تعرف ايه عن المدرسة الصيفية للرياضيات بتاعت جامعة القاهرة ؟
مش اكتر من اللى تم الاعلان عنه. مفكرتش اسال عن معلومات لان اتوقع هم لسه فالقسم محددوش كل حاجه والا كانوا اعلنوا.
بتقرا كتب رياضة قد ايه
شايفك بتقول اسماء كتب كتير
هل بتقراهم ؟
وبتلاقى وقت ازاى
مبدئيا هو مش غريب ولا حاجه ان ابقا عارف كتب كتيره... ببساطه لانى عملت بكالريوس فى الرياضيات و بعمل دراسات عليا فى الرياضيات و كنت بدرس رياضيات من وانا فبدايه ثانوى بشكل ذاتى .. فمش غريب ان ابقا عارف وقاري كذا كتاب فالمواضيع الاساسيه... ودا لا يمنع ان فيه مجالات كتيره جوه الرياضيات اجهلها تماما.. الرياضيات واسعه بشكل لا يصدق ولا يمكن تصوره...بلاقي وقت ازاى؟ بقالي خمس سنين دراستي الاكاديميه كلها رياضيات و قبلها بتلات سنين كانت شاغله معظم وقتى كهوايه... فكان عندى وقت طويل خلال ال8 سنين دول..دا مبدئيا، ثانيا... مش كل الكتب بتنقرا من الجلده للجلده... احيانا بتقرا نص كتاب وترجع تكمله بعد سنين لان كل جزء مشتواه مختلف عن التانى او مش محتاجه... فممكن ابقا قريت اجزاء من كتاب وذاكرتها بس مخلصتوش.هل كل الكتب اللى برشحها ببقا قراتها كلها من الجلده للجلده؟ لأ. مثلا كتاب زى بواس بتاع الطرق الرياضيه مش منطقي ادرسه كله لان اصلا كتير من موضوعاته بدرسها بشكل متعمق فى البكالريوس فمش محتاج اقراها من كتاب معمول للفيزيائيين.. لكن مثلا هتلاقيني استعملته ففتره مالفترات عشان اعرف عن التنسورز الخ... فعارف اسلوبه.هل ببقرا قرات اجزاء منها وعارف اسلوبها وطريقه عرضها للامور؟ ايوه. زى ما وضحت..حاجه كمان.. لما بتدرس حاجه فى كورس فالجامعه مثلا بيبقي الهدف تتعلم الحاجه دى وبالتالي ممكن تستعمل اربع او خمس كتب حتى فى دراسه الموضوع بدون ما تقراهم كلهم بس لان فيه حد بيرشدك فبتعرف تمشي منهم و توفق ما بينهم ببعض المجهود... فى حين ان لو لوحدك هتتوه لان متعرفش تقرا ايه قبل ايه ولا ايه معتمد على ايه الخ..لما حد بيسالنى على كتاب فمجال معرفوش وهرشحله كتاب بناء على اللي بسمعه من ناس تانيه بذكر دا صراحه انى مدرستش الكتاب لكن دا اللي بسمعه.
زى ما قلت، ان الشخص بعد ما كان بدا يتحسن ويتخلص من الاكتئاب يرجع لنقطه البدايه.. مثلا لو كان فكورس علاجه مبقاش بياخد دوا طبي فممكن مع الانتكاسه يرجع تانى للدوا او يضطر يغيره.
عاوز ادخل التخصصي في الفيزيا
كدا كدا لسالي سنتين وعاوز ادرس رياضيات كويس السنادي على الاقل دايما هتساعدني في فهم الفيزيا
شكرا
طالما هدفك الفيزيا انصحك تراجع كويس التفاضل والتكامل فى متغير واحد واكتر من متغير... توماس او ستيوارت ممتازين.. اختار واحد ومش مهم انهوا.كذلك تفاضل وتكامل المتجهات دا ... انصحك تقرا اول شابتر من كتاب الكهرومغناطيسيه من سلسه الفيزياء لبيركلي تاليف purcell بيشرح تفاضل وتكامل المتجهات بروعه.. وممكن تحل عليها من شوماكتر شئ انت كشخص مهتم بالفيزياء ممكن تحتاجه... وكذلك المعادلات التفاضليه العاديه... واساسيات المعادلات الجزئيه انصحك فالمعادلات التفاضليه بكتاب زى zillدا المفروض يديك الاساس للموضوعات اللي بعد كده... هتحتاج تتعلم بعض من الاحتمالات و الجبر الخطى لكن مش هتحتاجهم قبل ميكانيكا الكم فممكن تاجلهم دلوقت.برده ممكن تخلي صديقك هو كتاب Boas بتاع الطرق الرياضيه... بيشرح معظم الادوات الرياضيه اللي الفيزيائيين بيحتاجوها... فيه كتب زيه كتير لكن اعتقد دا تحديدا مكتوب كويس.. ممكن ترجعلك وتمشي معاه..
انا في تالته جامعه? بس كليتي مبدرسش فيها رياضيات اخر ما اعرفه عن الرياضبات و الفيزياء كان الثانوية و منهج اولى لزويل
انت بتتكلم عن امتحان ال جي ار اي العام ولا التخصصي؟؟لو العام فانت محتاج تراجع رياضيات الثانويه و الاعدادى... شوف البوكلت الرسمي واى كتاب معمول للجي ار اى زى مانهاتن اعتقد كفايه جدا. الا لو انت كنت ضعيف فى الرياضيات و معتقدش دا بما انك بتقول درست سنه فى زويل.لو قصدك عالتخصصي فلازم تحدد رياضيات ولا فيزيا... لو فيزيا معرفش حاجه لكن لو رياضيات ابدا ب princeton Gre mathكنت استعديت منه ففتره لما كنت بجهز للامتحان لكن مكملتش... لكن كان كويس.
هو ايوه يا هتعلم يا جيتار يا بيانو يا كمانجا... مش عارف لسه. امورى تظبط وهتبقي من اوائل الامور اللي عملها..رغم ان بحب اسمع الناى لكن مش شايف نفسي بعزف عليه.
ولا غالب الا الله..صدمات الحياه تقوينا ولا تهدمنا.
غ س: لو العكس، هل الفشل العاطفي سبب كافي للاكتئاب؟
الاكتئاب مش لازم يحصل لاسباب محدده. فتره الحزن و الزعل اللي بتحصل يعد انتهاء العلاقات مختلفه عن الاكتئاب..ناس كتيره بتخلط بين الاكتئاب وفترات الحزن الممتده... الاكتئاب مش لازم يبقي ليه اسباب ملموسه..فلأ الفشل العاطفي مش سبب كافي للاكتئاب... لكن لو الشخص عنده تاريخ مرضي مع الاكتئاب ممكن مش اكيد، بقول ممكن، مع امور تانيه يؤدى لانتكاسه او احتماليه اصابته بالاكتئاب تانى.
Update: I lost a bet 4 months ago. We were betting about the name of a specific theorem in measure theory.. is it called dominated convergence or somethign very simillar.
يبحث عن سراب. المثاليه لا وجود لها وملهاش تعريف محدد.
هل الاكتئاب والقلق أسباب كافية للفشل العاطفي؟
مش دايما لكن بيحتاج طرفين متفاهمين و صبورين و داعمين بشده لبعض لحد ما فتره الاكتئاب والقلق تنتهي والشخص يعود لوضعه الطبيعي.لكن فاحيان كتير ممكن يؤدى ليه... لكن اللى بيادى للفشل هو طريقه تعاملنا ورد فعلنا عالقلق والاكتئاب مش القلق والاكتئاب نفسه.
راس مالى هو عقلي و تطوير ذاتى.. مشروعى الخاص هو "انا". سواء تطويري علميا او حتى شخصيا وانسانيا .. وعلى كل المستويات الممكنه.
ايه الفرق بين ال freethinker وال atheist ?كنت في الأول فاكرهم وجهين لعملة واحدة أو مترادفين، لحد ما لقيت ناس بتستخدم المصطلحين برغم ان ممكن واحد كفاية!
واضح ان الملحد معناه شخص لا يؤمن بوجود اله مصطلح المفكر الحر مصطلح هلامى ونادرا ما بقابل حد بيستعمله.. غالبا بيعبر ان الشخص لسه مكونش وجه نظر لسه. وان كان فالحاله دى المفروض يطلق على نفسي لاادري بالمعنى الضعيف.وفى كل الاحوال، الافضل تسال كل شخص بيطلق على نفسه المصطلح دا هو يقصد ايه بالظبط، لان مظنش هتلاقي اتفاق عام.
هل أنت مع نظرية الأحلال أم التهجين فيما يتعلق بأنتشار البشر في أنحاء العالم؟
وهل وجود نسبه من جينات النيناندرتال في جينومنا يعتبر دليل على نظرية التهجين؟
رغم ان عملت قراءات متعدده عن التطور بشكل عام لكن معرفش كتير عن تطور البشر خصوصا بما يمكننى يبقي عندى وجه نظر.. دا شئ متروك للمتخصصين فى المجال. انا شخص جاهل فى البيولجيا ولا اعلم اكثر من اساسيات فروعها الاساسيه
انه بيقارن المحتوى العلمي اللى درسته فدولتك او جامعتك باللى المفروض هتدرسه هناك ويقارن هيقبل منه ايه وايه اللى ناقصك تاخده... او انكانت شهادتك كافيه لانه يقبل بيك بره و تدرس الباقي.. او انك تاخد امتحان هم بيحددوه عشان يتاكد انك عندك المتطلبات اللى هو عاوزها...