بورقه بالانجليزي حاولت اقراها من كتاب رياضيات وحرفيا نص الكلمات مترجمها بالاحمر... بعد الامر دا بسنه بقيت بقرا بسلاسه عاليه... فهى الصعوبه كلها فاول فتره وبعد كده هتحس بتحسن ملحوظ.

مش هنصحك بكورس لان انا خدت مره فثانوى كورس ودفعت فيه كتير و كان
تبع الجامعه الامريكيه و متعلمتش منه حاجه تذكر غير شويه كلمات ومش كتير...
فنصيحتي ليك هى:
اقرأ. اقرأ. اقرأ.

فيسبوك بيشتغل عندكو ؟

April 14, 2019

شغال معايا عادى

جاوبني فوزي

April 14, 2019

اول ما شفت السؤال جاوبت علطول. مش بتجاهل اسئله الا لو فيها شتيمه لحد. اول ما دخلت ولقيت اسئلتك جاوبتها مش بتاخر متعمد يعني.

عامة شكرا عالتفهم. يومك لطيف.

بس مش باين عليك انك حد انطوائي ! بالعكس

April 14, 2019

اشمعنا بتقول كده؟ ايه الحاجات اللى فشخصيتي اللى فرايك بتقول انى مش انطوائي؟

هو مبدئيا انا متفق معاك ان بعمل حاجات عكس الانطوائيه لكن بتبقي في سياقات محدده و بتاخد منى مجهود كبير نفسيا... لكن مهتم اعرف باللى خلاك تشوف كده.

+2 answers Read more

فوزي، لو معايا شهادة علمية (مش طب ولا هندسة) لكنها علمية من مصر، بقدر اشتغل فيها باستراليا (او اي دولة اجنبية لغتها الاساسية هي الانجليزية)؟ ولا لازم معادلة للشهادة؟ والمعادلة عبارة عن ايه؟ وهل بتم تعويض المعادلة او استبدالها بشيء اخر؟ وهل مهم المعدل بالشغل؟ ياريت تجاوب اسئلتي باسرع وقت

April 14, 2019

الحقيقه مش عارف للاسف.
تخصص علمى زي الكيميا ولا ايه؟
الامر يعتمد على التخصص والدوله...

انا معنديش اى معلومات تفيد بخصوص شغل العلميين برده كشغل خارج نطاق الاكاديميا...

اعتقد الاحسن تحاول تسال ناس فنفس التخصص هتلاقيهم عندهم معرفه اكتر.. السؤال عام و اظن ممكن يختلف من مجال لمجال.
بعتذرلك لان مقدرتش افيدك.

+1 answer Read more

عايز كتاب يكون كويس ل introduction calculus of variation و محتاج قبل ما ادرسه كورسات ايه اكون فهمتها كويس

April 14, 2019

انا مدرستش
calc of variations
بشكل مستقل سواء ككورس فالكليهاو بشكل ذاتى. دراستي للموضوع جت ضمن اطار دراسه الميكانيكا التحليليه من كتب زي جولدشتاين مثلا كان فيها مقدمه للموضوع.

وبالتالى للاسف مقدرش ارشحلك كتاب فالموضوع.

هل انت عاوز تدرسه بشكل رياضي ولا للتطبيقات؟ بشكل رياضي اتوقع هتحتاج تحليل دالى لكن مش متاكد.. للتطبيقات اعتقد مش هتحتاج كتير اكتر من التفاضل والتكامل فاكتر من متغير.

لو دورت و ملقتش قلي ولو عاوز هسالك دكاتره عن ترشيحات كويسه... لكن مش هتبقي ترشيحات منى.

فين رحت؟

April 14, 2019

هنا... مش فاتح الاسك طول الوقت. لما بفتحه بجاوب و بطلع تانى...

+5 answers in: “بما انك شخص انطوائي زيي هل بتتعرض زيي لبعض الظواهر الغريبة زي انك تترعب من مكالمة تليفون و تخاف من مقابلة شخص جديد و لو حد عزمني على قعدة مع 5 او 6 أشخاص جداد ممكن يجيلي ضيق تنفس من الفكرة كلها وببقى مش عايز أروح هل دي صفات مشتركة بين الانطوائيين ؟ :(”

مهو ليه بجد بشعروا بشعور الانكشاف؟ ازاي بشعروا بالانكشاف دا؟

April 14, 2019

التواصل مع البشر عامة بيسبب الشعور دا عند الانطوائيين... فكره ان اى حد يقدر يوصلك فاى وقت نفسها بتسبب انزعاج بالنسبالى احيانا.

بالنسبالى بيبقي فيه اوقات عاوز ابقي فيها لوحدى تماما بمعزل عن اى حد... وبالتالى ببقا محتاج ابقي بعيد عن السوشال ميديا...

دا الامر بالنسبالى.

+5 answers in: “بما انك شخص انطوائي زيي هل بتتعرض زيي لبعض الظواهر الغريبة زي انك تترعب من مكالمة تليفون و تخاف من مقابلة شخص جديد و لو حد عزمني على قعدة مع 5 او 6 أشخاص جداد ممكن يجيلي ضيق تنفس من الفكرة كلها وببقى مش عايز أروح هل دي صفات مشتركة بين الانطوائيين ؟ :(”

سوشال ميديا بتشتت وبتخوف فعلا بس ما سبب هذا الشعور؟ المعظم مبيشعرش بنفس الشعور والخوف

April 13, 2019

الشعور بالانكشاف على العالم وان كل شخص ممكن يوصلك فاى لحظه مش مريح دايما للانطوائيين.

+5 answers in: “بما انك شخص انطوائي زيي هل بتتعرض زيي لبعض الظواهر الغريبة زي انك تترعب من مكالمة تليفون و تخاف من مقابلة شخص جديد و لو حد عزمني على قعدة مع 5 او 6 أشخاص جداد ممكن يجيلي ضيق تنفس من الفكرة كلها وببقى مش عايز أروح هل دي صفات مشتركة بين الانطوائيين ؟ :(”

غ.س طيب مبتشعرش بالخوف والتشتت لما تكون اكتيف بمواقع التواصل؟ ولا انا لوحدي بشعر بنفس الشعور؟

April 13, 2019

غ.س دى يعني غير السائل؟

عامة بشكل شخصي عندى مشاكل كتيره فى التواصل الاجتماعى على المواقع... ناهيك ان سبق ليك حذف اكونت الفيسبوك نهائي خمس مرات وان انا بفكر النهارده اعطله xD
وان كنت بعمل دى اكتيفيت كتير.. لكن فاخر سنتين بشكل عام بقيت اكثر قدره على السيطره عليه وبقيت بقلل تاثير تشتته عليا.. لكن من وقت للتانى بيشتتني .. زى الفتره دى عشان كده بفكر اعطله.

Liked by: Khaled Mostafa

+5 answers in: “بما انك شخص انطوائي زيي هل بتتعرض زيي لبعض الظواهر الغريبة زي انك تترعب من مكالمة تليفون و تخاف من مقابلة شخص جديد و لو حد عزمني على قعدة مع 5 او 6 أشخاص جداد ممكن يجيلي ضيق تنفس من الفكرة كلها وببقى مش عايز أروح هل دي صفات مشتركة بين الانطوائيين ؟ :(”

If Beyonce and Britney released an album on the same day, which of them would you listen first?

April 13, 2019

Neither.

بما انك شخص انطوائي زيي هل بتتعرض زيي لبعض الظواهر الغريبة زي انك تترعب من مكالمة تليفون و تخاف من مقابلة شخص جديد و لو حد عزمني على قعدة مع 5 او 6 أشخاص جداد ممكن يجيلي ضيق تنفس من الفكرة كلها وببقى مش عايز أروح هل دي صفات مشتركة بين الانطوائيين ؟ :(

April 13, 2019

عندى مشاكل مع الخروجات ايوه... عادة قليل ما بخرج.. وبيبقي بضغط على نفسي فى معظم الاحيان... خصوصا لو تجمع او شخص معرفوش.
واحيانا بعتذر عن خروجات جماعيه للاسباب دى
وانا مبحبش الكلام فى التلفون. بفضل الشخص يبعتلى رساله مكتوبه او ريكورد ... الا لو امر كارثي او عاجل لا يستدعى التاجيل

لكن مؤخرا بقيت بحاول اضغط على نفسي واخرج حتى لو مش حابب على امل ان مع التكرار اتخلص من الامر..وان كنت اشك.

فاعتقد انها مشتركه لكن بتختلف فى حدتها من شخص للاخر.

Liked by: Khaled Mostafa

+5 answers Read more

هل عانيت من الكسل في القراءة والتعلم قبلا؟ كيف تخلصت منه؟

April 13, 2019

حاليا بعانى من الكسل فى القراءه خارج الرياضيات.

تقديرك الكلي كان ايه ؟

April 13, 2019

امتياز مع مرتبه الشرف. لكن قبل اخر ترم كان نزل لجيد جدا لكن فاخر ترم ركزت شويه وقدرت اتخرج بامتياز .. هو عامة كان امتياز لحد نهايه تالته ونزل وبعدين رفعته تانى

Is there life on Mars?

April 12, 2019

It could be true. It couls be false as well.

Liked by: Somaya

طيب طلاما درجات الثانوي مش مقياس ازاي قدرت تحدد انك حابب علوم الرياضيات في فترة الثانوي هل هو شغف برة المدرسة منذ الصغر ؟

April 12, 2019

هو انا فاضي فهرغي شويه...

كنت بدرس رياضيات بشكل مستقل من اعدادى... بالتحديد من نهايه تالته
اعدادى بدات اتعلم تفاضل و تكامل بشكل ذاتى و فى فتره الثانوى كنت بتعلم رياضيات بجانب امور تانيه زى البرمجه والفيزياء والقراءات الفلسفيه... فكان عندى تصور عن الامور اللى بحبها والامور اللى مبحبهاش.

ودا فادنى ان خلال البكالريوس كنت بحضر كورسات مع التمهيدي والماجستير مثلا...

بالنسبه لدرجات ثانوى فانا جبت فى الرياضيات 110 من 120..
كانت الاسباب كالتالى:

1- لان كنت اتعلمت معظم الموضوعات دى من زمان فمزاكرتهاش طول السنه خالص باى شكل.. كان اول تعرفي بنمط اسئله الثانويه ليله الامتحان.. فاهم الامور كويس وكل حاجه لكن تركات المسائل ونمط اسئله الثانوى اللى الطلبه بتقعد تتمرن عليه طول السنه انا معملتوش باى شكل.

2- كان فيه بعض الموضوعات فى التطبيقيه اللى مذاكرتهاش قبل كده وبدات اذاكرها قبل الامتحان بيومين ودا نقصني حوالى خمس درجات فالاستاتيكا.. وان كنت وقتها مقتنع ان المفروض اجيب الدرجه النهائيه و كنت بفكر اعمل تظلم لكن لما لقيت مجموعى يدخلنى هندسه مش بس علوم زى مانا عاوز لقيت انه ملهوش لازمه..

3- فامتحان التفاضل كان فيه مساله انا قررت احلها بطريقه معينه و صممت عليها رغم ان كان فيه بدائل تانيه ممكن احاول فيها... المهم بدات والمعادلات بقت مكلكعه وانا بحاول ابسطها.. محستش بالوقت وعدى اخر نص ساعه فالوقت وانا بحاول بنفس المنهجيه... محاولتش حتى بطرق تانيه كانت فبالى.. كان غباء لا اكتر لان لما طلعت وجربت الطرق التانيه لقيت انها كانت هتؤدى للحل بشكل اسرع مما تصورت... وبالتالى محلتش المساله دى ودا نقصني خمس درجات اظن...

بس هى دى حكايه درجات الثانوى xD
من سخريات القدر..اعلى درجه جبتها فالثانوى كانت الكيميا واظن كانت الدرجه النهائيه او شبه نهائيه.. ودى كانت اكتر ماده بكرهها..

وعامة، انا كشخص درجاتى دايما وحشه لان مش بهتم بالامتحانات ، ودا غلط يعني فلو حد فالبكالريوس وبيقرا كلامى.. جيب درجات كويسه مع التعليم ، وببقي متوتر فيها بزياده فبعك غالبا فالامتحانات... تقريبا اسؤا درجات فالبكالريوس جبتها كانت فاكتر المواضيع اللى انا شاطر فيها xD
وفاحد الانترفيوهات عالدراسات العليا من فتره قرببه اتسالت على درجه احد الكورسات لان الماده جايب فيها تقدير قليل وانا المفروض عاوز اتخصص فحاجه معتمده عليها بشكل كلى..

المهم ان الدرجات تبقي فى مدى مسموح بيه بحيث تخلي الواحد ينتقل للمرحله اللى بعد كده فحياته الاكاديميه... مش مهم انها تبقي نهائيه... لكن لو كانت نهائيه او عاليه اوى دا هيبقي اكيد احسن.. فحالتى انا كشخص مبيهتمش فدا اللى نفع معايا مع ستر ربنا برده... الحقيقه انا كنت قلقان جدا.

Liked by: Khaled Mostafa

+1 answer in: “أنا طول عمري معجبة بالرياضيين و الفيزيائيين وبشوفهم عباقرة الحقيقة. انتوا بيقف قصادكم حاجات كتير عادي كده ؟ أنا في كلية طبية ودرجاتي فيها في الثانوية كانت زفت الحقيقة ?”

Screen whatsapp

April 07, 2019

Do you mean wallpaper? I do not put special one.

Cosa rende una persona ricca?

April 06, 2019

بص يعم والله انا ما فاهم انتوا بتسالوا ايه بالايطالى... ارحونى بليييز.. جراتسيييه سنيووووور..

علوم شبين و هحول طنطا اه عشان انا ساكن اصلا عند الجامعه ،مش عارف احدد قسم و معرفش احدد ع أساس ايه

April 06, 2019

حدد على اساس اهتماماتك و توافر القسم اللى بيلبي الاهتمامات دى وجوده التعليم المتاح فيه.

+3 answers in: “هو انت كنت في جامعه ايه ؟”

اتأكدت متغيرتش , تعرف ايه احسن قسم هناك ؟

April 05, 2019

يعني ايه احسن قسم هناك؟ احسن بالنسبه لانهوا معايير؟ وانت فجامعه ايه دلوقت؟ وهل لازم تحول لطنطا مش لجامعه تانيه؟

+3 answers in: “هو انت كنت في جامعه ايه ؟”

طنطا مفهاش رياضه -فيزيا !!!! ده انا هحول طنطا و كنت ناوي ادخله بس اول مره اعرف ! انت متأكد ؟

April 05, 2019

يا باشا كنت طالب هناك وقريت لايحتها بالتفصيل انذاك. النظام فى طنطا كالتالى.

سنه اولي بيتم تقسيم الطلاب لثلاثه شعب. علاوم طبيعه و علوم بيولوجي وعلوم جيولوجيا على اساسين.

كل طلاب علمى رياضيات فثانوى بيدخلوا علوم طبيعه اجباري.

كل طلاب علمى علوم بيتقسم ... المعظم بيدخل علوم بيولوجي وجزء علوم جيولوجيا .. والتفرقه على حسب المجموع فى الثانوى والرغبات.

فعلوم طبيعه بعد سنه اولي قدامك ٦ اقسام وهى

قسم كيمياء.. فيزياء.. علوم مواد... رياضيات... احصاء... علوم حاسب.

مفيش مزدوج.

علوم بيولوجي فيها فيزياء حيويه و شويه اقسام تانيه مش فاكرها..

دا نظام علوم طنطا... علوم القاهره فيها اقسام مزدوجه... رياضيات فلك و رياضيات فيزيا وفيزيا فلك...بس خلي بالك مش دايما بيبقي ممكن تدخلها ... لو مثلا مفيش غير طالب واحد عاوز يدخل رياضيات فيزيا ممكن ميفتحوش القسم وتضطر تعمل مساومات و طلبات كتيره للاقسام و الكليه الخ.

لكن متاح يعني وغالبا بيتفتح... كذلك لو طالب منعلمى علمى علوم ممكن يعمل معادله و يدخل قسم رياضيات... دا مستحيل فى طنطا... لوكنت علمى علوم فانت خلاص مينفعش تدخل رياضيات او فيزياء.

وانا متاكد من كل ده... الا لو اللوائح اتغيرت ومظنش ان دا حصل.

+3 answers in: “هو انت كنت في جامعه ايه ؟”

هو انت كنت في جامعه ايه ؟

April 05, 2019

سنه اولي كنت فجامعه طنطا وبعدين حولت لجامعه القاهره ابتداءا من تانيه لحد ما خدت البكالريوس كنت فالقاهره. كلامى عن القسم المزدوج كان فالقاهره. طنطا مفيهاش اقسام مزدوجه.

+3 answers Read more

تواضع علماء برضه يا فوزي ?

April 05, 2019

علماء مره واحده؟ هعتبرها مجامله لطيفه، ربنا يسمع من بقك..

هو مش تواضع، هو رائي الخاص.. الرياضيات مش محتاجه ذكاء... محتاجه فضول وتكريس وقت.

+2 answers in: “You are a smart guy ??”

SMART TOO ???

April 05, 2019

دى اراااااء xD

+2 answers in: “You are a smart guy ??”

Fawzy Hegab

Nothing here yet