كل التقدير للبنات اللي قررت تاخد تخصصات تقيلة و قررت تدي الطب جزء كبير من حياتها .. كل الحب للبنات اللي قررت تاخد حاجات خفيفة و بشكل مبدئي مقررة تكتفي بشغل الحكومة عشان تتفرغ لبيتها و اسرتها ... كل الاحترام للبنات اللي قررو يسيبو الطب خالص و يعملو كارير شيفت و يبقو ميكب ارتيست اد الدنيا .. بنحبكم و هنعمل ميكب عندكم ... كل الحقد " بهزر طبعا حب بردو و تقدير و احترام " للبنات اللي قدرت تاخد خطوة معادلات اجنبية و اهاليهم موافقين يسافرو لوحدهم .. مافيش قرار صح و قرار غلط بس دايما في قرار مناسب و قرار غير مناسب لكل شخص حسب اولوياته و ظروفه
" لسه في خير هييجي ، فيه ناس كويسين مقابلنهُمش لسه ، في حاجات حلوه كتير مستنيانا " ♥️
مفيش حاجة سهلة .. كله ليه ضريبة .. !! لا السفر والغربة سهلة .. ولا سحلة الشغل جوه البلد بسيطة .. ولا قلة الشغل مريحة .. !! ولا الجواز سهل .. ولا العزوبية جميلة .. ولا خلفة العيال والتربية بسيطة .. ولا عدم الخلفة مريح .. !! ولا إنك تفتح شركتك سهل .. ولا كونك موظف بسيطة .. ولا الحفاظ علي العلاقات سهل .. ولا قطع العلاقات مع الناس شئ جميل .. ولا تجميع الفلوس بيشبّع .. ولا قلتها موتت من الجوع .. !! الدنيا كلها شقى وتعب .. وكل واحد حر في إختياره .. خليك راضي عن نفسك وقراراتك وقول الحمد لله وتوكل .. و كمل مشوارك..