هو ينفع اخد مكملات بتخسس اثناء الرضاعه
انا وزنى زايد وتعبانه جدا من تقلى دا
ومش هينفع افطم ابنى
بحاول اعمل تمارين فالبيت بس مش جايبه نتيجه (وزنى ٧٧ وطولى ١٦١ )
وزنك مش زايد جدا بس انتي مش بتتكلمي علي مكملات كدة انتي بتتكلمي علي حوارق دهون يعني مش عاوزة تعملي مجهود عشان تخسي ف لازم تستشيري الدكتور البيتابع معاكي عشان ممكن يكون في اضرار
احمد انت كنت عملتلي نظام غذائي من فترة هنا ع الاسك وانا مشيت عليه تمام
انا خسيت وجسمي اتظبط ف الفترة دي وبعد كدة رجعت الجامعة تاني وبوظت الدنيا وبطلت انزل جيم هينفع تعملي نظام تاني 😥
ماشي اوزني نفسك وطولك وااعملك نظام تاني ايه المشكلة ابقي ابعتي علي نفس الq دا 👌
بص هو كان بيقدم فى نوادى كتييير اوى وكان بنجح فيها بكل سهولة بس مكنش بيرتاح فيها وكان اول ما ابتدا يلعب كوره كان بيحلم انو يلعب فى الاهلى وكان الفريق دا بالنسبالو عشق بجد بس كل حاجه باظت احلامو راحت كان فرص جميله مع نوادى تانيه بس هو كان عايز يوصل للاهلى بى اى طريقه بعد اما ضيع فرص كتيير اوى
علي فكرة هو لو عمل اختبارات الاهلي تاني وراح تاني وهو احسن من الاول هيفضلوه عن الواسطة عادي جداا بس تقريبا هو مكسل او خلاص نفسه ضعيفة ومش هيحاول تاني والبركة فيك انت بقي
الرساله التانيه قالو خد حاجتاك وامشى ومتجيش تانى قالو ليه مردش عليه وسابو راح سال المساعد بتاعو هو لى مشانى قالو عشان استبدلوك بى لاعب ابوه مع واسطه وكبير فى البلد ومن وقتها الواد روح واحلامو كلها ادمرت بقى يشرب سجاير مخدرات وكره حياتو تماما ومبقتش اشوفو من وقتها وانا بقيت اكره نادى الاهلى دا اوى 💔
طيب بص صلي علي النبي انا هقولك علي حاجة مش عارف هتفرق معاك ولا لا انا قبل مبتدي كمال اجسام كان عندي ليونة في مفصل الكتف الليونة دي استمرت معايا ومحدش من الكباتن قالي حتي اعمل ايه وروحت لكذة دكتور قالولي ان انا مينفعش العب اللعبة دي انا بصراحة يئست بس كملت بردو الليونة عملتلي تمزق في الاربطة وبعد كدة خلع في مفصل الكتف فضلت اقرا والعب علي نفسي لحد الحمد لله وبفضل لله ثم الكوتش احمد فليكس بقيت احسن وعملت لنفسي حاجة انا مقتنع بيها وبدون هرمونات او مكملات بس صاحبك معندوش عزيمة مستواه قدر يوصله لاختبارات نادي كبير زي الاهلي بس ربنا قاصد يأجل الموضوع دا شوية دا معناه انه لو كمل في طريقه ممكن يكون ربنا شايله حاجة اكبر لو ليك علاقة جامدة بصاحبك دا الحقه خليك جمبه دايما وارفع من معنوياته لحد ما يعدي الازمة دي ويرجع احسن من الاول والصورة التحت دي لاول مرة في حياتي يظهر عندي عضلة كتف 😂✌